Bene Filipi 3:13 - Baibo Busansulushi Bwa Libuku Ili

¹³ Nobamakwesu, nshintooyeeya ayi ndashicana kale, sombi cintu cinene nceencita nkushiya shoonse shili kwisule akusukamabo shili kunembo.

Bene Filipi 3:13 Marejeleo ya Msalaba

Kulumbaisha 27:4

Ndasenga cintu comwi kuMwaami Lesa. Cintu comwi ico nceensenga ncakwaamba ayi nookala muŊanda yakwe kwabuumi bwangu boonse, kwaamba ayi noosangalala pabubotu bwakwe akunoomulambila muŊanda yakwe isalalite.

Kulumbaisha 45:10

Nobanabwiinga ba kubwalo, amukutike alimwi munyumfwishishe. Bulya ono amulube bene mishaanu pantu pomwi abeshikamukowa banu.

Luka 10:42

Sombi ncintu comwibo cisunikwi. Maliya wasala cintu ciluleme alimwi teshi akanyaikweewo.”

Luka 9:62

Jesu wakamukumbula ayi, “Muntu woonse utalika kulima aŋombe, mpeeke kaacilanga kwisule, Lesa taacitaakwe ncito muBweene bwakwe.”

2 Bene Kolinto 5:16

Kuswabo nditwakaba bashomi, twakacileka kuyeeyela muntu munshila sha buntu. Ndushinisho ico twakacicitaawo pali Klistu, sombi bulya twakacileka.

Bene Filipi 2:12

Ono nomusunikwi, kweelana ambomwalinga kunyumfwila ndindalingaanu, mulyeelete kwaamba ayi mwiindilishe kunoonyumfwila ciindi ici nceentabeteeko uko. Amutolelele kusebensa caboowa akututuma kwaamba ayi mumanishe mulimo wa lupulusho lwanu.

Bene Filipi 3:12

Nshintokwaamba ayi ndashitambula kale, sombi ntoocica kwaamba ayi nkatambule shoolwe ishi mukwiinga ncaakancatila Klistu Jesu ayi mbe waakwe.

Bene Filipi 3:8

Ncakwiila shintu shoonse ishi nshakusowabo tasheelani ampindu yakwishiba Klistu Jesu, Mwaami wangu. Ceebo ca nguwe shoonse ndashisowa. Ndayeeya ayi taaku mboshibete mukwaamba ayi ntambule Klistu

Bene Ebulu 6:1

Ono anu atuye kunembo mumakani eelete bamanene mulushomo. Tuteelilwibo kunokwaamba pasheesho nshemwakataanguna kwiiya shapali Klistu. Tatweelete kwiiya alimwi shakusanduka kuswa kushintu shitacite ncito alimwi ambweenga twashoma muli Lesa,

2 Pita 3:8

Anu mutalubiiko cintu comwi ici nomusunikwi, cakwaamba ayi taaku bupusano Mwaami Lesa mbwaabona pabushiku bomwi alimwi amyaaka ili cuulu comwi. Kuli nguwe shobilo ishi shilyeelenebo.