Bene Filipi 1:15 - Baibo Busansulushi Bwa Libuku Ili

¹⁵ Ncakwiila nkobali bamwi bashimikila pali Klistu mukwiinga wa munyono akusuna kupikishanya, sombi nkobali bamwi bashimikila amoyo woonse.

Bene Filipi 1:15 Marejeleo ya Msalaba

Mateyo 23:5

Balacita shintu shoonse kwaamba ayi bababoone bantu. Balalyaangilila tukomwe tunene ntobabikamo maswi akwe Lesa palyaansa alimwi apankumo, akulaampya mansambaala ashakufwala shabo.

Milimo ya Batumwi 10:36

Mwebo mulishi makani ayo Lesa ngaakatuma kubene Isilaeli, akushimikila Makani Abotu aluumuno muli Jesu Klistu, Mwaami wa bantu boonse.

Milimo ya Batumwi 11:20

Sombi bamwi basankwa bashomi ba kuSaipulasi akuSailini, bakaya kuAntyoki kabaya bushimikila Makani Abotu aamba paMwaami Jesu akubaswamashi bakunsengwe.

Milimo ya Batumwi 5:42

Lyalo bushiku abushiku, batumwi bakatolelela kwiisha akushimikila Makani Abotu muŊanda yakwe Lesa alimwi amumaanda a bantu ayi Jesu ngoUsalitwe wakwe Lesa.

Milimo ya Batumwi 8:35

Lyalo Filipo wakatalika kumusansulwita, kutalikila mumaswi ngomunya ayo a muMalembo mpaakalinga kubelenga. Wakamulwiita Makani Abotu apali Jesu.

Milimo ya Batumwi 8:5

Filipo wakaya mundabala inene ya muSamaliya kaaya cishimikila bantu shaUsalitwe wakwe Lesa.

Milimo ya Batumwi 9:20

Wakeendililabo kuya mushoonde sha baJuda akutalika kushimikila ayi Jesu nguMwanaakwe Lesa.

Bene Loma 2:8

Sombi bamwi abo basuni kucita nshebasuni beene akukaka kucita shiluleme kabacitabo shitaluleme, Lesa ulaakuboombolosha mubukali bwakwe.

1 Bene Kolinto 1:23

Sombi swebo tulashimikila shakwe Klistu uyo wakapopwa pamucilingano. KubaJuda makani aya nimfumpu, akwalo kubaswamashi bakunsengwe taaku mbwaabete.

1 Bene Kolinto 13:3

Inga ndaaba shintu shangu shoonse kubakandu, mpashi akusumina ayi mubili wangu utentwe, ono na kaantacite lusuno, ingayi taaku ncindacita.

2 Bene Kolinto 1:19

Ceebo Jesu Klistu Mwanaakwe Lesa uyo Sailasi, Timoti anebo ngotwakashimikila pakati kanu, teshi “Ee” nabi ayi, “Sobwe” paciindi comwi, sombi lakwe lyoonse ngu “Ee” wakwe Lesa.

2 Bene Kolinto 11:13

Ceebo bantu abo mbatumwi babeshi, mbasebenshi beshi kuya cicenjeeka ayi baboneke anga mbatumwi bakwe Klistu bancinencine.

2 Bene Kolinto 12:20

Ceebo ntooloonda kwaamba ayi ndaakwisa uko ndaakumucana kamutabete mbuli mbondakalinga kumuyeeyela, nabi mwebo kumbona mbomutasuni. Ntooloonda ayi ndaakucana kwaambana, munyono, bukali, kulisuna, matushi, kufuya, kulisumpula akunyonyongana.

2 Bene Kolinto 4:5

Ceebo tatushimikili shapali ndiswe sobeene, sombi shapali Jesu Klistu ayi ngoMwaami. Swebo tulalyaamba ayi tuli basebenshi banu ceebo cakwe Jesu.

Bene Galatiya 2:4

nabi bamwi bakalinga kusuni ayi acitwe boobo. Bantu aba bakalilubyalubya akwinjila mulikoto lya bashomi kwaamba ayi basense lwaanguluko ndotucite muli Klistu Jesu. Bakalinga kusuni kwaamba ayi batulengeshe kuba basha.

Bene Filipi 2:3

Mutaciti cintu nabi comwi cakulisuna nabi kulisumpula. Sombi muliceeshe, lyoonse kunoobona babyaanu anga balamwiindaawo.

1 Timoti 3:16

Ncakwiila shabushishi bwa kupaila kwesu nshinene abuumbi. Nsheeshi, Lakwe wakaboneka mubuntu, wakaambwa aMushimu Usalashi ayi ngooluleme, wakabonwa abaanjelo. Wakashimikilwa pakati ka baswamashi bakunsengwe, wakashomwa kubamucishi ca panshi coonse alimwi akutolwa kwiculu mubulemu.