Bene Filipi 2:26 - Baibo Busansulushi Bwa Libuku Ili

²⁶ Ono wamuyeeya abuumbi noonse alimwi wapenshekwa mumoyo mukwiinga mwakanyumfwa ayi wakalinga mulwashi.

Bene Filipi 2:26 Marejeleo ya Msalaba

2 Samwelo 13:39

Mpeeke mwaami Defedi wakamuyeeya abuumbi kumubonaawo mwanaakwe alimwi, mukwiinga ciindi ico wakalinga kulubitelubiteeko shalufu lwakwe Amunoni.

2 Samwelo 24:17

Ono Defedi ndyaakabona munjelo uyo wakalinga kunyonyoola bantu, wakaambila Mwaami Lesa ayi, “Ndime ndakabisha. Ino balo bacitanshi? Nebo abamuŋanda yangu ndiswe twakalinga kweelete kupekwa mulandu.”

Jobo 9:27

Na ndaamba ayi, ‘Andubeko matongooshi angu, nsangalale alimwi akusekaseka,’

Kulumbaisha 69:20

Matushi apensha moyo wangu abuumbi alimwi ndi mubuumba. Ndakalinga kulangila kunyumfwilwa nkumbu, sombi napaceyuubo. Ndakalinga kulangila kuyuminishikwa, sombi nakuceyuubo.

Tushimpi 12:25

Kulisukama kulalengesha muntu kuungumana, sombi maswi a nkumbu alalengesha kusangalala.

Isaya 61:3

Wakantuma kucafwa baabo balila muSiyoni, kubafwalika ngala yakukondwa kuteshi milota ya buumba. Kubapa mafuta atondesha kusangalala kuteshi mapensho aleta minsonshi. Kubalengesha kwiimba nyimbo shakulumbaisha kuteshi buumba. Balaakunokwiitwa ayi mibanga yabululami iyo Mwaami Lesa njaakashanga kwaamba ayi atondeshe bulemu bwakwe.

Mateyo 11:28

“Amwise kuli ndime mwebo noonse nomushiite, nomwalemenwa, nebo ntoomupa kookesha.

Mateyo 26:37

Mpeeke Jesu wakaya aPita alimwi abana bakwe Sebedi basankwa bobilo. Lyalo Jesu wakatalika kuba abuumba akulisukama mumoyo.

Milimo ya Batumwi 21:13

Sombi lakwe wakakumbula ayi, “Ino mutoolililanshi akuntutumya? Nshilibambitebo kwaangwa kweenka muJelusalemu, sombi akufwa momunya umo ceebo ca liina lya Mwaami Jesu.”

Bene Loma 1:11

Ceebo ndisunishi ayi tukabonane kwaamba ayi nkabaanaanu bubotu ubo Lesa mbwaapa kwiinda muMushimu wakwe alimwi akumuyumyayumya.

Bene Loma 12:15

Amusangalale abaabo basangalete alimwi mulile abaabo batoolila.

Bene Loma 9:2

pakwaamba ayi ndicite buumba bunene abuumbi alimwi ndapenshekwa mumoyo ceebo ca baJudama.

1 Bene Kolinto 12:26

Na comwi cipansha caciswa, shoonse shipansha shimwi shilaciswa. Ncakwiila na cipansha comwi calemekwa, shipansha shimwi shoonse shilasekelela pantu pomwi.

2 Bene Kolinto 9:14

Aboobo bananoomupailila calusuno lwiine lwiine ceebo ca luse lwiindaawo Lesa ndwaamutondesha.

Bene Galatiya 6:2

Amucafwane kunyamuna shimulemena. Na mwacita boobo, nkokwaamba ayi mwakonkela mulawo wakwe Klistu.

Bene Efeso 3:13

Aboobo, ndamusenga kwaamba ayi mutatyongooki pakubona mboontoomupengela. Mapensho aya atoocitika kwaamba ayi mucane cibotu.

Bene Filipi 1:3

Ndalumba Lesa wangu lyoonse ndyeemuyeeya.

Bene Filipi 1:8

Lesa inga wambeta bukamboni kwaamba ayi ndamuyeeya abuumbi mukwiinga ndimusuni amoyo wangu woonse alusuno luli mbuli lwakwe Klistu Jesu mwiine.

Bene Filipi 2:25

Ono ndayeeya kwaamba ayi inga cacafwa kumubooshesha mukwabesu uyu Epafuloditasi, uyo musebenshima alimwi shilumambama muli Klistu. Lakwe ngumuntu ngomwakatuma ayi ancaafwe.

Bene Filipi 2:27

Ncakwiila wakalinga mulwashi alimwi lwakalingabo lufu, sombi Lesa wakamunyumfwila nkumbu. Kuteshibo lakwe eenka, sombi wakanyumfwila anebo kwaamba ayi nteeliki buumba pabuumba.

Bene Filipi 4:1

Ono mwebo nobamakwesu, nomusunikwi alimwi ndamuyeeya abuumbi. Mwebo mulansangalasha. Paceebo ceeco ndatangala cankusu ceebo ca ndimwe. Anu ubo nobamakwesu mbomweelete kuyuma muMwaami.

1 Pita 1:6

Ono amusangalale pashintu ishi shoonse, nakubi kwaamba ayi cilayandika kuungumana kwa ciindi ciniini ceebo ca masunko apusenepusene ngomutokwiindaamo,