Bene Filipi 1:13 - Baibo Busansulushi Bwa Libuku Ili

¹³ Aboobo balishi boonse beshikulindilila ŋanda ya muleli wa kuLoma abamwibo boonse bali kokuno kwaamba ayi ndyaangitwe ceebo cakwe Klistu.

Bene Filipi 1:13 Marejeleo ya Msalaba

Milimo ya Batumwi 26:29

Paulo wakakumbula ayi, “Nabi mumaswi aniini nabi aanji, ndapaila kuli Lesa ayi mwebo alimwi abamwi boonse batoonyumfwa maswi aya sunu, inga baba bweenka mboombete, sombi kutaamba ayi mwaangwe ncetani ishi amwebo!”

Milimo ya Batumwi 26:31

Ndibakaswaamo bakatalika kulyaamboosha beene ayi, “Uyu muntu taaku cibiibi ncaacita nceenga wacailwaawo nabi kwaangwa.”

Milimo ya Batumwi 28:17

Ono ndipakeenda nshiku shotatwe, Paulo wakeeta bamatanjilili ba baJuda ba kooko kwaamba ayi aambaabo. Ndibakabungana, wakabaambila ayi, “Nobene Isilaelima, nakubi kwaamba ayi taaku cibiibi ncendakacita kubantu besu nabi kucita cintu citasuminishikwi kweelana akwishibila kwa bakulukulu besu, baJuda bakaŋangisha muJelusalemu akumbika mumaansa a bene Loma.

Milimo ya Batumwi 28:20

Anu nceceeco ncendamwiitila kwaamba ayi ŋambaanu. Nebo ndyaangitwe ceebo ca wooyo ngobatoolangila bene Isilaeli.”

Milimo ya Batumwi 28:30

Ono kwamyaaka yobilo, Paulo wakalinga kwikala muŋanda njaakalinga kusonkela mwiine akutambula baabo boonse bakalinga kwisa mukumubona.

Bene Efeso 3:1

Paceebo ceeco, nebo nePaulo nekaili ceebo cakwe Klistu Jesu mukusebensela ndimwe nobaswamashi bakunsengwe, ndamupailila kuli Lesa.

Bene Efeso 4:1

Nebo nekaili ceebo cakusebensela Mwaami Jesu, ndamusenga ayi mwikale buumi bweelete, kweelana aLesa mbwaakamwiita.

Bene Efeso 6:20

Ono kwaamba ayi bantu baanji beshibe Makani Abotu, nebo ndi mutumwi wakwe Jesu Klistu, nabi pacecino ciindi ndi muntolongo. Amumpailileeko kwaamba ayi mbe ankusu shakushimikila Makani Abotu cakutaloonda kweelana ambonjelete.

Bene Filipi 1:30

Aboobo amwebo mutoolwana nkondo iyo yeenka njemwakabona kaandwana alimwi njeencilwana abobulya kweelana ambomutoonyumfwa.

Bene Filipi 1:7

Ndamuyeeya lyoonse mukwiinga ndimusuni alimwi cililuleme kuli ndime kunyumfwa boobo. Ndyeembete muntolongo nabi ciindi cakwiimikanina akuyumya Makani Abotu mumyoyo ya bantu boonse, noonse mulaba andime muluse lwakwe Lesa.

Bene Filipi 4:22

Bantu bakwe Lesa boonse kuno bamwaansha, bunene bunene abo basebensa kuŋanda ya Muleli munene wa kuLoma.

2 Timoti 2:9

Ceebo cakushimikila Makani Abotu, ndapenga akwaangwa ncetani bulya anga ngushikusotoka milawo, sombi maswi akwe Lesa taangitwe muncetani napaceyi!