Bene Filipi 4:19 - Baibo Busansulushi Bwa Libuku Ili

¹⁹ Paceebo ceeco, Lesa wangu ulaakumupa shoonse nshemubula kwiinda mububile bwakwe buunji bwa muli Klistu Jesu.

Bene Filipi 4:19 Marejeleo ya Msalaba

Matalikilo 48:15

Mpeeke wakapa coolwe Josefu ayi, “Lesa uyo bata baAbulaamu abaIsaki ngobakalinga kusebensela aape coolwe baana aba! Lesa uyo wakantanjilila kushikila asunu aabape coolwe!

2 Samwelo 22:7

Ono mumapensho angu ndakapaila kuMwaami Lesa. Ndakeeta Lesa wangu kwaamba ayi ancaafwe. Mpeeke wakakutika liswi kaali muŋanda yakwe. Wakanyumfwa kulila kwangu kwakusenga lucafwo.

2 Makani 18:13

Sombi Mikaya wakakumbula ayi, “Bweenka mbocibete lushinisho ayi Mwaami Lesa ngumuumi, mbweeke ubo ntoobalwiitabo sheenka nsheshi andwiite!”

2 Makani 31:8

Lyalo Esekiya abacinenenene bakwe ndibakabona milwi iyo bakalumbaisha Mwaami Lesa abantu bakwe bene Isilaeli.

Neyemiya 5:19

NobaLesa bangu, amwiibaluke shintu nshendakacitila bantu aba akumpa shoolwe shiinji.

Neyemiya 9:15

“Ndibakafwa nsala mwakabapa cakulya kuswa kwiculu. Ndibakafwa nyotwa mwakabapa maanshi kuswa mumwaandami. Mwakabaambila ayi baye mukubwesa cishi ico ncemwakabashomesha kubapa.

Kulumbaisha 104:24

NoBaami baLesa, mwakalenga shintu shiinji! Ncakwiila shoonsebo mwakashilenga amaano! Ee, cishi ciliswitebo shilengwa shanu.

Kulumbaisha 130:7

Nobene Isilaeli amucinke manungo muMwaami Lesa, ceebo lusuno lwakwe talumaani. Ndushinisho lakwe ngoolibambite kutupulusha lyoonse.

Kulumbaisha 36:8

Balalya shakulya shibotu muŋanda yanu, akunwa mumulonga wanu wa shoolwe.

Kulumbaisha 84:11

NoBaami baLesa muli anga ndisuba alimwi anga ndiyawo lyesu. Mulatupa coolwe mukutunyumfwila nkumbu akutupa bulemu. Mwebo tamukaki kupa shintu shibotu kubaabo bacita shiluleme.

Danyelo 6:22

Lesa wangu watuma munjelo uyo wacala milomo ya nkalamu. Tashikwe kuncisaawo napaceyuubo ceebo ndacanika ayi nshicite mulandu pameenso akwe alimwi nshikwe kucitawo cilubo nabi comwi kuli ndimwe, nobaami.”

Mika 7:7

Sombi nebo ndanoolangila lucafwo kuswa kuMwaami Lesa. Ndanoolindila Lesa Mupulushi wangu. Ndushinisho Lesa wangu ulaakunkutika.

Malaki 3:10

Amulete myeelo ikwene ya shalikumi muŊanda yangu kwaamba ayi mube shakulya. Amunjeleshe, mubone na inga nshimucalwiti mbwelyo sha kwiculu akumupuumwita shoolwe shiinji cakwaamba ayi mukabule apakushibika.

Mateyo 6:32

Mukwiinga ishi nsheshintu bakunsengwe nshebayandoola, sombi Ishiwanu wa kwiculu ulishi kwaamba ayi shoonse ishi mulishisuni.

Joni 20:17

Jesu wakamwaambila ayi, “Utancatilili ceebo nshina kuya kuli baTa. Sombi koya ukaambile bashikwiiya bangu ayi, ‘Ntooya kuli baTa alimwi mbobaishiwanu amwebo, nguLesa wangu amwebo nguLesa wanu.’ ”

Joni 20:27

Lyalo wakaambila Tomasi ayi, “Njisha munwe wako apa alimwi ubone amaansaangu. Fungulula lyaansa lyako unjishe kumbafu shangu. Ono cileke kutonsha, ushome.”

Bene Loma 1:8

Ntootaanguna kulumba Lesa kwiinda muli Jesu Klistu ceebo ca ndimwe noonse mukwiinga bantu mucishi coonse batoonyumfwa kwaamba ayi mulashoma muli Jesu Klistu.

Bene Loma 11:33

Ma, Lesa ulicite nkumbu abuumbi! Ngumusongo bumbi alimwi lushibo lwakwe talwaambiki! Taaku weenga wasansulula miyeeyo yakwe nabi kunyumfwishisha nshila shakwe.

Bene Loma 2:4

Nabi sa utoonyansha Lesa ceebo ca kwaamba ayi ngushinkumbu abuumbi alimwi taatondeshi bukali bwakwe paciindi ceenka ico, sombi ulatolelela kulekelela? Ncakwiila ulishi kwaamba ayi Lesa ncaabetele shinkumbu nkweelesha kwaamba ayi usanduke kuswa kushibiibi shako.

Bene Loma 8:18

Ndishinishite kwaamba ayi mapensho ngotwiindaamo taaelene abulemu Lesa mbweshi akatuyubulwite.

Bene Loma 9:23

Wakacita boobo kwaamba ayi ayubulule bulemu bwakwe bwancinencine kuli ndiswe, sotwakanyumfwilwa nkumbu akubambilwa limwi ayi tukatambuleko bulemu ubu.

2 Bene Kolinto 12:21

Ntooloonda kwaamba ayi ndaakwisaako alimwi, Lesa inga wanengesha kunyumfwa nsoni pameenso anu mukwiinga ndaakutalika kulila ceebo ca baabo boonse bakabisha kale kale, batana kusanduka kuswa kushibiibi shabo sha lunkumbwa, cikololo ashimwi shoonse shakutalilemeka.

2 Bene Kolinto 4:17

Aya mapensho oobu ngotutoobona teshi a ciindi cilaamfu, sombi alaakutuletela bulemu bwiindaawo abuumbi alimwi butamaani ubo buteelanishikwi amapensho oonse

Bene Efeso 1:18

Ndaseenga kwaamba ayi munyumfwe shalushinisho isho shiswa kuli nguwe, kwaamba ayi mwishibe sheesho nshaakamwiitila, akwishiba kubota kwa shoolwe shabulemu Lesa nshaakashomesha bantu bakwe.

Bene Efeso 1:7

Kwiinda mulufu lwakwe ndwaakalibenga, Jesu wakatwaangulula alimwi tulalekelelwa shibiibi shesu kwiinda mubulowa bwakwe. Ncakwiila luse lwakwe Lesa lulakankamika abuumbi,

Bene Efeso 2:7

Wakacita boobo kwaamba ayi amushiindi shitoosa shoonse akanooboneshabo luse lwakwe lutana kubonekaawo, ulo ndwaakabonesha kuli ndiswe kwiinda muli Klistu Jesu.

Bene Efeso 3:16

Ntoosenga kuli Lesa, ayi kuswa mububile bwa bulemu bwakwe, amupe nkusu kwiinda muMushimu wakwe kwaamba ayi muyume mumyoyo yanu.

Bene Efeso 3:8

Nebo ndime mucaalishi kubantu bakwe Lesa, nakubi boobo wakampa mulimo uyu wakushimikila baswamashi bakunsengwe Makani Abotu abubile buunji abuumbi bwa muli Klistu.

Bene Filipi 4:7

Aboobo luumuno lwakwe Lesa ulo lwiinda pabusongo bwa bantu boonse, lulaakulama myoyo yanu alimwi amiyeeyo yanu muli Klistu Jesu.

Bene Kolose 1:27

Lakwe wakasuna kwaamba ayi baswamashi bakunsengwe boonse beshibe maswi ayo ancinencine. Ngamaswi abotu abuumbi, abubile bwa bulemu bwakwe ayo akalinga kushisitwe kubantu boonse. Maswi aya ngakwaamba ayi Klistu uli muli ndimwe alimwi ngoomupa kulangila kwa kutambula bulemu bwakwe Lesa.

Bene Kolose 3:16

Maswi akwe Klistu aakalilile mumyoyo yanu lyoonse pakwiishanya alimwi akulwiitana cabusongo boonse. Amwiimbe nyimbo shakulumbaisha, shakulemeka Lesa alimwi anyiimbo shimwi sha Mushimu wakwe Lesa. Amwiimbile Lesa amyoyo yakulumba.

1 Bene Tesalonika 2:12

Twakalinga kumuyuminisha akumwaambila cankusu ayi mulyeelete kwikala bwikaalo ubo bukondelesha Lesa, uyo umwiita kwaamba ayi mukenjile muBweene amubulemu bwakwe.

1 Timoti 6:17

Waambile bantu abo babile mushintu sha cishi ca panshi cino ayi batanoolisumpula akulangila mububile ubo bumana. Sombi balyeelete kulangila muli Lesa uyo utupa camaansa obilo shintu shoonse shitusangalasha.

Filimoni 1:4

Ndalumba Lesa wangu lyoonse ndinkuyeeya mumipailo yangu

1 Pita 5:1

Ono ntoolwiita bamatanjililima ba coonde pakati kanu. Ndakabona ambuli Klistu mbwaakapenshekwa alimwi ntoolindila kutambulaako bulemu bwakwe Klistu bweshi bukayubululwe.

1 Pita 5:10

Pakumana kupenshekwa kwaciindi ciniini, Lesa shiluse loonse, uyo wakamwiita ayi kwiinda muli Klistu mukatambule bulemu bwakwe butamaani, ulaakumubotesha cakumaninina mumushimu. Ulaakumuyumya mulushomo, kumupa nkusu alimwi akumubika palwiimbi luyumu.