Bene Filipi 2:29 - Baibo Busansulushi Bwa Libuku Ili

²⁹ Aboobo amumutambule camaansa obilo akusangalala ayi ngumukwabesu muMwaami. Bantu bamushobo wooyu boonse, amubalemeke.

Bene Filipi 2:29 Marejeleo ya Msalaba

Isaya 52:7

Cilabotelesha abuumbi kubona shinkombe keesa kucilingana tulundu, ee, shinkombe utooleta makani abotu, makani a luumuno. Ulaambilisha kukoma akwaambila bene Siyoni ayi, “Lesa wanu ncakwiila ngomwaami!”

Luka 9:5

Uko koonse nkweshi bakabule kumutambula, pakuswaamo mundabala iyo, mukalipampe lusuko kumyeendo. Ici cilaakuba citondesho cakwaamba ayi balicite mulandu.”

Joni 13:20

Ntoomulwiita calushinisho ayi uyo woonse utambula womwi wa baabo mbondatuma, ulatambula ndime alimwi uyo woonse utambula ndime, ulatambula awooyo wakantuma.”

Milimo ya Batumwi 2:46

Bushiku abushiku bakalinga kubungana amoyo womwi muŊanda yakwe Lesa akulita pantu pomwi mumaandaabo amyoyo yakusangalala akuliceesha.

Milimo ya Batumwi 28:10

Bakatupa shipo shiinji. Nditwakenjila mubwaato bunene ayi tunooya, bakabikaamo ashimwi shintu shakalinga kuyandika mulweendo lwesu.

Milimo ya Batumwi 8:8

Aboobo bantu ba mundabala inene iyo bakasangalala abuumbi.

Bene Loma 10:15

Inga bashimikila buyani na Lesa wabula kubatuma. Bweenka bwaamba Malembo akwe Lesa ayi, “Cilabota abuumbi na besa beshikushimikila Makani Abotu.”

Bene Loma 16:2

Amumutambule mbuli muKlistunyinaanu bweenka mbobeelete kutambulana bantu bashoma muli Lesa. Amumucaafwe mushintu shoonse shiyandika mukwiinga lakwe wakalinga kucafwa bantu baanji kubikaawo anebo.

1 Bene Kolinto 16:10

Na Timoti akese uko amukabone kwaamba ayi wabambwa kabotu, ceebo utoocita milimo ya Mwaami Jesu bweenka mbuli ndime.

1 Bene Kolinto 16:18

Bakansangalasha bweenka mbobakamusangalasha mwebo. Bantu ba mushobo uyu amubalemeke.

2 Bene Kolinto 10:18

Mukwiinga teshi wooyo ulilumbaisha mwiine utambulwa, sobwe. Sombi ngooyo Mwaami Lesa ngwaalumbaisha.

2 Bene Kolinto 7:2

Amututambule mumyoyo yanu. Taaku ngotwakabishisha, kunyonyweeta lushomo nabi kubeca.

Bene Filipi 2:28

Ntoolangilabo ciindi ndyeshi nkamutume kuli ndimwe, kwaamba ayi amwebo mukasangalale alimwi pakumubona. Lyalo anebo kulisukama kwangu ndyeshi kukaceye.

Bene Kolose 4:10

Alisitakasi, kailima wamwaansha, alakwe Maako mupyala wakwe Banabasi wamwaansha. Mwakalwiitwa kale ayi na Maako akese kumishaanu uko, mukamutambule kabotu.

1 Bene Tesalonika 5:12

Twamusenga nobamakwesu kwaamba ayi mupe bulemu kubaabo batoosebensa cankusu pakati kanu, abo bamutanjilila akumulwiita mbomweelete kucita mubuKlistu.

1 Timoti 5:17

Ono bamatanjilili beendelesha coonde abo basebensa kabotu milimo yabo, balyeelete kulipilwa abuumbi, bunene bunene abo basebensa kabotu mukushimikila alimwi akwiisha.

Bene Ebulu 13:17

Amunyumfwile bamatanjilili banu kwiinda mukukonkela milasho yabo. Lyoonse balalama buumi bwanu cakutookesha mukwiinga balaakusansulwita Lesa mbuli mbobakasebensa milimo yabo. Na kamubanyumfwila, balaakusebensa milimo yabo iyo cakusangalala. Sombi na kamutabanyumfwili, balaakusebensa cabuumba, aboobo ici teshi cikamucafweewo, sobwe.

3 Joni 1:10

Aboobo, na nkese, ndaakuyubulula shoonse nshaacita. Ulaya cibisha liina lyangu akumbekesha shikani. Teshi sheesho sheenka, sombi ulakaka akutambula bashomi alimwi ulakasha baabo basuni kubatambula akubatanda mucoonde.