Bene Filipi 2:13 - Baibo Busansulushi Bwa Libuku Ili

¹³ Mukwiinga Lesa ngoosebensa muli ndimwe ayi muyande akucita shintu kweelana amuyeeyo wakwe.

Bene Filipi 2:13 Marejeleo ya Msalaba

1 Baami 8:58

Aatulengeshe kuba bantu banyumfwila nguwe lyoonse kwaamba ayi tunookala mbuli mbwaasuni akukonkela milawo amilasho yoonse njaakapa bashali besu bakulukulu.

2 Makani 30:12

Amwalo muJuda Lesa wakalinga kucite mulimo wakubacatanya pantu pomwi kwaamba ayi bacite kweelana amaswi a Mwaami Lesa mukukonkela shakaamba mwaami Esekiya abacinenenene bakwe.

Esila 1:1

Mumwaaka wakutaanguna wa bwaami bwakwe Sailasi mucishi ca Pesha, mukulengesha maswi a Mwaami Lesa ayo akaamba Jelemiya kucitika cancinencine, Mwaami Lesa wakaambila Sailasi ayi aambilishe mulawo uyo alimwi akuulemba ayi ubelengwe mubwaami bwakwe boonse.

Esila 1:5

Aboobo bamanene ba shipani sha mumukowa wakwe Juda awakwe Benjameni, bapailishi abene Lefi alimwi abaabo boonse Lesa mbaakalengesha myoyo kupya, bakalibambila kuya mukuyaka Ŋanda ya Mwaami Lesa muJelusalemu.

Esila 7:27

Lyalo Esila wakaamba ayi, “Aalumbwe Mwaami Lesa, Lesa wa bamashali besu bakulukulu uyo walengesha mwaami kuyanda kulemeka Ŋanda ya Mwaami Lesa ya kuJelusalemu munshila iyi.

Neyemiya 2:4

Mpeeke mwaami wakanjipusha ayi, “Ino ulisuninshi?” Lyalo ndakapaila kuli Lesa wa kwiculu

Jobo 33:29

“Ncakwiila Lesa ngwaacita sha mushobo uyu kumuntu. Nkokwaamba ayi ulacita boobo kumuntu mankanda aanji aanji.

Kulumbaisha 110:3

Bashilumamba bako balaakulyaaba amyoyo yoonse pabushiku bwa nkondo. Bacikula bwangu balaakwisa kuli ndiwe macuunsacuunsa bweenka mbuli mume patulundu tusalalite.

Kulumbaisha 119:36

Amwiishe moyo wangu kusuna kwiisha kwanu. Ee, amunjiishe kusuna kwiisha kwanu kuteshi bubile.

Kulumbaisha 141:4

Mutalekeli moyo wangu kusuna shibiibi. Mutandekeleshi ayi ncite shibiibi pantu pomwi abamucita shibi. Ee, kutandekelesha ayi ndye shilyo shabo shapakusekelela kwabo.

Tushimpi 21:1

Moyo wa mwaami uli mumaansa a Mwaami Lesa. Uloolulamikabo bweenka mbwaalulamika kweenda kwa maanshi a mumulonga.

Isaya 26:12

“Ono swebo mulatupa luumuno noBaami baLesa ceebo ndimwe mutulengesha ayi tuswitilile mumilimo yoonse njetucita.

Jelemiya 31:33

Ono nebo neMwaami Lesa mbulya mbweshi nkapangane abene Isilaeli munshiku shitoosa. Ndaakubika milawo yangu mumiyeeyo yabo alimwi akwiilemba mumyoyo yabo. Ndaakuba Lesa wabo abalo balaakuba bantu bangu.

Jelemiya 32:38

Lyalo balaakuba bantu bangu, anebo ndaakuba Lesa wabo.

Luka 12:32

“Mwebo nolitanga liniini, mutaloondi mukwiinga Ishiwanu camukonda kumupa bwaami.

Luka 2:14

“Bulemu kuli Lesa kwiculu lya maculu, alimwi akube luumuno panshi pali baabo boonse bamukondelesha!”

Joni 3:27

Joni wakakumbula ayi, “Taaku cintu muntu nceenga wacana na Lesa taakwe kumupa.

Joni 6:45

Cililembetwe muMalembo akwe Lesa akalemba balaluki bakulukulu ayi, ‘Bantu boonse balaakwiishikwa aLesa.’ Uyo woonse ukutika baTa akwiiya kuli mbabo, ulesa kuli ndime.

Joni 6:65

Lyalo wakeelikaawo ayi, “Ici nceceeco ncendakamulwiitila ayi taaku muntu weenga wesa kuli ndime na baTa babula kumupa nkusu.”

Milimo ya Batumwi 11:21

Nkusu sha Mwaami Lesa shakalinga ambabo alimwi bantu baanji bakashoma akusandukila kuMwaami Jesu.

Bene Loma 12:3

Mukwiinga wa cipo Lesa ncaakampa kwiinda muluse lwakwe, ntoomwaambila ayi mutanoolitukumuna, sombi muliceeshe mumiyeeyo yanu akulibika mpomweelete kweelana alushomo Lesa ndwaakamupa.

Bene Loma 9:11

Sombi baana kabatana kushalwa, nkokwaamba ayi kabatana kucitawo cibotu nabi cibiibi, Lesa wakaambila Labeka ayi, “Munenebantu ulaakunoosebensela mwanikebantu.” Kusalwa kwa mwanikebantu kwaakacitika kweelana aLesa mbwaakabamba. Takukwe kucitika ceebo ca milimo njebakacita, sombi nkusala kwakwe Lesa mwiine.

Bene Loma 9:16

Ono aboobo kusala uku takucitiki kweelana aceeco muntu ncaasuni nabi ncaacita, sombi cinene ninkumbu shakwe Lesa.

1 Bene Kolinto 12:6

Kuli nkusu shipusenepusene, sombi Lesa ngomwi usebensesha nkusu isho mubantu boonse.

1 Bene Kolinto 15:10

Sombi kwiinda muluse lwakwe Lesa ndakaba mbuli mboombete bulya alimwi luse ulo ndwaakantondesha talukwe kunyonyookabo, sobwe. Sombi ndakasebensa cankusu kwiinda batumwi bamwi boonse. Nakubi boobo teshi ndime ndakasebensa, sombi nduse lwakwe Lesa luli anebo.

2 Bene Kolinto 3:5

Swebo palweesu taaku ncetucite ceenga catulengesha ayi tube ankusu shakucita mulimo uyu. Nkusu nshetucite shilaswa kuli Lesa.

Bene Efeso 1:11

Shoonse shintu shilacitwa kweelana amiyeeyo yakabamba Lesa alimwi akuyanda kwakwe. Aboobo Lesa wakatusala ayi tube bantu bakwe muli Klistu, nkokwaamba ayi ncaakatusalila kweelana ambwaakabamba kuswa kumatalikilo.

Bene Efeso 1:5

wakabambilabo limwi ayi tulaakuba bana bakwe kwiinda muli Jesu Klistu. Ici cakamukondelesha alimwi kwakalinga nkuyanda kwakwe.

Bene Efeso 1:9

Lesa wakacita kweelana ambwaakabamba alimwi wakatushibisha muyeeyo wakwe wa bushishi uyo ngwaakayeeya ayi ulaakuucita kwiinda muli Klistu.

Bene Efeso 2:8

Mwakapulushikwa aluse lwakwe Lesa kwiinda mulushomo. Teshi munkusu shanu nobeene, sombi ncipo kuswa kuli Lesa.

2 Bene Tesalonika 1:11

Paceebo ceeco tulamupailila lyoonse kwaamba ayi Lesa amulengeshe kuba bantu beelete kwikala buumi ubo mbwaakamwiitila. Tulapaila ayi kwiinda munkusu shakwe amulengeshe kukonsha kucita shintu shibotu nshemuyanda kucita akumanisha milimo itondesha lushomo lwanu.

2 Timoti 1:9

Wakatupulusha akutwiita ayi tube bantu bakwe basalalite, kuteshi ceebo ca ceeco ncetwakacita, sombi kwiinda mukuyanda kwakwe mwiine alimwi aluse lwakwe. Luse ulo wakabaalo pali ndiswe kwiinda muli Klistu Jesu ciindi kacitana kutalika.

Bene Ebulu 13:21

Lesa uyo amupe shibotu shoonse shiyandika kwaamba ayi mucite kuyanda kwakwe alimwi ayi kwiinda muli Jesu Klistu, acite shimukondelesha muli ndiswe. Kuli Klistu akube bulemu lyoonse alyoonse! Ameni.

1 Pita 1:3

Atulumbe Lesa Ishi Mwaami wesu Jesu Klistu! Ceebo ca nkumbu shakwe shiindaawo, wakatupa buumi bupya ayi tube akulangila kwiine kwiine kwiinda mukubusha Jesu Klistu kuswa kubafu.