Bene Filipi 3:5 - Baibo Busansulushi Bwa Libuku Ili

⁵ Nebo ndakapalulwa kaancite nsondo abushiku bomwi. Ndi mwine Isilaeli kukushalwa kwangu, mukowa wakwe Benjameni. Ndakaswa kubulowa bwiine bwa bamaEbulu. Ono kwaamba shakukonkela milawo ya baJuda nebo ndakalinga muFalisi.

Bene Filipi 3:5 Marejeleo ya Msalaba

Matalikilo 14:13

Mpomunyaawo musankwa wakaloboka akuya mukuluula shoonse ishi kuli Abulamu muEbulu. Abulamu uyo wakalinga kwikala pafwaafwi amibanga yakwe Mamule mwine Amoli, mukwabo Eshikoli alimwi aAneli. Bamukowa aba boonse Abulamu mbwaakalingaabo pantu pomwi.

Matalikilo 17:12

Kulilabo mwaana musankwa na wakwanisha nshiku shosanwe ashotatwe kubikaako abasha bashalilwa mumaanda anu alimwi abaabo boolwa kubaswamashi balyeelete kupalulwa mbomunya ubo.

Matalikilo 40:15

Nebo ndakacita kwiipwa kuswa mucishi ca baEbulu, alimwi akwalo kuno kuIjipiti taaku cilubo ncendakacita ceenga cankalika muntolongo.”

Matalikilo 41:12

Muntolongo umo mwakalinga acikula bwangu muEbulu, musha wa munene wa beshikulindilila uyo ngotwakalingaakwe. Twakamulwiita shiloto shesu, mpeeke wakatupandulwita.

Jona 1:9

Jona wakakumbula ayi, “Ndi muEbulu. Ndalambila Mwaami Lesa, uli ngoLesa wa kwiculu uyo wakalenga inshi alweenge.”

Luka 1:59

Mwaana ulya ndyaakakwanisha nsondo abushiku bomwi bakesa mukumupalula. Bakalinga kusuni akwaamba ayi bamutumbe liina lyakwe ishi lya Sekaliya,

Luka 2:21

Lyalo ndipakeenda nshiku shosanwe ashotatwe mwaana ulya wakapalulwa akutumbwa ayi Jesu, liina lyakaamba munjelo kaatana kumitwa.

Luka 5:38

Nkokwaamba ayi waini upya ulyeelete kubikwa munkomwe sha shipaya shipya.

Milimo ya Batumwi 22:3

“Nebo ndi muJuda, ndakashalilwa mundabala ya Tasasi mucishi ca Silisiya, sombi ndakakulila momuno mundabala inene ya Jelusalemu. Gamalyelo ngowakalinga kunjiisha. Wakanjiisha kabotu kabotu bwakukonkela Milawo yakapekwa bamashali besu bakulukulu alimwi ndakalinga ndalibenga kusebensela Lesa bweenka mbuli mbomubete noonse nomuli waano.

Milimo ya Batumwi 23:6

Paulo ndyaakabona ayi bamwi umo bakalinga baSaduki, abalo bamwi kabali baFalisi, wakaamba aliswi lya peculu ayi, “Nobamakwesu, nebo ndi muFalisi alimwi ndi mwanaamuFalisi. Ntokoomboloshekwa ceebo cakulangila nkooncite ayi bafu balaakubushikwa!”

Milimo ya Batumwi 6:1

Munshiku isho bashomi bakalinga kuya cifula. Paceebo ceeco baJuda baamba ciGiliki, bakalinga kutongooka ayi baJuda baamba ciJuda, tebakalinga kwaabanya kabotu maali akuula shiyandika lyoonse, kubanakashi bamukalubinje ba mushobo wabo.

Bene Loma 11:1

Ono ntoomwiipusha ayi, “Sa Lesa wakakaka bantu bakwe?” Napaceyi! Nebo ndimwine Isilaeli alimwi ndi wamulunyungu lwakwe Abulaamu, mumukowa wakwe Benjameni.

2 Bene Kolinto 11:22

Sa balo mbaEbulu? Anebo ndi muEbulu. Sa mbene Isilaeli? Anebo ndi mwine Isilaeli. Sa mbamulunyungu lwakwe Abulaamu? Anebo ngumushobo womwi.

1 Samwelo 4:6

Bene Filisiti ndibakanyumfwa ciyobeyobe ico bakeepusha ayi, “Ino ciyobeyobe ico ncaanshi mumisumba ya baEbulu?” Ndibakeshiba ayi Libokoshi lya Cipangano lyaletwa mumisumba ya baEbulu,