Bene Filipi 1:29 - Baibo Busansulushi Bwa Libuku Ili

²⁹ Mwebo mwakapekwa coolwe cakusebensela Klistu, kuteshi kushomabo muli nguwe, sombi amukumupengela.

Bene Filipi 1:29 Marejeleo ya Msalaba

Mateyo 16:17

Mpeeke Jesu wakamukumbula ayi, “Ulicite coolwe Simoni omwanaakwe Jona! Teshi muntu wakuyubulwiita ceeci, sombi mbaTa ba kwiculu.

Milimo ya Batumwi 13:39

Alimwi mulyeelete kwishiba ayi, muntu woonse ushoma muli Jesu ulaangululwa kuswa mushibiibi shoonse, umo Milawo yakwe Mose moyakalinga kwaalilwa kumukusha.

Milimo ya Batumwi 14:22

Mpeeke bakayuminisha bashomi kwaamba ayi batolelele kushoma cankusu muli nguwe lyoonse. Bakalinga kubalwiita ayi, “Swebo soonse tulyeelete kwiinda mumapensho aanji kwaamba ayi tukenjile muBweene bwakwe Lesa.”

Milimo ya Batumwi 14:27

Ndibakashika muAntyoki, bakabunganya bashomi boonse. Mpeeke bakabasansulwita shoonse Lesa nshaakacita kwiinda muli mbabo alimwi ambwaakabonesha nshila baswamashi bakunsengwe ayi bashome.

Milimo ya Batumwi 5:41

Batumwi ndibakaswa muboomboloshi, bakalinga kukondetwe abuumbi ceebo Lesa wakabona kwaamba ayi balyeelete kupenshekwa ceebo cakwe Jesu.

Bene Loma 5:3

Teshi ceeco ceenka, tulasangalala amumapensho ceebo tulishi kwaamba ayi mapensho ngaaisha muntu kutaboola pesule.

Bene Efeso 2:8

Mwakapulushikwa aluse lwakwe Lesa kwiinda mulushomo. Teshi munkusu shanu nobeene, sombi ncipo kuswa kuli Lesa.

Bene Kolose 2:12

Mukwiinga ndimwakabombekwa, cakaba anga mwakabikwa mucuumbwe pantu pomwi aKlistu alimwi mukubombekwa uko mwakabushikwa anguwe kwiinda mukushoma nkusu shakwe Lesa, uyo wakamubusha kuswa kubafu.

Jemusi 1:2

Nobamakwesu, kamusangalala abuumbi na mwashikilwa mapensho apusenepusene,

1 Pita 4:13

Sombi amusangalale mukwiinga mutoopenga bweenka mbuli Klistu kwaamba ayi bwaakuboneka bulemu bwakwe, mukasangalale abuumbi.