Bene Filipi 4:6 - Baibo Busansulushi Bwa Libuku Ili

⁶ Mutanoolisukama pacintu nabi comwi, sombi mumipailo yanu yoonse amusenge shintu shoonse nshemutacite kuli Lesa. Kamusenga amoyo wakulumba lyoonse.

Bene Filipi 4:6 Marejeleo ya Msalaba

1 Baami 8:28

NoBaami baLesa, baLesa bangu, nebo ndi musebenshi wanu. Amunyumfwe mupailo wangu akusuminisha ncentoosenga sunu.

2 Makani 32:20

Mpomunyaawo mwaami Esekiya amulaluki Isaya mwanaakwe Amosi bakapaila kuli Lesa akumulilila ayi abacaafwe.

Kulumbaisha 51:15

NoBaami baLesa, amuncaafwe ayi ŋambe, lyalo mulomo wangu ulaakumulumbaisha.

Kulumbaisha 55:17

Macolesha, macuunsa amalumwi eene, ndoolobesha kuli nguwe mubuumba bwangu, alakwe ulanyumfwa liswi lyangu.

Kulumbaisha 55:22

Amutule nshemulisukama mumaansa a Mwaami Lesa. Lakwe ulaakulama buumi bwanu kabotu. Taaku muntu ululeme ngweshi akaleeke ayi akomwe.

Kulumbaisha 62:8

Mwebo nobantu amucinke manungo muli nguwe ciindi coonse, Amumulwiite mapensho anu oonse, ceebo Lesa eenka nceciyubilo cesu.

Tushimpi 15:8

Mwaami Lesa ulipatite mulambu wa mucita shibi, sombi mupailo wa muntu ululeme ulamusangalasha.

Tushimpi 16:3

Bika miyeeyo yako mumaansa a Mwaami Lesa, lyalo miyeeyo yako iyo yoonse ilaakuswitilila.

Lwiimbo lwakwe Solomoni 2:14

Ompolobe yangu nooli mushicengo sha mabwe, nookala mumisena yakuyubilaamo mukalundu. Tondesha ciwa cako, aanyumfwe liswi lyako mukwiinga liswi lyako ndibotu. Acalo ciwa cako ncibotu abuumbi.

Jelemiya 32:16

Ndindakamana kupa Baluki makalata atondesha bwiine, ndakapaila ayi,

Jelemiya 33:3

“Ndilile, anebo ndaakukukumbula. Lyalo ndaakukulwiita shintu shibotu alimwi shikankamika isho nshooteshiiwo.

Danyelo 3:16

Shadileki, Mishaki aAbedinego bakakumbula mwaami ayi, “Nobaami baNebukadinesa, tatweelete kuliimikanina pamakani aya, sobwe.

Danyelo 6:10

Danyelo ndyaakanyumfwa ayi mwaami wapanga mulawo uyo, wakenjila mucipinda ca peculu ca ŋanda yakwe apo pakalinga mbwelyo yakalinga kulangite kundabala ya Jelusalemu. Wakalinga kufukama mankanda otatwe pabushiku akupaila mukulumba Lesa wakwe bweenka mbwaakalinga kucita kuswabo kalekale.

Mateyo 10:19

Ono na bakamwaange, mutakalisukami ayi, ‘Ino tukaambe buyani?’ nabi ayi, ‘Tukaambenshi?’ mukwiinga Lesa ulaakumupa nceshi mukaambe.

Mateyo 13:22

Ono isho shakalokela pamyuumfwa mbantu abo banyumfwa maswi akwe Lesa, sombi shintu sha mucishi ca panshi, akusuna bubile, shilafulunganya maswi akwe Lesa, aboobo tabacati shisepo.

Mateyo 6:34

Paceebo ceeco, mutanoolisukama asha ciilo mukwiinga sha ciilo nsha ciilo. Anu bushiku boonse bulicite mapensho a mbubo.

Mateyo 6:8

Mwebo mutabi mbuli mbabo ceebo Ishiwanu ulishi shoonse nshemutacite kamutana kumusenga.

Luka 10:41

Mwaami Jesu wakamukumbula ayi, “Malita, Malita walisukama akupenshekwa ashintu shiinji!

Luka 12:22

Kuswawaawo Jesu wakaambila bashikwiiya bakwe ayi, “Paceebo ceeco ntoomwaambila ayi mutalisukami pabuumi bwanu ayi na ndaakulyanshi nabi mubili wanu ayi nkafwalenshi.

Luka 12:29

“Anu mutanoolisukama nabi kuyeeya bunene nceshi mulye nabi kunwa.

Luka 18:1

Mpomunyaawo Jesu wakalwiita bashikwiiya bakwe cikoshanyo, cakubeeisha ayi balyeelete kupaila lyoonse cakutatyongola.

Luka 18:7

Ono sa Lesa teshi akabacitile shiluleme bantu bakwe basalitwe abo bamusenga malumwi amashiku? Sa ulaakucelwa kubacafwa?

1 Bene Kolinto 7:21

Sa wakalinga musha Lesa ndyaakakwiita? Ono utalisukami. Sombi na wacaana ciindi cakwaangululwa, cisebenseshe.

1 Bene Kolinto 7:32

Ndisuni kwaamba ayi mwaanguluke mushintu shoonse shilenga kulisukama. Muntu uteebete ulalisukamabo shintu sha Mwaami, nkokwaamba ayi mbweenga wamukondelesha.

2 Bene Kolinto 1:11

kweelana ambomutucafwa mumipailo yanu. Lyalo baanji balaakulumbaisha Lesa mukwiinga wakatupa shoolwe ceebo ca mipailo ya bantu baanji.

Bene Efeso 5:20

Kamulumba Lesa Ishiwesu muliina lya Mwaami wesu Jesu Klistu ceebo ca shintu shoonse.

Bene Efeso 6:18

Kamupaila pakucita shintu shoonse ishi. Kunoosenga Lesa kwaamba ayi amucaafwe. Paciindi coonse kamupaila kweelana aMushimu Usalashi mbweenga wamutanjilila. Paceebo ceeco amucenjele, mutatyongooki napaceyi. Lyoonse na mutoopaila, kamupaililako bashomi boonse.

Bene Kolose 3:15

Luumuno Klistu ndwaapa, alweendeleshe myoyo yanu. Lesa wakamwiita kwaamba ayi mube aluumuno ndomunya ulu mukwiinga muli shipansha sha mubili womwi. Amube amyoyo yakulumba.

Bene Kolose 3:17

Nkokwaamba ayi shoonse nshemucita nabi kwaamba, mulyeelete kushicita muliina lya Mwaami Jesu akulumba Lesa Ishiwesu kwiinda muli nguwe.

Bene Kolose 4:2

Amucatishe kupaila, kunoolibambite lyoonse alimwi akulumba Lesa.

1 Timoti 2:1

Ono citaanshi ndaseenga ayi mupailile bantu boonse. Kupaila kwanu kube kusenga, mipailo, kusengela bamwi alimwi akulumba Lesa.

1 Timoti 5:5

Mukalubinje mwanakashi utacite beshikumucafwa nabi beshikumulama, wakabika kulangila kwakwe muli Lesa alimwi ulatolelela kupaila akumusenga shalucafwo lwakwe mashiku amalumwi.

1 Pita 4:7

Ono mamanino a shintu shoonse ali pafwaafwi. Paceebo ceeco, kamulitibuka alimwi mucenjele, kwaamba ayi mukonshe kupaila.

1 Pita 5:7

Amutole kulisukama kwanu koonse kuli nguwe ceebo ngoomulama.

1 Samwelo 1:15

Sombi lakwe wakakumbula ayi, “Sobwe, nshikoletweewo nkambo. Nshindalinga kunwa! Kuli ncindapenga. Aboobo ndalinga kupaila ayi mbike mapensho angu kuMwaami Lesa.

1 Samwelo 30:6

Defedi wakapenshekwa abuumbi mumoyo mukwiinga bashilumamba bakwe bakalinga kwaamba ayi batoomuuma mabwe. Womwi awomwi pakati kabo wakalinga kukalalite ceebo ca bana bakwe bakatolwa busha. Nakubi boobo Mwaami Lesa, Lesa wakwe wakamuyumyayumya.

1 Samwelo 7:12

Lyalo Samwelo wakabwesa libwe akulibika pakati ka ndabala ya Misipa aSheni. Libwe ilyo wakalitumba ayi Ebenesa akwaamba ayi, “Mwaami Lesa watucafwa mushinso woonse uyu.”