Bene Filipi 2:27 - Baibo Busansulushi Bwa Libuku Ili

²⁷ Ncakwiila wakalinga mulwashi alimwi lwakalingabo lufu, sombi Lesa wakamunyumfwila nkumbu. Kuteshibo lakwe eenka, sombi wakanyumfwila anebo kwaamba ayi nteeliki buumba pabuumba.

Bene Filipi 2:27 Marejeleo ya Msalaba

2 Baami 20:1

Muciindi ico ceenka mwaami Esekiya wakaciswa cakufwabo. Lyalo Isaya mulaluki mwanaakwe Amosi wakaya mukumubona. Mpeeke wakamulwiita ayi, “Mwaami Lesa waamba ayi, ‘Bamba kabotu shintu shako shoonse mukwiinga teshi upuluke. Libambile kufwa.’ ”

Jobo 5:19

Nabi mapensho ali buyani akupolela, Lesa ulaakukufuna kwaamba atakuciisi.

Kulumbaisha 34:19

Muntu ululeme uleenda mumapensho aanji, sombi Mwaami Lesa ulamufuna mumapensho akwe oonse.

Isaya 27:8

Mwaami Lesa wakaanishabo bantu bakwe kwiinda mukubatuma mubusha. Wakabalekelela kwaamba ayi batolwe acipuupu cikali ciswa kwicwe.

Isaya 38:17

Ndushinisho kupenga nkondeendaamo kwandetela mpindu. Kwiinda mulusuno lwanu mwakamfuna ayi ntayi mucilindi cakunyonyooka. Kuswawaawo mwalekelela shibiibi shangu shoonse akushiluba.

Isaya 43:2

Mwaakwiinda mumaanshi alaamfu a mapensho, nebo ndaakunooli amwebo. Mwaakwiinda mumilonga ya mapensho teshi mukatolwe kumukuuku wa njiyo. Mwaakwiinda mumapensho ali anga ngumulilo, teshi mukapyeewo mumapensho ayo, sobwe. Teshi mukapyeewo nabi akanooli akali buyani.

Jelemiya 10:24

NoBaami baLesa, amundulike, mubululami bwanu, kuteshi mubukali bwanu ceebo inga mwanyonyoola cakumaninina.

Jelemiya 45:3

webo utokwaamba ayi, ‘Mapensho kuli ndime! Mwaami Lesa wanungawo buumba pamapensho angu. Kutongela kwankopola alimwi nshintokookeshaawo napaceyi!’

Jelemiya 8:18

Webo oŋumbulusha, ndi mubuumba, moyo wangu waciswa abuumbi.

Abakuku 3:2

NoBaami baLesa ndakanyumfwa sheesho nshemwakacita. Nebo ndamulemeka abuumbi ceebo ca shintu isho nshemucita. Ono amushicite alimwi munshiku shesu shino. Ee, amushipukishe muciindi cesu cino. Kamutunyumfwila nkumbu nabi mwakalala.

Milimo ya Batumwi 9:37

Paciindi ici mwanakashi uyu wakaciswa akufwa. Bantu bakasansha mutuntu akuubika mucipinda ca peculu.

1 Bene Kolinto 10:13

Masunko amushikila taapusene amasunko ashikila bantu bamwi boonse. Sombi Lesa ulashomeka alimwi inga taamulekeli mumasunko ngomutakoonshi kukoma. Sombi na mwasuunkwa, Lesa ulamupa nshila yakuleyelamo masunko ayo kwaamba ayi mwaakoome.

2 Bene Kolinto 2:7

Ono bulya mulyeelete kumulekelela akumuyumyayumya kwaamba ayi atoongumani bunene.

Bene Filipi 2:26

Ono wamuyeeya abuumbi noonse alimwi wapenshekwa mumoyo mukwiinga mwakanyumfwa ayi wakalinga mulwashi.

Bene Filipi 2:28

Ntoolangilabo ciindi ndyeshi nkamutume kuli ndimwe, kwaamba ayi amwebo mukasangalale alimwi pakumubona. Lyalo anebo kulisukama kwangu ndyeshi kukaceye.

Bene Filipi 2:30

Wakaboolelabo pakalindi ceebo ca milimo yakwe Klistu. Wakaaba buumi bwakwe kwaamba ayi ancaafwe musheesho nshemwatakalinga kukonsha kuncafwa.