Bene Lefi 14:21 - Baibo Busansulushi Bwa Libuku Ili

²¹ “Ono na muntu uyo ngumukandu weenga taacikoonshi kuleta shintu shoonse isho, ulyeelete kuletabo mbelele yomwi yaana isankwa ayi ngumulambu wakumana milandu weelete kutambeeka kuli ndime neMwaami Lesa ayi asalashikwe. Ulyeelete kuletabo kilogilamu yomwi ya fulaulo isenkene amafuta a olifi ayi ncipo ca fulaulo, alimwi comwi ca shotatwe sha mafuta a olifi.

Bene Lefi 14:21 Marejeleo ya Msalaba

Jobo 34:19

Lesa taafuninini banaabaami, nabi kufuninina babile akulyatilila bakandu ceebo boonse ngowakabalenga amaansaakwe.

Tushimpi 17:5

Muntu uyo useka bakandu, ingayi ulanyansha Mulengi wabo. Uyo woonse usangalalila mumapensho a umwi, teshi akalangwebo cakutapekwa mulandu.

Tushimpi 22:2

Muntu mubile taapuseneewo amukandu ceebo nguMwaami Lesa wakalenga boonse bobilo.

Esekelo 46:7

Pamucende womwi awomwi ambelele isankwa yomwi ayomwi ulyeelete kwiilikaawo acipo ca malita ali 17.5 a fulaulo. Apalo pamwanaambelele womwi awomwi ulyeelete kwiilikaawo amweelo wa shipo uli woonse ngweenga kaasuni. Pacipo comwi acomwi ca fulaulo, ulyeelete kwiilikaawo amalita ali 3 a mafuta a olifi.

Bene Lefi 1:14

“Na muntu utoobenga muyuni ayi ngumulambu wakutenta, ulyeelete kuba mpolobe nabi nkulimba.

Bene Lefi 12:8

“Ono na mwanakashi uyo waalilwa kucana mwanaambelele, ulyeelete kuleta mpolobe shobilo nabi nkulimba shobilo ayi yomwi ngumulambu wakutenta, alimwi imwi ngumulambu wakulekelelwa shibiibi. Alakwe mupailishi ulaakucita kweelana aMilawo ayi amusalashe, kuswawaawo ulaakunoosalalite.”

Bene Lefi 14:10

“Lyalo pabushiku bwasanu ashotatwe ulyeelete kuleta mbelele shobilo shisankwa alimwi ayanankashi shoonse shicite mwaaka womwi alimwi shitacite kampenda, pantu pomwi amakilogilamu otatwe a fulaulo usenkene amafuta a olifi ayi cibe ncipo ca fulaulo, alimwi acomwi ca shotatwe sha lita ya mafuta a olifi.

Bene Lefi 14:22

Ulaakwiilikaawo mpolobe shobilo nabi nkulimba shobilo ayi yomwi ngumulambu wakulekelelwa shibiibi, alimwi imwi ngumulambu wakutenta.

Bene Lefi 27:8

Ono na muntu wakashomesha cakulumbila ngumukandu utakoonshi kulipila maali eelete, uyo wakashomesha ulyeelete kuleta uyo wakashomeshekwa kumupailishi kwaamba ayi akaceesheko maali kweelana a maali ngweenga muntu uyo wakonsha kulipila.

Bene Lefi 5:11

“Ono na muntu inga tacikoonshi kucana mpolobe shobilo nabi nkulimba shobilo, ulyeelete kuleta kilogilamu yomwi ya fulaulo ayi ncipo cakulekelelwa shibiibi. Teelete kubikako mafuta a olifi nabi tununkila kabotu ceebo ncipo cakulekelelwa shibiibi, kuteshi cipo ca fulaulo.

Bene Lefi 5:7

“Ono na muntu inga tacikoonshi kucana mbelele nabi mpongo, ulyeelete kuleta mpolobe shobilo nabi nkulimba shobilo kuMwaami Lesa ayi ngomalipilo akubisha kwakwe. Nkokwaamba ayi kayuni komwi ngumulambu wakulekelelwa shibiibi, kamwi ngumulambu wakutenta.

Luka 6:20

Ono Jesu wakalanga kubashikwiiya bakwe akwaamba ayi, “Mulicite coolwe mwebo nobakandu mukwiinga Bweene bwakwe Lesa mbwanu!

2 Bene Kolinto 8:12

Ceebo na mulayandishisha kupa shipo, Lesa ulaakutambula shipo shanu mukubona kwaamba ayi mwapa kweelana ambomukonsha, kuteshi sheesho nshemutacite.

2 Bene Kolinto 8:9

Mukwiinga mwebo mulishi luse lwa Mwaami wesu Jesu Klistu. Wakalinga mubile, sombi wakaba mukandu ceebo ca ndimwe kwaamba ayi mwebo mube babile mumushimu kwiinda mubukandu bwakwe.

1 Samwelo 2:8

Ulasumpula bakandu kuswabo kwiine kumiyanda, ulakusha bakandu kuswa mubuumba bwabo. Ulabalengesha kwikala mubwanabwankashi abanaabaami akubalengesha kuba mumisena ya bulemu. Lwiimbi loonse lwa nsengwe ndwa Mwaami Lesa, pali ndulo mpaakayaka cishi ca panshi.