Bene Galatiya 1:7 - Baibo Busansulushi Bwa Libuku Ili

⁷ Teshi kwaamba ayi kuli makani abotu amwi, sombi kuli bantu bamwi batooyanda kumufulunganya kwiinda mukusendeka Makani Abotu aamba shapali Klistu.

Bene Galatiya 1:7 Marejeleo ya Msalaba

Milimo ya Batumwi 15:24

Twakanyumfwa ayi bamwi bakaswa mulikoto lyesu bakesa mukumupensha akumufulunganya pamakani ngobakaamba kuli ndimwe. Aba bantu tabakwe kupekwa nkusu kuswa kuli ndiswe.

Bene Galatiya 5:10

Ono ceebo cakwaamba ayi tuli womwi muMwaami wesu Jesu Klistu, ndashoma kwaamba ayi teshi mukakonkele miyeeyo imwi ipusene. Ono lakwe uyo utoomufulunganya, nabi na ngani, Lesa ulaakumupa mulandu.

2 Bene Kolinto 11:13

Ceebo bantu abo mbatumwi babeshi, mbasebenshi beshi kuya cicenjeeka ayi baboneke anga mbatumwi bakwe Klistu bancinencine.

Bene Galatiya 5:12

Inga cabota bantu abo batoomufulunganya kulitungula beene.

2 Bene Kolinto 2:17

Tatubete mbuli bamwi baanji bashimikila maswi akwe Lesa anga batoocitabo makwebo mwakucanina shiyandika mubuumi. Sombi ceebo Lesa wakatutuma, tulashimikila cakushomeka pameenso akwe, mukwiinga tuli muli Klistu.

Ciyubululo 20:3

Munjelo wakamuwaala mucilindi citeeli, wacalaako akumataako kwaamba ayi atakacenjeekiwo mishobo ya bantu lyobilo kushikila myaaka iyo ili cuulu ikamaane. Lyalo ndyeshi akaangululwe kwaciindi ciniinibo.

2 Joni 1:10

Paceebo ceeco, na umwi muntu wesa kuli ndimwe kaateeishi sheeshi, mutamutambuli akumutambula mumaandaanu. Muteeleshi nabi kumwaansha.

1 Joni 4:1

Nomusunikwi, mutanooshoma muntu woonse waamba ayi ulicite Mushimu wakwe Lesa, sombi mulyeelete kubeelesha akubona na ncakwiila mushimu ngobacite ulaswa kuli Lesa. Mulyeelete kucita boobo ceebo balaluki babeshi balibo cishi coonse.

Ciyubululo 19:20

Munyama uyo wakacatwa pantu pomwi amulaluki mubeshi uyo wakalinga kucita shaankamiko ceebo ca nguwe. Kwiinda mushaankamiko nshemunya ishi, wakacenjeeka bantu abo bakalinga kucite keshibilo ka munyama alimwi abaabo balambila cibumbwabumbwa cakwe. Mpeeke munyama uyo alimwi amulaluki mubeshi, bakawaalwa mulweenge lwa mulilo uyo unyaka asalufa, kabalasha.

Ciyubululo 13:14

Mpeeke wakabeca bantu boonse ba mucishi ca panshi kwiinda mushaankamiko nshaakasuminishikwa kucita ceebo ca munyama mutaanshi. Munyama uyu wakabaambila ayi bapange cibumbwabumbwa cakubonesha bulemu kumunyama uyo wakabuka ndyaakalinga wayaswa mupeeni.

Ciyubululo 12:9

Lyalo shinshimwe uyu bakamuwaala panshi, njensoka ikulukulu ilya, iitwa ayi Mubiibi nabi Satana, uyo ucenjeeka bantu boonse mucishi ca panshi. Wakawaalwa panshi pantu pomwi abaanjelo bakwe boonse.

Ciyubululo 2:20

Sombi ndicite litongooshi pali ndiwe ceebo mwanakashi uyo Jesebelo, ulibanda ayi ngumulaluki wakwe Lesa, ulamulangabo. Kwiinda mukwiisha kwakwe, ulabalengesha kubisha ndyaabanyengelela ayi banoocita bufuule akulya shakulya shakabengwa kushibumbwabumbwa.

Ciyubululo 2:6

Sombi bubotu bwako mbwakwaamba ayi ulipatite micito ya bene Nikolayi, bweenka mboonjipatite anebo.’

Ciyubululo 2:2

Utokwaamba ayi, ‘Milimo yako ndiishi ambuli mboosebensa cankusu alimwi akutaboola pesule ceebo ca mapensho. Ndishi alimwi kwaamba ayi inga toolangibo bamucita shibi. Abo balibanda ayi mbatumwi, wakabeelesha akucana ayi mbabeshi.

Judi 1:4

Ndakacita boobo mukwiinga bantu bamwi batasuni kucita kuyanda kwakwe Lesa bakenjila mulikoto lyanu cabushishi. Bantu aba balafulunganya lwaanguluko ndotucite kwaamba ayi bacaninemo nshila yakunoocita shintu shilensha nsoni. Peculu lya waawo balakaka Jesu Klistu Mufundishi alimwi ngoMwaami wesu eenkabo. Shamulandu wa bantu aba shakalembwabo kale kale muMalembo akwe Lesa.

2 Joni 1:7

Ceebo kuli babeshi baanji balibo cishi coonse ca panshi, abo batasumini ayi Jesu Klistu wakesa mubuntu. Muntu utasumini makani aya ngumubeshi alimwi ngumulwani wakwe Klistu.

1 Joni 2:26

Ntoomulembela makani aya ceebo ca baabo basuni kumucenjeeka.

2 Timoti 2:18

Bakashiya nshila ya lushinisho alimwi batooya cikolonganya lushomo lwa bashomi bamwi kwiinda mukunokwaamba ayi kubushikwa kwesu kwakuswa kubafu kwakacitika kale.

Bene Galatiya 6:17

Cakweelaako, kutabi muntu nabi womwi ngweshi anoocimpensha, mukwiinga pamubili wangu pali mibata ibonesha ayi ndi musebenshi wakwe Jesu.

Bene Galatiya 4:17

Beshikukonkela kwiisha kwa baJuda abo batoobonesha lusuno lunene kuli ndimwe, sombi lusuno lwabo taaku mbolubete. Balisunibo kwaamba ayi bamupatule kuli ndiswe ayi mubacafweeko amoyo woonse.

Bene Galatiya 2:4

nabi bamwi bakalinga kusuni ayi acitwe boobo. Bantu aba bakalilubyalubya akwinjila mulikoto lya bashomi kwaamba ayi basense lwaanguluko ndotucite muli Klistu Jesu. Bakalinga kusuni kwaamba ayi batulengeshe kuba basha.

2 Bene Kolinto 4:2

Twakaleka shoonse sha bushishi shilensha nsoni. Tatuciti milimo mububeshi nabi kubika bubeshi mumaswi akwe Lesa. Sombi pameenso akwe Lesa tulaamba shalushinisho, akweelesha kulengesha bantu boonse ayi batutambule mumyoyo yabo.

Milimo ya Batumwi 20:30

Nabi mulikoto lyanu nobeene, mulaakuswa bantu beshi bakaambe shabubeshi kwaamba ayi bakushe bantu kulushinisho bakakonkele mbabo.

Milimo ya Batumwi 13:10

akumwaambila ayi, “Webo omwanaakwe Satana, noopatite shiluleme shoonse, uliswitebo bucenjeshi alimwi abubeshi akukakatilabo kufulunganya shintu sha lushinisho sha Mwaami Lesa.

Mateyo 24:24

Mukwiinga abo balyaamba cakubeca ayi, ‘Ndi Usalitwe wakwe Lesa,’ nabi ayi, ‘Ndi mulaluki,’ balaakwisa. Balaakucita shitondesho sha nkusu sha kwiculu alimwi ashaankamiko kwaamba ayi bacenjeeke, na kacikonsheka, abaabo boonse mbwaakasala Lesa.

Jelemiya 23:26

Anu camushobo uyu citootola ciindi cilaamfu buyani mumyoyo ya balaluki babeshi abo beshi kulalukabo shakulibumbila?

Jelemiya 23:36

Nkokwaamba ayi tamweelete kwaamba maswi akwaamba ayi, ‘Mukuli wa Mwaami Lesa’ ceebo na umwi wacita boobo, ndaakulengesha maswi angu kuba mukuli kuli nguwe. Bantu bakasandula maswi angu neLesa wabo, neLesa muumi, neMwaami Lesa Shinkusu shoonse.

Bene Galatiya 1:6

Ndakankamana abuumbi mukwiinga mwafwambaana kusuula Lesa, uyo wakamwiita kwiinda muluse lwakwe Klistu, akukonkela makani amwi.