Bene Filipi 3:12 - Baibo Busansulushi Bwa Libuku Ili

¹² Nshintokwaamba ayi ndashitambula kale, sombi ntoocica kwaamba ayi nkatambule shoolwe ishi mukwiinga ncaakancatila Klistu Jesu ayi mbe waakwe.

Bene Filipi 3:12 Marejeleo ya Msalaba

Jobo 17:9

Abo balyaamba ayi balalemekwa batooya ciindaawo kushinisha ayi baliluleme.

Kulumbaisha 119:5

Inga cambotela abuumbi kushomeka kwaamba ayi nokweenda munshila shanu.

Kulumbaisha 138:8

NoBaami baLesa mulaakuncitila shoonse nshemwakanshomesha. Lusuno lwanu noBaami baLesa ndwamuyayaya. Mutalekeleshi milimo ya maansaanu.

Kulumbaisha 42:1

Bweenka nsefu mboilila kunwa maanshi atontola, mbweeke ubo moyo wangu mbootoolila ndimwe noBaami baLesa.

Kulumbaisha 63:8

Ceebo ndakakatila kuli ndimwe, lyaansa lyanu lya nkusu lilandama akukusha kulisukama pali ndime.

Kulumbaisha 84:2

Moyo wangu ulisuni kushikaamo umo! Ntooyandishisha kwinjila muŊanda ya Mwaami Lesa. Ntoomwiimbila cakusangalala abuumi bwangu boonse, kwiimbila ndimwe nobaLesa boomi.

Kulumbaisha 94:15

Bululami bulaakucanika munkuta alimwi. Baluleme boonse balaakubukonkela.

Tushimpi 4:18

Nshila ya baluleme ili anga ngumumuni wa kumuyamaca uyo uya ciindaawo kutuba kushikila lisuba lyaswa.

Isaya 51:1

Mwaami Lesa waamba ayi, “Amukutike nsheshi ŋambe mwebo nomusuni kupulushikwa, ee, mwebo nomwisa kuli ndime ayi mucaafwe. Amuyeeye mwaandami ulya ngomwakaswaako, muyeeye cikaanda ca mabwe akuyakisha nkondakamukaba.

Osiya 6:3

Ncakwiila atwishibe Mwaami Lesa. Atweeleshe cankusu kumwishiba. Ulaakuboneka kuli ndiswe bweenka buswa lisuba macuunsa. Ee, ulaakwisa kuli ndiswe akutupa coolwe bweenka bwisa mfula meensa, ncakwiila bweenka mbuli mfula itontosha inshi.”

Mateyo 5:48

Anu mwebo mulyeelete kuba bantu basalalite, bweenka bubete Ishiwanu uli kwiculu.

Milimo ya Batumwi 9:15

Sombi Mwaami wakamwaambila alimwi ayi, “Koyabo mukwiinga ndamusala kwaamba ayi ansebensele akunshibya kubaswamashi bakunsengwe, bamaami alimwi abene Isilaeli.

Bene Loma 8:39

nabi shili kwiculu nabi panshi lya cishi, taaku cilengwa nabi comwi nceenga catupansaanya alusuno lwakwe Lesa, ulo ndwaatutondesha kwiinda muli Klistu Jesu Mwaami wesu.

1 Bene Kolinto 13:10

Aboobo ico cimaninite caakwisa, citamaninite cilaakuloba.

1 Bene Kolinto 13:12

Nshetubona bulya shintu shilyaanga nsheesho shiboneka mucilola. Sombi paciindi ico tulaakubonana meenso ameenso. Lushibo ndotucite talumaniniteewo, sombi paciindi ico lulaakumaninina bweenka Lesa nebo mbwaanshi cakumaninina.

1 Bene Kolinto 9:24

Ncakwiila mulishi ayi bacica lubilo lwakupingana mbaanji, sombi utambula cilambu ngomwibo. Ono amwebo mulyeelete kucica cakutambula cilambu.

2 Bene Kolinto 13:9

Swebo tulasangalala kwaamba ayi tulilefukite, mwebo muli bayumu. Aboobo ncetupailila nkwaamba ayi mukaswitilile kabotu.

2 Bene Kolinto 7:1

Ono nomusunikwi, Lesa wakashomesha shintu shoonse ishi kuli ndiswe. Aboobo atulisalashe kushintu shoonse shibisha mibili amyoyo yesu. Kwiinda mukulemeka Lesa, atweeleshe kwikala buumi busalalite pameenso akwe.

Bene Galatiya 5:17

Mukwiinga buumi bwa buntu ubo bulisuni sheesho shitasuni Mushimu Usalashi, ashalo shisuni Mushimu Usalashi teshi nshesheesho shisuni buumi bwa buntu. Shintu shobilo ishi tasheendelani, nkokwaamba ayi inga tamuciti shibotu isho nshemusuni kwaamba ayi mucite.

Bene Efeso 1:4

Lesa kaatana kulenga cishi, wakalinga kutusalite kale kwiinda muli Klistu kwaamba ayi tukabe bantu basalalite, batacite kampenda pameenso akwe. Ceebo ca lusuno lwakwe,

Bene Efeso 4:12

Wakacita boobo kwaamba ayi bantu boonse bashoma muli Lesa bakanoolibambite kusebensa mukuyumya bashomi abo bali ngomubili wakwe Klistu.

Bene Filipi 1:1

Ndime Paulo alimwi aTimoti basebenshi bakwe Klistu Jesu. Tutoolembela ndimwe noonse nobantu bakwe Lesa muli Klistu Jesu nomuli muFilipi, pantu pomwi abamatanjilili ba coonde abacafwi.

Bene Filipi 3:16

Aboobo nabi caba buyani, atwikale kweelana aciimo ca lushomo lwesu ici ncetwashikaamo.

Bene Filipi 3:3

Swebo ndiswe twakapalulwa cancinencine sotutanjililwa aMushimu Usalashi mukulambila Lesa akusangalala muli Klistu Jesu. Aboobo tatushomi shapacishi ca panshi, sobwe.

Bene Filipi 3:8

Ncakwiila shintu shoonse ishi nshakusowabo tasheelani ampindu yakwishiba Klistu Jesu, Mwaami wangu. Ceebo ca nguwe shoonse ndashisowa. Ndayeeya ayi taaku mboshibete mukwaamba ayi ntambule Klistu

1 Bene Tesalonika 5:15

Mutasuminishi bantu kuboosha cibiibi kucibiibi, sombi mushiindi shoonse amweeleshe cankusu kucafwa babyaanu abantu bamwi boonse.

2 Bene Tesalonika 2:13

Swebo tulyeelete kulumba Lesa lyoonse ceebo canu nobamakwesu, nomusunikwi kuMwaami Lesa mukwiinga Lesa wakamusala kuswa kumatalikilo kwaamba ayi mupulushikwe. Lesa wakamulengesha kuba bantu bakwe kwiinda mumulimo wa Mushimu Usalashi alimwi alushomo lwanu mushalushinisho.

1 Timoti 5:10

ucite mpuwo ibotu ya milimo yakwe. Ulyeelete kuba mwanakashi wakakusha kabotu bana bakwe, wakalinga kutambula beensu muŋanda yakwe, wakalinga kucita milimo yakulibombya kubashominyina, wakalinga kucafwa bantu mumapensho alimwi wakalibenga kucita shintu shibotu.

1 Timoti 6:19

Mukucita boobo, balaakulibunjikila bubile ubo bweshi bukabe anga ndwiimbi luyumu lwa kuciindi citoosa. Lyalo balaakulicanina buumi, ee buumi bwancinencine.

Bene Ebulu 12:14

Amweeleshe kwikala muluumuno abantu boonse alimwi akweelesha kwikala buumi busalalite ceebo taaku muntu utasalalite nabi womwi eshi akabone Lesa.

Bene Ebulu 12:23

Mwesa kulibungano lyakusangalala lya baana basankwa bakwiiya bakwe Lesa, abo bacite meena alembetwe kwiculu. Mwebo mwesa kuli Lesa, moomboloshi wa bantu boonse, kumyuuya ya bantu baluleme abo bakasalashikwa cancinencine.

Bene Ebulu 13:21

Lesa uyo amupe shibotu shoonse shiyandika kwaamba ayi mucite kuyanda kwakwe alimwi ayi kwiinda muli Jesu Klistu, acite shimukondelesha muli ndiswe. Kuli Klistu akube bulemu lyoonse alyoonse! Ameni.

Jemusi 3:2

Ceebo swebo soonse tulabisha mushintu shiinji. Na muntu taalubishi mukwaamba ingayi uliluleme cakumaninina alimwi ulakonsha kulicata mushintu shimwi shoonse.

1 Pita 5:10

Pakumana kupenshekwa kwaciindi ciniini, Lesa shiluse loonse, uyo wakamwiita ayi kwiinda muli Klistu mukatambule bulemu bwakwe butamaani, ulaakumubotesha cakumaninina mumushimu. Ulaakumuyumya mulushomo, kumupa nkusu alimwi akumubika palwiimbi luyumu.

2 Pita 3:18

Sombi mwebo amutolelele kukula muluse alimwi alushibo lwa Mwaami Jesu Klistu, Mupulushi wesu. Bulemu bube kuli nguwe bulya alimwi amuyayaya! Ameni.