Bene Filipi 1:27 - Baibo Busansulushi Bwa Libuku Ili

²⁷ Ono cinene ncakwaamba ayi bwikaalo bwanu bulyeelete kweendelana aMakani Abotu ayo aamba shakwe Klistu. Nabi ndesa mukumubona nabi ndabuula kwisa, ndyeelete kunyumfwa ayi mulimfwibo cakutatenkaana camuyeeyo womwi alimwi ayi mulacafwana kwiimikanina lushomo ndomucite muMakani Abotu.

Bene Filipi 1:27 Marejeleo ya Msalaba

1 Makani 19:12

Mpeeke Joabu wakaambila Abishayi ayi, “Na bene Silya banjumine kubakoma, webo inga wesa wamfunaako. Sombi na bene Amoni bakuyumine kubakoma, ingayi nebo ntoosa mukukufunaako.

Kulumbaisha 122:3

Jelusalemu nindabala yakayakwa kabotu, yakeemikwa kabotu alimwi ileebelekwa.

Kulumbaisha 133:1

Buumi ubu mbubotu abuumbi alimwi bulakondelesha. Ee, buumi bwa bantu bakwe Lesa bwakwikala mubwanabwankashi!

Tushimpi 22:23

Mwaami Lesa ulaakwiimikanina makani akwe akusaala buboni bwa baabo basaala buboni bwa mukandu.

Jelemiya 32:39

Kuswawaawo ndaakubapa cintu comwi cakucita mubuumi bwabo. Cintu ico nkundemeka ciindi coonse kwaamba ayi shintu shikabeendele kabotu, balo abamulunyungu lwabo.

Mateyo 12:25

Jesu wakalinga kwishi miyeeyo yabo, lyalo wakabaambila ayi, “Buleelo boonse bweenga bwabukilana akutalika kulwana, buleelo ubo bulamwaika. Na bantu ba mundabala nabi muŋanda yomwi babukilana, ndabala nabi ŋanda iyo ilawa.

Milimo ya Batumwi 2:46

Bushiku abushiku bakalinga kubungana amoyo womwi muŊanda yakwe Lesa akulita pantu pomwi mumaandaabo amyoyo yakusangalala akuliceesha.

Milimo ya Batumwi 24:24

Ndipakeenda nshiku, Felekisi wakesa amukaakwe Dulusila, muJuda. Wakatuma muntu mukwiita Paulo, mpeeke wakakutika mbuli Paulo mbwaakalinga kwaamba shakushoma muli Klistu Jesu.

Milimo ya Batumwi 4:32

Likoto lyoonse lya bashomi lyakalinga kucitebo moyo womwi amuyeeyo womwi. Tekwakalinga muntu wakalinga kwaamba ayi cintu ncaacite ncaakwe mwiine, sobwe, sombi lyoonse wakalinga kutola shoonse nshaacite kulikoto.

Bene Loma 1:16

Ndashoma amoyo woonse muMakani Abotu ceebo nshenkusu shakwe Lesa shakupulusha bantu boonse bashoma, kutaanguna baJuda, pesule baswamashi bakunsengwe.

Bene Loma 1:5

Kwiinda muli nguwe, Lesa wakampa mulimo unene wa butumwi kwaamba ayi nsebensele Klistu mukulengesha bantu ba mishobo yoonse ayi bamushome akunoomunyumfwila.

Bene Loma 1:9

Lesa uyo ngoonsebensela amoyo woonse kwiinda mukushimikila Makani Abotu aamba shaMwanaakwe, ngukamboni wangu ayi ico ncentokwaamba ncalushinisho. Ulishi alimwi kwaamba ayi ndamuyeeya lyoonse

Bene Loma 10:8

Malembo alaamba ayi, “Maswi akwe Lesa ali pafwaafwi amwebo, ali mumilomo amyoyo yanu.” Nkokwaamba ayi maswi akwe Lesa aamba shalushomo ngotushimikila.

Bene Loma 15:16

Ndintooshimikila Makani Abotu, ntoosebensa anga ngumupailishi kwaamba ayi baswamashi bakunsengwe inga baba anga ncipo citambulwa kuli Lesa, ico Mushimu Usalashi nciwakabenga kuli Lesa.

Bene Loma 15:29

Ndishi kwaamba ayi ndaakwisa uko, ndaakumuletela amwebo shoolwe shiswite shiswa kuli Klistu.

1 Bene Kolinto 1:10

Ono ndamusenga nobamakwesu muliina lya Mwaami wesu Jesu Klistu ayi kamusuminishana mushintu nshemwaamba, patabi kulipatula pakati kanu. Sombi munoonyumfwana camoyo womwi amuyeeyo womwi.

1 Bene Kolinto 15:58

Aboobo nobamakwesu nomusunikwi, amwiimikane mulushomo cakutatenkaana. Amubike myoyo yanu kumulimo wa Mwaami ceebo mulishi ayi tamutoosebensela Mwaami kwakubula mpindu.

2 Bene Kolinto 13:11

Ono nobamakwesu, amucaale kabotu. Amululamike buumi bwanu, mukutike milasho yangu. Kamunyumfwana, mwikale muluumuno. Lyalo Lesa shilusuno aluumuno ulaakuba amwebo.

2 Bene Kolinto 4:4

Bantu abo tabashomi ceebo Satana uyo uli anga ngulesa pacishi ca panshi, wabika maano abo mumunshinshe. Ulabakasha kubona mumuni utoomunika pali mbabo, uyo mumuni uswa muMakani Abotu aamba shabulemu bwakwe Klistu. Klistu ngootondesha Lesa mbwaabete.

2 Bene Kolinto 9:13

Mulimo uyu ulaakutondesha ayi mulashomeka alimwi baanji balaakulumbaisha Lesa ceebo ca mbuli mbomushimikila akunyumfwila bwaamba Makani Abotu apali Klistu. Peculu lya waawo balaakulumbaisha Lesa ceebo mulabaana ambabo akubaana abantu bamwi boonse nshemucite cakusangalala.

Bene Galatiya 1:7

Teshi kwaamba ayi kuli makani abotu amwi, sombi kuli bantu bamwi batooyanda kumufulunganya kwiinda mukusendeka Makani Abotu aamba shapali Klistu.

Bene Efeso 1:13

Amwebo mwakaba bantu bakwe Lesa ndimwakanyumfwa makani aamba shancinencine, ngoMakani Abotu ayo akamuletela lupulusho. Mwakashoma Klistu, paceebo ceeco, Lesa wakamupa keshibilo kakwaamba ayi muli bantu bakwe pakumupa Mushimu Usalashi uyo ngwaakashomesha.

Bene Efeso 1:15

Paceebo ceeco, kuswa ndindakanyumfwa shalushomo lwanu muMwaami Jesu alimwi alusuno ndomucite kubashominyinaanu boonse,

Bene Efeso 4:1

Nebo nekaili ceebo cakusebensela Mwaami Jesu, ndamusenga ayi mwikale buumi bweelete, kweelana aLesa mbwaakamwiita.

Bene Filipi 1:5

mukwiinga wa lubasu ulu ndomucite mukushimikila Makani Abotu, kuswa bushiku mbomwakaatambula kushikila asunu.

Bene Filipi 2:12

Ono nomusunikwi, kweelana ambomwalinga kunyumfwila ndindalingaanu, mulyeelete kwaamba ayi mwiindilishe kunoonyumfwila ciindi ici nceentabeteeko uko. Amutolelele kusebensa caboowa akututuma kwaamba ayi mumanishe mulimo wa lupulusho lwanu.

Bene Filipi 2:24

Ntooshoma ayi na Mwaami wayanda, anebo ndaakwisa uko coonoono.

Bene Filipi 3:18

Ndamulwiita lyoonse mankanda maanji alimwi ntekubooshaawo kaandila. Kuli bantu baanji batondesha mubuumi bwabo ayi mbalwani kumakani akwe Klistu pamucilingano.

Bene Filipi 3:20

Swebo ncakwiila kumisheesu kwiine kwiine nkwiculu alimwi tulalangila Mupulushi wesu Mwaami Jesu Klistu kuswa nkomunya uko.

Bene Filipi 4:1

Ono mwebo nobamakwesu, nomusunikwi alimwi ndamuyeeya abuumbi. Mwebo mulansangalasha. Paceebo ceeco ndatangala cankusu ceebo ca ndimwe. Anu ubo nobamakwesu mbomweelete kuyuma muMwaami.

Bene Kolose 1:10

Lyalo mulaakwikala buumi busuni Mwaami akumusangalasha lyoonse. Kwiinda mukucita milimo ibotu ipusenepusene. Buumi bwanu bulaakubonesha shisepo shibotu alimwi lushibo lwanu lwa pali Lesa lulaakufulilaako.

Bene Kolose 1:4

mukwiinga twakanyumfwa shalushomo ndomucite muli Klistu Jesu alimwi ashalusuno lwanu kubantu bakwe Lesa boonse.

1 Bene Tesalonika 3:6

Ono Timoti waboola kuli ndiswe akutuletela makani asangalasha abuumbi palushomo alusuno lwanu. Watulwiita kwaamba ayi kuyeeya ndiswe kulamulengesha kusangalala alimwi ayi mulisuni kwaamba ayi tukabonaneewo, bweenka aswebo mbotutookumbwa kubonanaawo amwebo.

1 Bene Tesalonika 4:1

Cakweelaako nobamakwesu, mwebo mwakeeya kuswa kuli ndiswe makani aamba mbomweelete kwikala buumi bukondelesha Lesa alimwi ncakwiila mbomwikala. Ono bulya twamusenga camaansa obilo muMwaami Jesu kwaamba ayi mwiindilisheewo apo

1 Timoti 1:11

Kwiisha uko kulacanika muMakani Abotu ayo akabikwa mumaansaangu kuswa kuli Lesa ulemekwa shicoolwe.

1 Timoti 1:19

akutolelela kushoma amiyeeyo iluleme. Bamwi tabakwe kunyumfwila miyeeyo yabo iluleme, aboobo lushomo lwabo lwakanyonyooka.

2 Timoti 4:7

Ndalwana nkondo ibotu akumanisha kucica lubilo alimwi ndasunga lushomo lwangu.

Taitasi 2:10

nabi kubeepila shintu. Sombi balyeelete kutondesha ayi balashomeka kwaamba ayi balemeke maswi akwe Lesa Mupulushi wesu mushintu shoonse.

Filimoni 1:5

mukwiinga ndanyumfwa shalusuno lwako pabashomi boonse alushomo ndoocite muMwaami Jesu.

Jemusi 3:18

Peculu lya waawo mbeshiluumuno abo bali anga batooshanga mbuto muluumuno, balatebula bululami.

2 Pita 3:11

Ono na shintu shoonse shilaakunyonyooka boobo, ino mulyeelete kuba bantu bali buyani? Ncakwiila mulyeelete kuba bantu basalalite bakonkela kuyanda kwakwe Lesa.

2 Pita 3:14

Paceebo ceeco nomusunikwi, pakunoolindila kwisa kwa Bushiku ubu, amusebense cankusu kwaamba ayi mukacanike kamuli muluumuno, kamusalalite alimwi kamutacite kampenda pameenso akwe Lesa.

Judi 1:3

Nomusunikwi, ndakalinga kusuni abuumbi kumulembela nkalata kwaamba ayi musansulwite lupulusho ndotucite swebo sobashomi soonse. Sombi ndakabona kwaamba ayi inga cabota kumulembela nkalata yakumuyumya ayi mulame camaansa obilo lushomo ulo Lesa ndwaakapa bantu bakwe linkanda lyomwibo.