Bene Kolose 1:9 - Baibo Busansulushi Bwa Libuku Ili

⁹ Nceceeco ncetutacilekeli kumupaililaako kuswabo pabushiku nditwakanyumfwa makani aya apali ndimwe. Tulasenga Lesa amupe busongo alushibo isho shiswa kuMushimu Usalashi kwaamba ayi mwishibe kuyanda kwakwe.

Bene Kolose 1:9 Marejeleo ya Msalaba

Kulumbaisha 119:99

Ndicite maano akunyumfwa kwiinda bamafundishi bangu boonse, ceebo ndayeeyabo pakwiisha kwanu.

Kulumbaisha 143:10

Amunjiishe kucita kweelana akuyanda kwanu, ceebo ndimwe baLesa bangu. Mushimu wanu ubotu auntanjilile munshila shitacite shakulisukama.

Joni 7:17

Aboobo uyo woonse usuni kucita buyanda Lesa, ulaakwishiba na kwiisha kwangu uku kulaswa kuli Lesa nabi kuli ndime nemwiine.

Milimo ya Batumwi 12:5

Aboobo bakatolelela kulama Pita muntolongo. Sombi bantu ba mucoonde bakalinga kumupailila cankusu kuli Lesa.

Bene Loma 12:2

Bwikaalo bwanu butabi anga mbwa bantu ba mucishi ca panshi, sombi amusuminishe Lesa kwaamba ayi asandule myoyo yanu kwiinda mukumupa miyeeyo ipya. Lyalo ndyeshi mukeshibe kuyanda kwakwe Lesa, nkokwaamba ayi shintu shibotu, shimukondelesha alimwi shitacite kampenda.

1 Bene Kolinto 1:5

Ceebo cakuba muli Klistu, Lesa wamupa bubile boonse bwa muMushimu mukwiinga mulishi Makani akwe Lesa alimwi mulakonsha kwaashimika.

Bene Efeso 1:8

luse luunji ulo ndwaakacitila ndiswe soonse. Kwiinda mubusongo alushibo lwakwe,

Bene Efeso 5:10

Anu amwiiye kucita shintu shikondelesha Mwaami.

Bene Efeso 5:17

Paceebo ceeco mutabi anga mbantu baluya, sombi amweeleshe kwishiba sheesho Mwaami Lesa nshaasuni ayi mucite.

Bene Efeso 6:6

Mutanoocitabo boobo na kabamubwene kwaamba ayi bamuluumbe. Sombi mukwiinga muli basebenshi bakwe Klistu, mulyeelete kucita sheesho Lesa nshaasuni ankusu shanu shoonse.

Bene Filipi 1:4

Mumipailo yangu yoonse njeemupaililaako, ndalumba Lesa akusangalala

Bene Kolose 1:6

Makani Abotu atooletela bantu shoolwe alimwi baanji batokwaatambula mucishi ca panshi coonse, bweenka mbwaakacita pali ndimwe, kuswa bushiku ubo ndimwakaanyumfwishisha akwishiba luse lwakwe Lesa mbolubete.

Bene Kolose 3:16

Maswi akwe Klistu aakalilile mumyoyo yanu lyoonse pakwiishanya alimwi akulwiitana cabusongo boonse. Amwiimbe nyimbo shakulumbaisha, shakulemeka Lesa alimwi anyiimbo shimwi sha Mushimu wakwe Lesa. Amwiimbile Lesa amyoyo yakulumba.

Bene Kolose 4:12

Epafulasi wamwaansha. Alakwe ngwamulikoto lyanu alimwi ngumusebenshi wakwe Klistu Jesu. Lyoonse ulamupaililaako kuli Lesa kwaamba ayi mushimpe mulushomo amukucita kuyanda kwakwe Lesa.

Bene Kolose 4:5

Bwikaalo bwanu pabantu batashomi muli Klistu abube bwa busongo alimwi mulyeelete kusebensesha kabotu ciindi cakushimikila Makani Abotu kuli mbabo.

1 Bene Tesalonika 1:3

Ceebo tuleebaluka pameenso akwe Lesa Ishiwesu, nshemwakacita ceebo cakushoma muli Jesu, mbomwakasebensa cankusu ceebo cakumusuna alimwi ambomutoolangila Jesu Mwaami wesu cakutaboola pesule.

1 Bene Tesalonika 5:17

Amupaile kuli Lesa lyoonse.

2 Bene Tesalonika 1:11

Paceebo ceeco tulamupailila lyoonse kwaamba ayi Lesa amulengeshe kuba bantu beelete kwikala buumi ubo mbwaakamwiitila. Tulapaila ayi kwiinda munkusu shakwe amulengeshe kukonsha kucita shintu shibotu nshemuyanda kucita akumanisha milimo itondesha lushomo lwanu.

Filimoni 1:4

Ndalumba Lesa wangu lyoonse ndinkuyeeya mumipailo yangu

Filimoni 1:6

Ndapaila kwaamba ayi kwiinda mukwaamba shalushomo lwako, bantu beshibe abuumbi shibotu shoonse nshetucite muli Klistu.

Bene Ebulu 10:36

Mulyeelete kukalika myoyo kwaamba ayi mucite kuyanda kwakwe Lesa alimwi akwaamba ayi mukatambule sheesho nshaakashomesha.

Bene Ebulu 13:21

Lesa uyo amupe shibotu shoonse shiyandika kwaamba ayi mucite kuyanda kwakwe alimwi ayi kwiinda muli Jesu Klistu, acite shimukondelesha muli ndiswe. Kuli Klistu akube bulemu lyoonse alyoonse! Ameni.

Jemusi 1:5

Sombi na umwi pakati kanu taacite busongo, asenge kuli Lesa uyo upa bantu boonse camaansa obilo akutatongooka, ncakwiila ulaakupekwa.

Jemusi 3:17

Sombi bantu bacite busongo buswa kwiculu, citaanshi tabacite kampenda alimwi balisuni luumuno, balalicata mukwaamba, balalibombya, mbaankumbu lyoonsebo alimwi balacita shintu shibotu shimwi shoonse. Tabasalululi alimwi tabalyaambi mbobatabete.

1 Pita 2:15

Mukwiinga nkuyanda kwakwe Lesa ayi kwiinda mukucita shiluleme muumushe kwaamba kwa baluya kwakubula lushibo.

1 Pita 4:2

Paceebo ceeco, mubuumi bwanu bwa mucishi ca panshi tamweelete kukonkela shiyanda mibili yanu, sombi shiyanda Lesa.

1 Joni 2:17

Cishi alimwi ashintu shoonse shiliimo isho bantu nshebakumbwa shitooya bumana, sombi uyo ucita kuyanda kwakwe Lesa, ulaba abuumi butamaani.

1 Joni 5:20

Tulishi kwaamba ayi Mwanaakwe Lesa wakesa akutupa busongo ayi twishibe Lesa wancinencine. Tuli muli Lesa wancinencine ceebo tuli muli Jesu Klistu Mwanaakwe. Uyu ngoLesa wancinencine alimwi mbobuumi butamaani.

1 Samwelo 12:23

Kulubasu lwangu, nshisuni kwaamba ayi mbishishe Mwaami Lesa mukucileka kumupaililaako. Ndaakumwiisha nshila ibotu alimwi iluleme ayi mwiikonkele.