Bene Filipi 3:11 - Baibo Busansulushi Bwa Libuku Ili

¹¹ Ndacita boobo kwaamba ayi anebo nkabuke kuswa kubafu akuba abuumi butamaani.

Bene Filipi 3:11 Marejeleo ya Msalaba

Kulumbaisha 49:7

Ncakwiila taaku muntu weenga walilubula mwiine. Taaku muntu ukonsha kulipila mweelo wa buumi bwakwe kuli Lesa.

Luka 14:14

Lyalo ulaakupekwa coolwe mukwiinga balo inga tabacikoonshi kucita mushobo womwi kuli ndiwe. Lesa ulaakukulambula pabushiku ubo bantu basalalite ndyeshi bakabushikwe kuswa kubafu.”

Joni 11:24

Malita wakakumbula ayi, “Ndishi kwaamba ayi ulaakubuka alimwi baakubuka bafu pabushiku bwakweelaako.”

Milimo ya Batumwi 23:6

Paulo ndyaakabona ayi bamwi umo bakalinga baSaduki, abalo bamwi kabali baFalisi, wakaamba aliswi lya peculu ayi, “Nobamakwesu, nebo ndi muFalisi alimwi ndi mwanaamuFalisi. Ntokoomboloshekwa ceebo cakulangila nkooncite ayi bafu balaakubushikwa!”

Milimo ya Batumwi 26:7

Mishobo yoonse ili likumi ayobilo ya bantu besu batoolangila kutambula ncemunya ico Lesa ncaakashomesha kwiinda mukupaila malumwi amashiku. Aboobo nobaami balemekwa ceebo cakulangila uku baJuda batoombekesha shikani shoonse ishi!

Milimo ya Batumwi 27:12

Cito ico tecakalinga cibotu kwikalaawo ciindi ca mupewo. Aboobo bantu baanji mulikoto lyabo bakayeeya kuswa pacito ico akuya kunembo ayi mpashi inga bashika kucito ca Fonikisi akwikala nkuko ciindi ico. Cito ici cili muKileti, cilangite kumbo lya kumalenge alimwi akumbo lya kumatwa.

Bene Loma 11:14

Mukucita boobo, mpashi ndalengesha bantu ba mumushobo wangu kunyumfwila munyono baswamashi bakunsengwe kwaamba ayi Lesa akapulushe bamwi mulikoto lyabo.

1 Bene Kolinto 15:23

Sombi womwi awomwi ulaakubushikwa paciindi cakwe ceelete, Klistu ngowakataanguna, ono aakwisa, mbaabo bamushoma.

1 Bene Kolinto 9:22

Pakati ka bantu bacite lushomo luniini ndakekala mbweeke mbuli mbabo kwaamba ayi mbalete kuli Lesa. Aboobo kubantu boonse ndakekala mbweeke mbuli mbabo kwaamba ayi na kacikonsheka bamwi Lesa abapulushe.

1 Bene Kolinto 9:27

Nebo ndashibisha mubili wangu akuukoma. Ndacita boobo mukwiinga nshisuni kwaamba ayi ndaakumana kushimikila bamwi Makani Abotu nebo nkabule kutambula cilambu.

2 Bene Kolinto 11:3

Sombi ndiloondete kwaamba ayi bweenka mbuli nsoka mboyakabeca Efa mubucenjeshi bwa njiyo, amwebo inga mwabecekwa, lyalo mwacileka kulyaaba kuli Klistu amyoyo yoonse.

1 Bene Tesalonika 3:5

Nceceeco ncendakatumina Timoti. Ndakaalilwa kulicata, aboobo ndakamutuma kwaamba ayi ese eshibe mbomwiimfwi mulushomo ceebo ndalinga kwaamba ayi cimwi ciindi Mubiibi wamusunka akulengesha mulimo ngotwakacita pakati kanu kubula mpindu.

2 Bene Tesalonika 2:3

Mutasuminishi muntu uli woonse ayi amubeece. Ceebo Bushiku teshi bukashikile bantu kabatana kwaashuka camamanino alimwi Muntu Mubiibi ulya uyo utoolindilabo kunyonyoolwa kaatana kuboneka.

2 Timoti 4:8

Bulya mushini wa bululami utoonindilila uyo Mwaami Lesa, moomboloshi ululeme, ngweshi akampe pabushiku ubo. Nakubi boobo teshi ukapekwebo ndime, sombi abaabo boonse balindila kwisa kwakwe mulusuno.

Bene Ebulu 11:35

Kwiinda mulushomo, banakashi bakatambula beshikamukowa babo bakalinga bafwa ceebo bakabushikwa kuswa kubafu. Ono bamwi bakakaka kwaangululwa, bakapenshekwa kushikila bafwa, ceebo bakalinga kusuni kwaamba ayi bakabushikwe mubuumi bubotu bwiindaawo.

Ciyubululo 20:5

Uku nkokubushikwa kuswa kubafu kwakutaanguna. Bafu boonse bakacaala, tabakwe kubuka kushikila myaaka ilya ili cuulu ndiyakamana.