Bene Galatiya 3:1 - Baibo Busansulushi Bwa Libuku Ili

¹ Mwebo nobene Galatiya baluya! Anu ngani wakamulowa? Nditwakamushimikila shapali Jesu Klistu, twakamusansulwita patuba ayi wakapopwa pamucilingano.

Bene Galatiya 3:1 Marejeleo ya Msalaba

Mateyo 24:24

Mukwiinga abo balyaamba cakubeca ayi, ‘Ndi Usalitwe wakwe Lesa,’ nabi ayi, ‘Ndi mulaluki,’ balaakwisa. Balaakucita shitondesho sha nkusu sha kwiculu alimwi ashaankamiko kwaamba ayi bacenjeeke, na kacikonsheka, abaabo boonse mbwaakasala Lesa.

Mateyo 7:26

“Sombi uyo woonse unyumfwa maswi angu aya akutaakonkela, uli anga ngumuntu muluya wakayakila ŋanda yakwe pamuseese.

Luka 24:25

Lyalo Jesu wakabaambila ayi, “Mwebo nobantu baluya nomucelwa kushoma shintu shoonse shakaamba balaluki bakulukulu!

Milimo ya Batumwi 16:6

Paulo ababye bakeenda munyinsa ya Fuligiya aGalatiya, mukwiinga Mushimu Usalashi wakabakasha kushimikila maswi akwe Lesa mucishi ca Esha.

Milimo ya Batumwi 6:7

Lyalo maswi akwe Lesa akanyumfwika kubantu baanji. Mpeeke bashomi bakalinga kuya bufulilakobo alimwi bapailishi baanji bakashoma Makani Abotu.

Bene Loma 10:16

Sombi teshi kwaamba ayi boonse bakashoma Makani Abotu. Kweelana abwakaamba Isaya mulaluki mukulukulu ayi, “Nkambo, ngani ushoma makani ngotushimikila?”

Bene Loma 2:8

Sombi bamwi abo basuni kucita nshebasuni beene akukaka kucita shiluleme kabacitabo shitaluleme, Lesa ulaakuboombolosha mubukali bwakwe.

Bene Loma 6:17

Ono tulyeelete kulumba Lesa ceebo pakutaanguna mwakalinga basha ba bubi. Ono bulya mulanyumfwila Lesa amyoyo yoonse kwiinda mukukonkela shalushinisho nshemwakeeishikwa.

1 Bene Kolinto 11:26

Ici cilaamba ayi lyoonse ndimulya cimaande akunwita munkomeshi iyi mulaambilisha lufu lwakwe Jesu kushikila akaboole.

1 Bene Kolinto 2:2

Ceebo ndindakalinga amwebo, ndakayeeya kutamulwiita cimwi cintu, sombibo Jesu Klistu, bunene bunene lufu lwakwe lwa pamucilingano.

2 Bene Kolinto 10:5

Tulamanisha kupikishanya akulisumpula uko kulengesha bantu ayi bateshibi Lesa. Tulakoma miyeeyo yoonse kwaamba ayi ibe yeeyo inyumfwila Klistu.

2 Bene Kolinto 11:3

Sombi ndiloondete kwaamba ayi bweenka mbuli nsoka mboyakabeca Efa mubucenjeshi bwa njiyo, amwebo inga mwabecekwa, lyalo mwacileka kulyaaba kuli Klistu amyoyo yoonse.

Bene Galatiya 1:2

Nebo abeensuma boonse mboondyaabo kuno twamwaansha noshoonde sha kuGalatiya.

Bene Galatiya 1:6

Ndakankamana abuumbi mukwiinga mwafwambaana kusuula Lesa, uyo wakamwiita kwiinda muluse lwakwe Klistu, akukonkela makani amwi.

Bene Galatiya 2:14

Ono ndindakabona ayi tabatookala kweelana alushinisho lwa Makani Abotu, ndakaambila Pita pameenso abantu boonse ayi, “Webo uli muJuda, sombi walinga kwikala anga ngumuswamashi wakunsengwe. Ino inga wakakatisha buyani baswamashi bakunsengwe kwikala anga mbaJuda?”

Bene Galatiya 3:3

Ino inga mwaba buyani baluya boobo? Mwebo mwakataanguna kushoma munkusu sha Mushimu Usalashi, ono sa mutooyanda kumanisha mulimo uyu kwiinda munkusu shanu nobeene?

Bene Galatiya 4:9

Sombi bulya Lesa mulimwishi, nabi ŋambe ayi Lesa ulimwishi, ino ono mutooboola buyani kukwiisha kutacite nkusu alimwi ampindu? Ceebonshi mulisuni kuba basha ba nshisho alimwi?

Bene Galatiya 5:11

Nobamakwesu, ono na nebo ncishimikila shakupalulwa ceebonshi bantu bacimpensha? Nendalinga kushimikila boobo, naakwiinga bantu kabatapikishi kushimikila shalufu lwakwe Jesu lwa pamucilingano.

Bene Efeso 3:8

Nebo ndime mucaalishi kubantu bakwe Lesa, nakubi boobo wakampa mulimo uyu wakushimikila baswamashi bakunsengwe Makani Abotu abubile buunji abuumbi bwa muli Klistu.

Bene Efeso 4:14

Lyalo teshi tukabe alimwi anga mbanike, bali anga mbaabo batootolaanishikwabo amaaba nabi cipuupu cakwiisha kwa bantu babeshi. Balalengesha bantu baanji kushoma shabubeshi kwiinda mumilaka ya bucenjeshi.

Bene Efeso 5:15

Anu mulyeelete kucenjela mubwikaalo bwanu. Mutekaali anga mbantu batacite lushibo, sombi anga mbantu basongo.

Dutolonomi 32:6

Mwebo nobantu baluya, batacite maano, Sa mbomweelete kucita kuMwaami Lesa bulya? Sa teshi ngoIshiwanu, Mulengi wanu, uyo wakamulengesha kuba mushobo unene?

2 Bene Tesalonika 1:8

Ulaakwisa amulilo weshi ukanoobilima akutondesha bukali bwakwe kubakaka kwishiba Lesa abaabo bakaka kukonkela shaamba Makani Abotu a paMwaami wesu Jesu.

1 Timoti 6:4

ngushikulisumpula alimwi taaku nceeshi. Ono ulisunishibo kupikisha akwaambana pamaswi. Ici cilaletabo munyono, kupikishanya, matushi, kuyeeyela shibiibi

Bene Ebulu 11:8

Ndushomo lwakalengesha ayi Abulaamu anyumfwile Lesa ndyaakalwiitwa kuya kucishi ico Lesa mwiine ncaakashomesha ayi ulaakumupa. Wakaswa mucishi cine mishaabo kaateshi ankwaakalinga kuya.

Bene Ebulu 5:9

Ndyaakamanisha mulimo wakwe woonse, wakaba nshila ya lupulusho lutamaani kubaabo boonse bamunyumfwila.

1 Pita 1:22

Ono bulya mbomwasalasha myoyo yanu mukunyumfwila shalushinisho ambuli mbomusunene abashominyinaanu, mulyeelete kusunana amyoyo yoonse.

1 Pita 4:17

Mukwiinga ciindi cashikila cakwaamba ayi Lesa atalike koombolosha bantu bakwe. Ono na Lesa ulaakutaanguna koombolosha ndiswe, ino cilaakuba buyani kubaabo batashomi Makani Abotu akwe Lesa?

2 Pita 2:18

Balaamba maswi akulisumpula atacite ncito alimwi kwiinda mulunkumbwa lwa bufuule, balalengesha kubisha abo batooya cilubuka pakati ka bamucita shibi.

Ciyubululo 18:3

Mukwiinga mishobo yoonse yakanwa waini ukali wa bufuule bwakwe. Bamaami boonse ba mucishi ca panshi bakoonaakwe kale, abalo beshimakwebo boonse ba mucishi ca panshi bakabila abuumbi ceebo ca lunkumbwa lwakwe lunene.”

Ciyubululo 2:20

Sombi ndicite litongooshi pali ndiwe ceebo mwanakashi uyo Jesebelo, ulibanda ayi ngumulaluki wakwe Lesa, ulamulangabo. Kwiinda mukwiisha kwakwe, ulabalengesha kubisha ndyaabanyengelela ayi banoocita bufuule akulya shakulya shakabengwa kushibumbwabumbwa.

1 Samwelo 13:13

Samwelo wakamwaambila ayi, “Waciita cintu cabuluya. Tookwe kukonkela mulawo wakakupa Mwaami Lesa wako. Niwacita boobo, naakwiinga Mwaami Lesa wabika bweendeleshi bwa bene Isilaeli mumaansaako abamulunyungu lwako kwamuyayaya.