17 Teshi kwaamba ayi ndisuni kunootambulabo shipo, sombi ayi mpindu yanu ikomeneneeko.
Kucafwa bakandu, cili anga nkukongosha Mwaami Lesa, lyalo Mwaami Lesa alaakubooshesha kweelana ambowakapa.
Mbondapenga nebo nemucaangu! Ndababo anga ngumuntu uya cibweselela shisepo shakacaala mumuunda. Sombi taaku cisankata ca minyansa nabi comwi cakacaalaamo cakwaamba ayi inga ndalya, nabibo nkuyu isho nsheensuni abuumbi.
Anu ncibotubo umwi mulikoto lyanu kucala milyango ya kuŊanda yangu, kwaamba ayi mutanookunka mulilo utacite ncito pacipaililo cangu! Nebo nshikondetweewo pali ndimwe, alimwi taaku milambu yanu njeshi nkatambule.
Teshi ndimwe mwakansala, sobwe. Sombi ndime ndakamusala kwaamba ayi mukacate shisepo isho shitaloobi. Lyalo baTa balaakumupa cili coonse nceshi mukasenge muliina lyangu.
Na kamucata shisepo shiinji, ico inga caletela bulemu baTa, alimwi cilaakutondesha ayi muli bashikwiiya bangu bancinencine.
Ndaakumanisha mulimo uyu wakubatolela shipo shoonse ishi, ndaakunyamuka kuya kuSipeeni, lyalo ndaakwiimikana nkamuboneewo.
Ntooboshaawo kwaamba ayi taaku muntu weelete kumbona anga ndimuluya, sombi na kamuyeeya boobo, amuntambule mbuli muntu muluya ayi anebo noolilumbaisha paniini.
Aboobo ndakayeeya ayi cilyeelete kusengesha bashominyineesu kwaamba ayi mbatanjishe kooko mukubamba shipo nshemwakashomesha. Lyalo ndyeshi cikaboneke ayi mulapa ceebo mulisuni, kuteshi kukakatishikwa.
Buumi bwanu bulaakutondesha micito ya bululami, iyo iswabo kuli Jesu Klistu, kwaamba ayi boonse balemeke akulumbaisha Lesa.
Nshintokwaamba boobo mukutongooka kwaamba ayi kuli ncendabula mukwiinga nebo ndakeeya ayi nkooncite nkaanji.
Mulishi kabotu ayi tatukwe kwisa kuli ndimwe amaswi akumukondeleshabo, nabi kwaamba ayi tucane mpindu kuswa kuli ndimwe. Lesa ulishi kabotu anshetwakacita.
Taaelete kuba cakolwa, nabi mukali, sombi mubombu, shiluumuno, utasunishi maali.
Ceebo kusuna maali ngomatalikilo a bubi boonse. Bamwi bakalinga kwaasuni abuumbi, aboobo beengaila kuswa kulushomo akulinjisha mubuumba bunene.
Ono ceebo mutanjilili wa coonde utokweendelesha mulimo wakwe Lesa, ulyeelete kubula kampenda. Taaelete kuba muntu ulyuuma mucaamba, ufwambaana kukalala, cakolwa, mukali nabi usunishi buboni.
Bantu besu balyeelete kwiiya kusebensesha ciindi mukucita shintu shibotu, kwaamba ayi bacafwilishe mushintu shiyandika cancinencine, kuteshi kwikala buumi butacite mpindu.
Lesa uliluleme, aboobo teshi akalube ncito njemwakacita, alimwi alusuno ndomwakamubonesha kwiinda mulucafwo ndomwakacita aloolo ndomucicita kubashominyinaanu.
Amweembele litanga lyakwe Lesa ilyo ndyaakamupa kuteshi cakukakatishikwa, sombi cakukondwa kweelana akuyanda kwakwe Lesa. Mutasebensi mulimo wanu ceebo cakulangoolabo maali, sombi musebense amoyo woonse cakulibenga.
Bantu aba bakashiya nshila iluleme, basoweka akukonkela cakacita Balamu, mwanaakwe Bewoli, uyo wakalinga kusuni kucana maali kwiinda mukucita shibiibi.
Ceebo cakusuna bubile, balaakusebensesha makani akubeca. Mulandu wabo utoobalindilila kuswabo kale kale alimwi kunyonyoolwa kwabo kulibambitwe kale.
Mapensho kuli mbabo! Bakonkela nshila yakwe Kaini. Bweenka bwakacita Balamu, abalo balawita mushibiibi ceebo ca kusuna bunene maali. Balakaka kunyumfwila Lesa bweenka bwakacita Kola, aboobo balaakunyonyoolwa abalo.