Bene Filipi 2:6 - Baibo Busansulushi Bwa Libuku Ili

⁶ Lakwe wakalingabo nguLesa lyoonse, sombi taakwe kuba amuyeeyo wakwaamba ayi eelane aLesa munkusu shakwe mwiine.

Bene Filipi 2:6 Marejeleo ya Msalaba

Isaya 7:14

Paceebo ceeco Mwaami Lesa mwiine ulaakukupa citondesho. Ncakwiila mwanakashi utana kukumanawo kale amusankwa ulaakumita akushala mwaana musankwa eshi akanokwiitwa ayi Imanuweli.

Isaya 8:8

Balaakupyanga cishi ca Juda anga ngamaanshi aanji asefuka cakushika munshingo akufwekelesha shintu shoonse.” Imanuweli! Nkokwaamba ayi Lesa uli aswebo! Mapapaminwa akwe afungulukite alaakutabilila cishi coonse.

Isaya 9:6

Ceebo mwaana washalwa pakati kesu, ee, twapekwa mwaana musankwa. Bweendeleshi boonse bulaakuba mumaansaakwe. Liina lyakwe unanokwiitwa ayi, “Shikupanda maano Mubotu,” “Lesa Shinkusu shoonse,” “Mushali musankwa wamuyayaya,” alimwi ayi, “Mwaami wa Luumuno.”

Jelemiya 23:6

Munshiku sha bweendeleshi bwakwe, bene Juda balaakupuluka abene Isilaeli balaakunookala kwakubula cakulisukama. Lyalo ulaakunokwiitwa liina lyakwaamba ayi, ‘Mwaami Lesa nkoKululama kwesu.’ ”

Mika 5:2

Mwaami Lesa waamba ayi, “Sombi webo Betileemu Efulata, nabi uli ndabala iniini mucishi ca Juda, kuswa muli ndiwe, ndaakuleta muleli wa bene Isilaeli. Mukowa wakwe wakatalikabo kalekale, ee, kuswa kunshiku sha kumatalikilo.”

Sekaliya 13:7

Mwaami Lesa Shinkusu shoonse waamba ayi, “Nyamuka, webo omupeeni ulwane mweembeshi wangu! Ee, umulwaane uyo unsebensela. Umucaaye, lyalo mbelele shitoopalangana. Nebo nemwiine ntoolwana bantu bangu.

Mateyo 1:23

“Ncakwiila mwanakashi utana kukumanawo kale amusankwa ulaakumita, akushala mwaana musankwa eshi akanokwiitwa ayi Imanuweli,” (nkokwaamba ayi “Lesa uli aswebo.”)

Joni 1:18

Taaku muntu wakabonaawo kale Lesa, sombi Mwanaakwe wakashalwabo eenka, uyo usunikwi abuumbi abaIshi, ngowakalengesha ayi ashibikwe.

Joni 10:30

Nebo abaTa tulibo womwi.”

Joni 10:33

Balo bakakumbula ayi, “Tatutookuuma mabwe ceebo ca milimo ibotu, sobwe, sombi mukwiinga wa kucobola Lesa. Webo uli muntubo, sombi utoolyaamba ayi ndiwe Lesa.”

Joni 10:38

Sombi na ndaicita nabi mubule kushoma muli ndime, mushomebo mumilimo njeencita kwaamba ayi mwishibe akunyumfwishisha ayi baTa bali muli ndime, anebo ndi muli baTa.”

Joni 14:28

Mwanyuumfwa ndindalinga ndaamba ayi, ‘Ntooya, sombi ndaakwisa alimwi kuli ndimwe.’ Nemwalinga kunsuni, naakwiinga mwakondwa ceebo ntooya kuli baTa abo beenda pali ndime.

Joni 14:9

Jesu wakakumbula ayi, “Ciindi kukomena ncendekalaanu, ono anu abobulya Filipo toona kwinshiba? Uyo wabona ndime wabona abaTa. Ono inga waamba buyani ayi, ‘Mututondeshe baIshiwanu’?

Joni 17:5

Aboobo Ta, amumpe bulemu ono pameenso anu. Mumpe bulemu ubo bweenka mbondakalinga kucite ndindakalinga amwebo cishi ca panshi kacitana kulengwa.

Joni 20:28

Tomasi wakaambila Jesu ayi, “NoBaami bangu, nobaLesa bangu!”

Joni 5:18

Makani aya akalenga kwaamba ayi bamaloba ba baJuda beendeewo kupinga kucaya Jesu. Teshibo kwaamba ayi wakatyola mulawo wa bushiku bwakookesha, sombi alimwi wakaamba ayi nguMwanaakwe Lesa. Mukwaamba boobo wakalyeelanya aLesa.

Joni 5:23

kwaamba ayi bantu boonse balemeke Mwaana mbobalemeka baIshi. Uyo woonse utalemeki Mwaana taalemeki abaIshi abo bakamutuma.

Bene Loma 9:5

Balo bakaswa mucishiko ca mishobo yoonse ya bene Isilaeli. Alakwe Klistu kwiinda mukushalwa kwabuntu ngwa mumushobo wabo. Aalumbaishikwe lyoonse Lesa uyo weendelesha shintu shoonse. Ameni.

2 Bene Kolinto 4:4

Bantu abo tabashomi ceebo Satana uyo uli anga ngulesa pacishi ca panshi, wabika maano abo mumunshinshe. Ulabakasha kubona mumuni utoomunika pali mbabo, uyo mumuni uswa muMakani Abotu aamba shabulemu bwakwe Klistu. Klistu ngootondesha Lesa mbwaabete.

2 Bene Kolinto 8:9

Mukwiinga mwebo mulishi luse lwa Mwaami wesu Jesu Klistu. Wakalinga mubile, sombi wakaba mukandu ceebo ca ndimwe kwaamba ayi mwebo mube babile mumushimu kwiinda mubukandu bwakwe.

1 Timoti 1:17

Ono kuMwaami wamuyayaya, utafwi, utaboneki, uyo uli ngoLesa eenkabo, akube bulemu amucinshi lyoonse alyoonse. Ameni.

1 Timoti 3:16

Ncakwiila shabushishi bwa kupaila kwesu nshinene abuumbi. Nsheeshi, Lakwe wakaboneka mubuntu, wakaambwa aMushimu Usalashi ayi ngooluleme, wakabonwa abaanjelo. Wakashimikilwa pakati ka baswamashi bakunsengwe, wakashomwa kubamucishi ca panshi coonse alimwi akutolwa kwiculu mubulemu.

Taitasi 2:13

Bulya nditutoolindila bushiku bwa coolwe, ubo bulemu bwakwe Lesa munene alimwi aMupulushi wesu Jesu Klistu, ndyeshi bukaboneke.

Bene Ebulu 1:3

Muli nguwe mulaboneka kumweka kwa bulemu bwakwe Lesa alimwi ncecikoshanyo ciine ca bube bucite Lesa. Ngoolengesha shintu shoonse mucishi ca panshi kuba bweenka mboshibete kwiinda mumaswi akwe a nkusu. Ndyaakamana kulengesha Lesa kulekelela shibiibi sha bantu, wakaya kwiculu mukwikala kululyo lwakwe Lesa Shinkusu shiindaawo.

Bene Ebulu 1:6

Sombi Lesa ndyaakalinga kutuma Mwanaakwe wakwiiya mucishi ca panshi, wakaamba ayi, “Baanjelo bakwe Lesa boonse balyeelete kunoomulambila.”

Bene Ebulu 1:8

Sombi kwalo kuMwanaakwe, Lesa wakaamba ayi, “OLesa, cuuna ca bwaami bwako cilaakunoolikobo lyoonse, alimwi mubweendeleshi bwako muli bululami.

Bene Ebulu 13:8

Jesu Klistu taasandooki. Bweenka mbwaakalinga ciilo, asunu mbwaabete alimwi mbweshi akabe myaaka yamuyayaya.

Ciyubululo 21:6

Wakatolelela kuŋambila ayi, “Ono camana! Nebo ndime Matalikilo alimwi aMamanino, mutaanshi alimwi awakweelaako. Uyo woonse unyumfwite nyotwa, ndaakumusuminisha kunwa mukantupu ka maanshi apa buumi kwakubula kulipila.