Bene Filipi 3:18 - Baibo Busansulushi Bwa Libuku Ili

¹⁸ Ndamulwiita lyoonse mankanda maanji alimwi ntekubooshaawo kaandila. Kuli bantu baanji batondesha mubuumi bwabo ayi mbalwani kumakani akwe Klistu pamucilingano.

Bene Filipi 3:18 Marejeleo ya Msalaba

Kulumbaisha 119:136

Amubone minsonshi yangu mboitookunka anga ngumulonga, ceebo ca bantu kusuula milawo yanu.

Isaya 8:11

Mwaami Lesa wakancenjesha munkusu shakwe shiinji ayi nsheelete kukonkela shitoocita bantu aba. Wakaamba ayi,

Jelemiya 13:17

Ono na mubule kunyumfwa, ndaakulila mubushishi ceebo cakulisumpula kwanu. Ndaakulila abuumbi cakwaamba ayi meenso angu alaakunookunkabo minsonshi ceebo likoto lya bantu ba Mwaami Lesa lilaakutolwa mubusha.

Jelemiya 9:1

Mutwi wangu niwalinga mukalo wa maanshi aalo meenso angu kaali kantupu ka minsonshi, naakwiinga ndalila malumwi amashiku. Ncakwiila kulilila bantu bene misheesu abo bakacaikwa.

Danyelo 4:37

“Paceebo ceeco nebo neNebukadinesa ndalumbaisha akulemeka Mwaami wa Kwiculu mukwiinga shoonse nshaacita nshibotu alimwi nshila shakwe shoonse shililuleme. Lakwe ulakonsha kubombya baabo balisumpula.”

Bene Lefi 11:16

ntibatiba, makwiikwi, bacibengelele, tukoshi

Bene Lefi 13:8

Mpeeke mupailishi ulaakumubona alimwi. Ono na ceendaawo, ulaakumwaamba ayi taasalalite. Nkokwaamba ayi ngamanata.

Luka 19:41

Lyalo Jesu ndyaakasena pafwaafwi akubona Jelusalemu, wakalila.

Milimo ya Batumwi 20:19

Ndakasebensela Mwaami Jesu cakuliceesha abuumbi, cimwi ciindi aminsonshi ceebo ca mapensho akalinga kundetela baJuda.

Bene Loma 9:2

pakwaamba ayi ndicite buumba bunene abuumbi alimwi ndapenshekwa mumoyo ceebo ca baJudama.

1 Bene Kolinto 1:18

Makani aamba shalufu lwakwe Klistu pamucilingano taaku mbwaabete kubantu basowekete, sombi kuli ndiswe sotuli munshila yakupulushikwa, ninkusu shakwe Lesa.

1 Bene Kolinto 6:9

Sa tamwishi kwaamba ayi beshishibiibi boonse teshi bakenjile muBweene bwakwe Lesa? Mutalibeeci, boonse bafuule, balambila shibumbwabumbwa, beshibulale, basankwa boona abasankwanyinaabo,

2 Bene Kolinto 11:13

Ceebo bantu abo mbatumwi babeshi, mbasebenshi beshi kuya cicenjeeka ayi baboneke anga mbatumwi bakwe Klistu bancinencine.

2 Bene Kolinto 11:29

Na umwi walefuka, anebo ndalefuka. Na umwi wawita mucibiibi, nebo ndoongumana.

2 Bene Kolinto 2:4

Ndakamulembela cakuungumana akucisa moyo alimwi akulila abuumbi, kuteshi kwaamba ayi mulenshe nsoni, sombi kwaamba ayi mwishibe lusuno kukomena ndooncite pali ndimwe.

Bene Galatiya 1:7

Teshi kwaamba ayi kuli makani abotu amwi, sombi kuli bantu bamwi batooyanda kumufulunganya kwiinda mukusendeka Makani Abotu aamba shapali Klistu.

Bene Galatiya 2:14

Ono ndindakabona ayi tabatookala kweelana alushinisho lwa Makani Abotu, ndakaambila Pita pameenso abantu boonse ayi, “Webo uli muJuda, sombi walinga kwikala anga ngumuswamashi wakunsengwe. Ino inga wakakatisha buyani baswamashi bakunsengwe kwikala anga mbaJuda?”

Bene Galatiya 2:21

Nshintookaka luse lwakwe Lesa. Ceebo muntu na inga walulamikwa pameenso akwe Lesa kwiinda muMilawo, nkokwaamba ayi Klistu taaku ncaakafwita.

Bene Galatiya 5:21

lunkumbwa, bucakolwa alimwi ashimwi sha mushobo wooyu. Ntoomucenjeshaako ono bweenka mbuli mbondakamucenjeshawo kale ayi abo bacita sha mushobo wooyu teshi bakenjileewo muBweene bwakwe Lesa.

Bene Galatiya 6:12

Abo boonse basuni kulibotesha kubantu, mbobatoomukakatisha ayi mupalulwe. Ncebacitila boobo nkwaamba ayi batapenshekwi ceebo ca mucilingano wakwe Klistu.

Bene Galatiya 6:14

Nebo nshikoonshi kulisumpula mucintu nabi comwi, sombi mumucilingano wa Mwaami wesu Jesu Klistu weenkabo. Mukwiinga kwiinda mumucilingano, shabuumi bwa buntu shakafwa kuli ndime alimwi anebo ndyaanga ngumuntu ufwite kuli nshisho.

Bene Efeso 4:17

Ono muliina lya Mwaami, ntoomulwiita amoyo woonse ayi tamweelete kunookala anga mbakunsengwe mukwiinga nshebayeeya taaku mboshibete

Bene Filipi 1:4

Mumipailo yangu yoonse njeemupaililaako, ndalumba Lesa akusangalala

1 Bene Tesalonika 4:6

Mucikani ici kutabi muntu ubishisha mushominyina nabi kumulenga buluya. Twakamucenjeshawo kale ayi pacikani ici Lesa ulaakutondesha bukali kubantu bacita sheesho.

2 Bene Tesalonika 3:11

Tutoolemba boobo ceebo twakanyumfwa kwaamba ayi kuli bamwi batolo pakati kanu. Balo ncito yabo nkupilinganyabo babyaabo.

2 Pita 2:10

bunene bunene abo bakonkela lunkumbwa lwa mibili yabo akusuula bulemu ankusu shakwe Lesa. Bafundishi babeshi aba tabaloondi balalisumpula alimwi tabaloondiiwo abalemekwa ba kwiculu, sombi balabacobola.

Judi 1:13

Micito yabo ilensha nsoni ili anga ndyoofu amatombe, shicaala muloombe lwa lweenga ceebo ca maaba. Balibo anga ninyenyeenshi shaluba moshiinda. Paceebo ceeco, Lesa wakababambila musena mumunshinshe utamaani.