Bene Filipi 4:18 - Baibo Busansulushi Bwa Libuku Ili

¹⁸ Ndakatambula shoonse nshimwakantumina, kwalo kwiine shafula. Ndicite shoonse shiyandika mukwiinga ndatambula kuswa kuli Epafuloditasi shoonse nshimwakantumina. Ishi shilibo anga ncipo cinunkila kabotu capekwa kuli Lesa, mulambu uyo utambulwa kuli nguwe alimwi ukondelesha.

Bene Filipi 4:18 Marejeleo ya Msalaba

Kulonga 29:18

Mpomunyaawo ukatente mbelele yoonse iyo pacipaililo ayi ngumulambu wakutenta. Bweema bwa mulambu uyo, bulansangalasha.

Shakubelenga 15:3

mucende, mbelele isankwa nabi mpongo inga yabengwa kuli ndime neMwaami Lesa ayi ngumulambu wakutenta, mulambu wakucita kweelana akushomesha cakulumbila, mulambu wakulyaaba nabi milambu ya pakusekelela mukupaila kwanu. Bweema bwa milambu ya shakulya iyi, bulansangalasha nebo neMwaami Lesa.

Milimo ya Batumwi 10:4

Konelyasi wakalangilishisha munjelo uyo akwiipusha ayi, “Mbuyani nkambo?” Munjelo wakamukumbula ayi, “Lesa wakondwa amipailo yako alimwi alucafwo lwako kubantu bapenshi, aboobo ulilibambite kukukumbula.

Bene Loma 12:1

Ono nobamakwesu ceebo Lesa wakatunyumfwila nkumbu abuumbi, ndamusenga kwaamba ayi mulibeenge amyoyo yanu yoonse ayi mube mulambu uumi kuli Lesa, usalalite alimwi umusangalasha. Iyi njenshila yancinencine yakulambililaamo Lesa.

2 Bene Kolinto 11:8

Lucafwo loonse ndindakalinga kusebensela pakati kanu lwakalinga kuswa kushoonde shimwi. Ico cakalinga kuboneka anga ntoopamba shoonde isho kwaamba ayi ncafwe ndimwe.

2 Bene Kolinto 9:12

Ceebo mulimo uyo wa luse taweelibo mukucafwa bashomi mushintu nshebatacite, sombi cibolaawo bantu baanji balalumba Lesa abuumbi.

Bene Efeso 5:2

Shoonse nshemucita, shilyeelete kutondesha lusuno bweenka mbuli Klistu mbwaakatusuna. Wakaaba buumi bwakwe ceebo ca ndiswe akuba anga ncipo ca bweema bubotu alimwi anga ncipo ca munyama wakutenta cikondelesha pameenso akwe Lesa.

Bene Filipi 4:12

Ndibwishi bukandu alimwi abubile, mushoonse ndakeeya cintu cishisitwe ciliimo, nkutatongooka mukukuta nabi kufwa nsala, mukuba ashiinji nabi kubula.

2 Bene Tesalonika 1:3

Nobamakwesu, tulyeelete kulumba Lesa ceebo canu lyoonse. Cililuleme abuumbi kuli ndiswe kulumba Lesa ceebo lushomo lwanu lwakomena abuumbi alimwi kusunana kwanu kutooya ciindaawo.

Bene Ebulu 13:16

Mutaluubi kucita shibotu alimwi akucafwana ceebo iyi njemilambu isangalasha Lesa.

1 Pita 2:5

Amwebo mube anga ngamabwe oomi ayo Lesa ngweshi ayakishe ŋanda yakwe ya mushimu. Muŋanda iyo mweshi mukasebensele mbuli bapailishi basalalite mukubenga milambu ya mushimu itambulwa kuli Lesa kwiinda muli Jesu Klistu.