Bene Filipi 2:11 - Baibo Busansulushi Bwa Libuku Ili

¹¹ Alimwi boonse balaakusumina patuba ayi Jesu Klistu nguMwaami, mukupa bulemu kuli Lesa Ishiwesu.

Bene Filipi 2:11 Marejeleo ya Msalaba

Kulumbaisha 110:1

Mwaami, Lesa wakaambila mwaami wangu ayi, “Kala kulyaansa lyangu lyalulyo kushikila nkaalule balwani bako kwaamba ayi babe mpopakulyata myeendo yako.”

Kulumbaisha 18:49

Paceebo ceeco ndaakumulumbaisha pakati ka bamumishobo imwi. Ndaakunokwiimba nyimbo shakulumbaisha liina lyanu nobaLesa.

Jelemiya 23:6

Munshiku sha bweendeleshi bwakwe, bene Juda balaakupuluka abene Isilaeli balaakunookala kwakubula cakulisukama. Lyalo ulaakunokwiitwa liina lyakwaamba ayi, ‘Mwaami Lesa nkoKululama kwesu.’ ”

Mateyo 10:32

“Uyo woonse weenga wansumina pameenso a bantu, anebo ndaakumusumina kuli baTa bali kwiculu.

Luka 2:11

Sunu mundabala yakwe Defedi mwashalwa Mupulushi wanu uyo ngoKlistu Mwaami.

Joni 12:42

Nakubi boobo baanji pakati ka bamaloba ba baJuda bakashoma muli Jesu, ono tebakalinga kutondesha lushomo lwabo mukwiinga bakalinga kuloonda baFalisi ayi inga babatanda mucoonde cabo.

Joni 13:13

Mwebo ndyemunjita ayi, ‘Mufundishi,’ nabi ayi, ‘Nkambo,’ mulalulika mukwiinga ngondime.

Joni 13:14

Ono nebo neMwaami alimwi amuFundishi wanu, ndamusansha kushimpanta. Amwebo anu mulyeelete kusanshanya kushimpanta.

Joni 14:13

Aboobo cili coonse nceshi mukasenge muliina lyangu, ndaakucicita kwaamba ayi baTa bakapekwe bulemu kwiinda muMwanaabo.

Joni 14:23

Jesu wakakumbula ayi, “Uyo unsuni ulakonkela kwiisha kwangu alimwi baTa balaakumusuna. Lyalo nebo abaTa tulaakwisa kuli nguwe akwikala anguwe.

Joni 17:1

Jesu ndyaakamana kwaamba makani aya, wakalanga kwiculu akupaila ayi, “Ta, ciindi cashikila. Ono aboobo amupe bulemu kuMwanaanu kwaamba ayi alakwe ape bulemu kuli ndimwe.

Joni 20:28

Tomasi wakaambila Jesu ayi, “NoBaami bangu, nobaLesa bangu!”

Joni 5:23

kwaamba ayi bantu boonse balemeke Mwaana mbobalemeka baIshi. Uyo woonse utalemeki Mwaana taalemeki abaIshi abo bakamutuma.

Joni 9:22

Bashali ba musankwa uyo bakaamba boobo mukwiinga bakalinga kuloonda bamaloba ba baJuda abo bakalinga bapangana kale ayi uyo woonse eshi akashome ayi Jesu ngoUsalitwe wakwe Lesa, nkumutanda mucoonde cabo.

Milimo ya Batumwi 10:36

Mwebo mulishi makani ayo Lesa ngaakatuma kubene Isilaeli, akushimikila Makani Abotu aluumuno muli Jesu Klistu, Mwaami wa bantu boonse.

Milimo ya Batumwi 2:36

“Aboobo mwebo nobene Isilaeli noonse, amwishibishe calushinisho ayi Jesu uyo ngomwakapopa pamucilingano, ngowooyo Lesa ngwaakabika ayi abe ngoMwaami alimwi ngoUsalitwe wakwe!”

Bene Loma 14:11

Mukwiinga Malembo alaamba ayi, “Mwaami Lesa wakaamba ayi, ‘Nebo ntoolumbila ayi, muntu woonse ulaakufukama kunembo lyangu akwaamba patuba ayi ndime Lesa.’ ”

Bene Loma 14:9

Paceebo ceeco Klistu wakafwa akubushikwa kwaamba ayi abe Mwaami wa boomi alimwi abafu.

Bene Loma 15:9

Wakalengesha abaswamashi bakunsengwe kulumbaisha Lesa ceebo ca nkumbu shakwe. Kweelana abwaamba Malembo akwe Lesa ayi, “Paceebo ceeco ndaakumulumbaisha pakati ka baswamashi bakunsengwe alimwi ndaakwiimba nyimbo shakulumbaisha liina lyanu.”

1 Bene Kolinto 12:3

Aboobo ndisuni kwaamba ayi mwishibe ayi taaku muntu uli woonse utokweendeleshekwa aMushimu wakwe Lesa weenga waamba ayi, “Jesu ashinganwe,” alimwi taaku weenga waamba ayi, “Jesu nguMwaami,” sombi Mushimu Usalashi wamutanjilila.

1 Bene Kolinto 15:47

Adamu mutaanshi wakalinga wa pacishi ca panshi alimwi wakaswa kubulongo, sombi Adamu wabili, wakaswa kwiculu.

1 Bene Kolinto 8:6

Sombi swebo tulicitebo Lesa womwi, Ishiwesu wakalenga shintu shoonse alimwi ngowooyo ngotushiitile. Ncakwiila tulicitebo Mwaami womwi, Jesu Klistu. Lesa wakalenga shintu shoonse kwiinda muli nguwe alimwi tuli boomi ceebo ca Mwaami uyu.

1 Pita 1:21

Kwiinda muli nguwe mulashoma muli Lesa uyo wakamubusha kuswa kubafu akumupa bulemu buunji. Aboobo lushomo lwanu akulangila kwanu kube muli Lesa.

1 Joni 4:15

Uyo woonse usumina patuba ayi Jesu nguMwanaakwe Lesa, ulekala muli Lesa, alakwe Lesa ulekala muli nguwe.

1 Joni 4:2

Mbulya mbweenga mweshiiba na Mushimu uyo ucite muntu ngwakwe Lesa, uyo woonse waamba ayi Jesu Klistu wakesa mubuntu, ulicite Mushimu wakwe Lesa.

2 Joni 1:7

Ceebo kuli babeshi baanji balibo cishi coonse ca panshi, abo batasumini ayi Jesu Klistu wakesa mubuntu. Muntu utasumini makani aya ngumubeshi alimwi ngumulwani wakwe Klistu.

Ciyubululo 3:5

Uyo weshi akakome bubi ulaakufwala shakufwala shituba mbomunya ubo alimwi liina lyakwe teshi nkalifuute mulibuku lya buumi. Ndaakwaamba patuba ayi ulakonkela ndime pameenso abaTa abaanjelo babo.’