Bene Filipi 1:10 - Baibo Busansulushi Bwa Libuku Ili

¹⁰ kwaamba ayi mukakonshe kusala bwikaalo bwiindaawo kubota. Lyalo mulaakwaanguluka kuswa kububi boonse akutumpenda paBushiku ubo aakuboola Klistu.

Bene Filipi 1:10 Marejeleo ya Msalaba

Matalikilo 20:5

Abulaamu mwiine wakandwiita ayi ngunankashi yakwe alakwe mwiine Saala wakasuminisha. Ici ndakacicita amiyeeyo iluleme alimwi taaku cibiibi ncendacita.”

Jobo 12:11

Sa matwi taashibi kubota kwa maswi, bweenka mulaka mbooshiba kubota kwa shakulya?

Jobo 34:3

Ceebo matwi ngaanyumfwa maswi bweenka mulaka mboonyumfwa shakulya.

Mika 3:2

sombi mulipatite shibotu akusuna bubi. Mulafunda bantu bangu kabacili boomi akukusha minyemfu kushifuwa shabo.

Mateyo 16:23

Mpeeke Jesu wakapiluluka akwaambila Pita ayi, “Koya kulaale, webo Satana! Webo uli mfumpu kuli ndime ceebo miyeeyo yako iyo taiswi kuli Lesa, sombi njabuntu.”

Mateyo 26:33

Sombi Pita lakwe wakamwaambila ayi, “Nabi boonse bakatyongooke akumushiya, sombi nebo teshi nkamushiyeewo.”

Joni 1:47

Ono Jesu ndyaakabona Natanaelo keesa kuli nguwe wakaamba ayi, “Anooyu mwine Isilaeli wancinencine, muli nguwe taamu kampenda.”

Joni 3:20

Kulilabo muntu ucita shibiibi ulipatite mumuni. Teesi kumumuni kuloonda kwaamba ayi micito yakwe inga yabonekela patuba.

Milimo ya Batumwi 24:16

Paceebo ceeco, ndeelesha lyoonse kwikala buumi bubotu pameenso akwe Lesa alimwi abantu.

Bene Loma 12:2

Bwikaalo bwanu butabi anga mbwa bantu ba mucishi ca panshi, sombi amusuminishe Lesa kwaamba ayi asandule myoyo yanu kwiinda mukumupa miyeeyo ipya. Lyalo ndyeshi mukeshibe kuyanda kwakwe Lesa, nkokwaamba ayi shintu shibotu, shimukondelesha alimwi shitacite kampenda.

Bene Loma 12:9

Mulyeelete kuba alusuno lwalushinisho. Amupate bubi akusunisha kucita shintu shibotu.

Bene Loma 16:17

Ndamusenga nobamakwesu ayi mucenjele abantu abo bapansaanya babyaabo akulengesha ayi babishe. Balo baleeisha shipusene asheesho nshemwakeeya. Amubatalamuke!

Bene Loma 2:18

Ulishi kuyanda kwakwe Lesa alimwi ceebo wakeeishikwa muMilawo, aboobo ulishi bwakusala shintu shibotu.

Bene Loma 7:16

Ono mukwiinga ndacita ceeco ncentasuni kucita, nkokwaamba ayi Milawo ililuleme.

Bene Loma 7:22

Ndakondwa amoyo wangu woonse ceebo ca Milawo iswa kuli Lesa.

Bene Loma 8:7

Aboobo na muntu kaasunibo shiyanda mubili wakwe, ulaba mulwani wakwe Lesa mukwiinga taakonkeli milawo yakwe Lesa, ncakwiila inga taacikoonshi.

1 Bene Kolinto 1:8

Ulaakumuyumya kushikila akumamanino kwaamba ayi pabushiku bwakwisa Mwaami wesu Jesu Klistu mukacanike kamutacite kampenda.

1 Bene Kolinto 10:32

Bwikaalo bwanu butabi mfumpu kubaJuda, baswamashi bakunsengwe nabibo kucoonde cakwe Lesa.

1 Bene Kolinto 8:13

Aboobo, na cakulya calengesha mukwesu muli Klistu kubisha, teshi nkalyewo nyama alimwi kwaamba ayi ntakabishishi mukwesu uyo.

2 Bene Kolinto 1:12

Ono kuli cintu comwi ncetukonsha kulilumbaishilaawo. Tulishi cakutatonsha ayi koonse koonse twakalinga kulilemeka cakubula kampenda akushomeka kweelana abuyanda Lesa, bunene bunene pakati kanu. Tetwakalinga kutanjililwa abusongo bwabuntu, sombi nkusu sha luse lwakwe Lesa.

2 Bene Kolinto 2:17

Tatubete mbuli bamwi baanji bashimikila maswi akwe Lesa anga batoocitabo makwebo mwakucanina shiyandika mubuumi. Sombi ceebo Lesa wakatutuma, tulashimikila cakushomeka pameenso akwe, mukwiinga tuli muli Klistu.

2 Bene Kolinto 6:3

Swebo tatusuni kwaamba ayi bantu batongooke mulimo wesu kwiinda mukubashinkilisha.

2 Bene Kolinto 8:8

Nshintokwaamba ayi uyu ngumulawo, sombi mukwaamba shabamwi mbobasunishi kucafwa, ndisuni kubona lusuno lwanu na ndwancinencine.

Bene Galatiya 5:11

Nobamakwesu, ono na nebo ncishimikila shakupalulwa ceebonshi bantu bacimpensha? Nendalinga kushimikila boobo, naakwiinga bantu kabatapikishi kushimikila shalufu lwakwe Jesu lwa pamucilingano.

Bene Efeso 4:15

Sombi swebo tulyeelete kwaamba shalushinisho muli Lesa mulusuno, kwaamba ayi tube bweenka mbuli Klistu mushintu shoonse, lakwe uli ngomutwi wa coonde.

Bene Efeso 5:10

Anu amwiiye kucita shintu shikondelesha Mwaami.

Bene Efeso 5:27

Wakasuna ayi coonde cibe caakwe mwiine abulemu bwa ncico, cibe anga ngumuntu utacite kampenda nabi bubi buli boonse, utacite cintu nabi comwi cakumubisha, sombi kacisalalite alimwi kaciluleme.

Bene Efeso 6:24

Alimwi luse luswa kuli Lesa lube abaabo boonse basuni Mwaami wesu Jesu Klistu alusuno lutamaani.

Bene Filipi 1:16

Aba balashimikila calusuno mukwiinga balishi ayi Lesa wakampa ncito yakwiimikanina Makani Abotu.

Bene Filipi 1:6

Ndishinishite kwaamba ayi Lesa wakatalika ncito ibotu muli ndimwe ulaakutolelela akwiimanishisha paBushiku ubo aakuboola Klistu Jesu.

Bene Filipi 2:16

pakubalwiita maswi abuumi. Na mwacita boobo, ndaakuba asheebo shakunsangalasha ceebo ca ndimwe paBushiku ubo aakuboola Klistu, mukwiinga cilaakutondesha ayi ndakacicila nabi kusebensela ciliiwo.

1 Bene Tesalonika 3:13

Lesa Ishiwesu ayumyeyumye myoyo yanu kwaamba ayi mubule kampenda alimwi musalale pameenso akwe, pakwisa Mwaami wesu Jesu abasalalite bakwe boonse.

1 Bene Tesalonika 5:21

sombi mubone kwaamba ayi na makani ayo alaswa kuli Lesa. Lyalo mwakonkela aayo abotu

1 Bene Tesalonika 5:23

Ono Lesa uyo utulengesha kwaamba ayi twikale muluumuno, amusalashe cakumaninina akulengesha buumi bwanu boonse kubula kampenda pakwisa Mwaami wesu Jesu Klistu.

Joshuwa 24:14

Lyalo Joshuwa wakatolelela ayi, “Anu ono kamulemeka Mwaami Lesa akumusebensela cakushomeka munshila shoonse. Amusowe balesa bakalinga kulambila bamashali banu bakulukulu muMesopotamya amuIjipiti. Lyalo musebenselebo Mwaami Lesa.

1 Joni 4:1

Nomusunikwi, mutanooshoma muntu woonse waamba ayi ulicite Mushimu wakwe Lesa, sombi mulyeelete kubeelesha akubona na ncakwiila mushimu ngobacite ulaswa kuli Lesa. Mulyeelete kucita boobo ceebo balaluki babeshi balibo cishi coonse.

Ciyubululo 2:2

Utokwaamba ayi, ‘Milimo yako ndiishi ambuli mboosebensa cankusu alimwi akutaboola pesule ceebo ca mapensho. Ndishi alimwi kwaamba ayi inga toolangibo bamucita shibi. Abo balibanda ayi mbatumwi, wakabeelesha akucana ayi mbabeshi.