Bene Filipi 4:9 - Baibo Busansulushi Bwa Libuku Ili

⁹ Kamucita shintu nshemwakeeya akutambula kuswa kuli ndime, kubikaawo anshemwakanyumfwa alimwi anshemwakabona kaancita. Lyalo Lesa upa luumuno ulaakuba amwebo.

Bene Filipi 4:9 Marejeleo ya Msalaba

Isaya 41:10

Anu aboobo mutaloondi mukwiinga ndi amwebo. Mutoongumani ceebo ndime Lesa wanu. Ndaakumupa nkusu akumucafwa alimwi ndaakumufuna alyaansa lyalulyo liluleme.

Isaya 8:10

Amupangane muyeeyo bwakucita, sombi teshi mukaswitilileewo. Cili coonse nceshi mubambe teshi cikasebenseewo mukwiinga Mwaami Lesa uli aswebo.

Mateyo 1:23

“Ncakwiila mwanakashi utana kukumanawo kale amusankwa ulaakumita, akushala mwaana musankwa eshi akanokwiitwa ayi Imanuweli,” (nkokwaamba ayi “Lesa uli aswebo.”)

Mateyo 28:20

Mukabeeishe kukonkela akucita shintu shoonse nshendakamulwiita. Nebo nanooli amwebo lyoonse kushikila kumamanino a cishi.”

Mateyo 7:21

“Teshi kwaamba ayi boonse banjita ayi, ‘Nkambo, Nkambo’ balaakwinjila muBweene bwa kwiculu, sombibo wooyo ucita kuyanda kwa baTa bali kwiculu.

Luka 6:46

“Ceebonshi mulanjita ayi, ‘Nkambo, Nkambo’ sombi kamutaciti nshemwaambila?

Luka 8:21

Sombi Jesu wakabaambila ayi, “Bama abamakwesu mbaabo banyumfwa maswi akwe Lesa akucita mbwaamba.”

Joni 13:17

Ono bulya mbomweshiba shintu ishi, mulaakuba acoolwe na mukashiciite.

Joni 15:14

Na kamukonkela kwiisha kwangu, nkokwaamba ayi muli babyaanji.

Joni 2:5

Nakubi boobo banyina Jesu bakalwiita basebenshi ba pabwiinga ayi, “Mucite cili coonse nceshi amwaambile.”

Milimo ya Batumwi 9:6

Ono nyamuka uye mundabala iyi, mweshi uye ulwiitwe nsheweelete kucita.”

Bene Loma 15:33

Lesa upa luumuno abe amwebo noonse. Ameni.

Bene Loma 16:20

Lyalo Lesa upa luumuno, ulaakunyonyoola nkusu shakwe Satana kwaamba ayi mukamukoome. Luse lwa Mwaami wesu Jesu lube amwebo.

1 Bene Kolinto 10:31

Ono aboobo kulilabo ncemutoocita, kulya nabi kunwa, amushiciite shoonse mukupa bulemu kuli Lesa.

1 Bene Kolinto 14:33

Mukwiinga Lesa taasuni kunyonyongana, sombi ulisuni luumuno. Ono kweelana amushoonde shimwi shoonse sha bantu bakwe Lesa,

1 Bene Kolinto 4:16

Aboobo ndamusenga kwaamba ayi mukonkele nsheencita.

2 Bene Kolinto 13:11

Ono nobamakwesu, amucaale kabotu. Amululamike buumi bwanu, mukutike milasho yangu. Kamunyumfwana, mwikale muluumuno. Lyalo Lesa shilusuno aluumuno ulaakuba amwebo.

Dutolonomi 5:1

Mose wakabunganya bene Isilaeli boonse akubaambila ayi, “Nobene Isilaeli, amukutike kumilawo amilasho yoonse njeentoomupa sunu. Muyiiye akwiikonkela cakushinisha.

Bene Filipi 3:17

Nobamakwesu, kamwiiya ndime alimwi mubalabilile abo bantu beenda munshila njetwakamwiisha.

Bene Filipi 4:7

Aboobo luumuno lwakwe Lesa ulo lwiinda pabusongo bwa bantu boonse, lulaakulama myoyo yanu alimwi amiyeeyo yanu muli Klistu Jesu.

1 Bene Tesalonika 1:6

Mwakakonkela bwikaalo bwesu abwa Mwaami Jesu. Nabi mwakalinga mumapensho anene, mwakatambula Makani Abotu cakusangalala uko kuswa kuMushimu Usalashi.

1 Bene Tesalonika 2:14

Ceebo nobamakwesu bweenka bwakapenga shoonde shakwe Lesa mucishi ca Judeya, mbweeke ubo amwebo mbomwakapenga. Bene mishaanu bakamupensha bweenka mbobakapenshekwa kubaJudanyinaabo.

1 Bene Tesalonika 5:23

Ono Lesa uyo utulengesha kwaamba ayi twikale muluumuno, amusalashe cakumaninina akulengesha buumi bwanu boonse kubula kampenda pakwisa Mwaami wesu Jesu Klistu.

2 Bene Tesalonika 3:4

Lesa ngootulengesha kuba alushomo muli ndimwe, aboobo tulishinishite kwaamba ayi mutoocita alimwi mulaakutolelela kucita nshetumulwiita.

2 Timoti 4:22

Mwaami abe awebo. Luse lwakwe Lesa lube amwebo noonse.

Jemusi 1:22

Mutabi bantu balibeca kwiinda mukunookutikabo maswi ayo, sombi kamucita shaambwa muli ngawo.

2 Pita 1:10

Paceebo ceeco nobamakwesu, amwiindilishe kusebensa cankusu ayi mushinishe kwaamba ayi kwiitwa alimwi akusalwa kwanu kwakaswa kuli Lesa. Na mwacita boobo, teshi mukaweewo,

1 Joni 3:22

Alimwi Lesa ulatupa cili coonse nceenga twamusenga ceebo tulakonkela milawo yakwe akucita shimukondelesha.