Bene Efeso 6:19 - Baibo Busansulushi Bwa Libuku Ili

¹⁹ Anebo kamumpaililaako kwaamba ayi andwiite maswi ngoonjelete kwaamba pakushimikila, ayi nshibishe bantu isho shakalinga kushisitwe paMakani Abotu cakutaloonda.

Bene Efeso 6:19 Marejeleo ya Msalaba

Bene Kolose 4:3

Kamutupaililaako aswebo kwaamba ayi Lesa atupe ciindi cibotu cakushimikila makani akwe akushimikila shabushishi shaamba pali Klistu. Ceebo ca makani abushishi aya, nebo ndyaangitwe.

Milimo ya Batumwi 4:29

Ono bulya Nkambo, amubone mbobatukonga. Anu amutupe nkusu swebo sobasebenshi banu ayi tushimikile maswi anu cakubula boowa.

2 Bene Tesalonika 3:1

Cakweelaako nobamakwesu, kamutupaililaako kwaamba ayi Maswi aswa kuMwaami amwaike cakufwambaana kushika kumisena yoonse, akutambulwa cabulemu bweenka mbwaakatambulwa pakati kanu.

1 Bene Tesalonika 5:25

Aswebo nobamakwesu, kamutupaililaako.

Bene Ebulu 13:18

Amutolelele kutupaililaako. Tulishinishite ayi mumiyeeyo yesu taamu cilubo mukwiinga tulisuni kucita shiluleme ciindi coonse.

Milimo ya Batumwi 4:31

Ndibakamana kupaila, pamusena apo mpobakalinga kubungene pakatenkaanishikwa. Lyalo boonse bakesushikwa Mushimu Usalashi akutalika kushimikila maswi akwe Lesa cakubula boowa.

1 Bene Tesalonika 2:2

Mulishi bene Filipi mbobakatupensha akutusebaanya cilensha nsoni mundabala yabo, katutana kwisa muTesalonika umo. Nakubi kwaamba ayi bantu baanji bakalinga kusuni kwiimika mulimo wesu, Lesa wesu wakatuyumya myoyo kwaamba ayi tukonshe kumulwiita Makani Abotu aswa kuli nguwe.

2 Bene Kolinto 8:7

Mbuli mbomwiindawo bamwi mushintu shoonse, mulushomo, mukushimikila, mulushibo, mukuyandishisha kucafwa alimwi amulusuno ndomucite pali ndiswe, ndisuni kwaamba ayi mwiindeewo bamwi amukucita mulimo uyu wa luse.

Bene Efeso 1:9

Lesa wakacita kweelana ambwaakabamba alimwi wakatushibisha muyeeyo wakwe wa bushishi uyo ngwaakayeeya ayi ulaakuucita kwiinda muli Klistu.

1 Bene Kolinto 4:1

Mwebo mulyeelete kutubona ayi tuli basebenshi bakwe Klistu abo bakapekwa kweendelesha mumakani abushishi akwe Lesa.

Milimo ya Batumwi 28:31

Wakalinga kushimikila makani a paBweene bwakwe Lesa akwiisha shapaMwaami Jesu Klistu cakubula boowa alimwi taaku muntu nabi womwi wakamukasha.

Milimo ya Batumwi 19:8

Mumyeenshi yotatwe Paulo wakalinga kuya kucoonde ca baJuda mukubandika abantu cakutaloonda. Wakalinga kubasansulwita kwaamba ayi bashome nshaakalinga kwaamba shapaBweene bwakwe Lesa.

Milimo ya Batumwi 13:46

Sombi lakwe Paulo aBanabasi bakeendilishaawo kwaamba cakutaloonda ayi, “Twalinga kweelete kwaamba ayi tutaangune kushimikila ndimwe maswi akwe Lesa. Sombi mukwiinga mwaakaka nobeene akubonesha kwaamba ayi tamweelete buumi butamaani, tutoomushiya tuye kubaswamashi bakunsengwe.

Filimoni 1:22

Ntoosenga alimwi ayi ukamambileko mwakoona ceebo ntooshoma kwaamba ayi Lesa ulaakukumbula mipailo yanu akumboosha kuli ndimwe.

Bene Kolose 2:2

Ndisuni kwaamba ayi shintu ishi shibayuumye alimwi akubacatanya pantu pomwi mulusuno kwaamba ayi kwiinda mulushibo lumaninite beshibishe kabotu muli Lesa. Munshila iyi ndyeenga beshiba makani akwe Lesa akalinga kushisitwe kubantu, ngoKlistu mwiine.

2 Bene Kolinto 3:12

Ceebo tulalangila sheeshi, ncetwaambila cakubula boowa.

1 Bene Kolinto 1:5

Ceebo cakuba muli Klistu, Lesa wamupa bubile boonse bwa muMushimu mukwiinga mulishi Makani akwe Lesa alimwi mulakonsha kwaashimika.

Milimo ya Batumwi 14:3

Sombi batumwi bobilo abo bakekala nshiku shiinji nkomunya uko, kabashimikila makani a Mwaami cakubula boowa. Mpeeke Mwaami Jesu wakatondesha ayi makani aamba paluse lwakwe ngobakalinga kushimikila ngalushinisho, kwiinda mukubapa nkusu shakucita shaankamiko alimwi ashitondesho sha nkusu sha kwiculu.

Milimo ya Batumwi 9:27

Kuswawaawo Banabasi wakamutola kubatumwi kwaamba ayi bakabandikile pantu pomwi. Wakabasansulwita mbuli Saulo mbwaakabona Mwaami Jesu munshila ya kuDamasikasi ambuli Mwaami mbwaakaambaakwe. Wakabalwiita ambuli Saulo mbwaakashimikila muliina lyakwe Jesu cakubula boowa muDamasikasi.

1 Timoti 3:16

Ncakwiila shabushishi bwa kupaila kwesu nshinene abuumbi. Nsheeshi, Lakwe wakaboneka mubuntu, wakaambwa aMushimu Usalashi ayi ngooluleme, wakabonwa abaanjelo. Wakashimikilwa pakati ka baswamashi bakunsengwe, wakashomwa kubamucishi ca panshi coonse alimwi akutolwa kwiculu mubulemu.

2 Bene Kolinto 7:4

Ndicite lushomo lunene abuumbi muli ndimwe alimwi ndikondetwe abuumbi ceebo ca ndimwe. Mapensho oonse ngotweendaamo taakwe kuntyongwesha, sombi lyoonse ndeendabo akusangalala.

2 Bene Kolinto 1:11

kweelana ambomutucafwa mumipailo yanu. Lyalo baanji balaakulumbaisha Lesa mukwiinga wakatupa shoolwe ceebo ca mipailo ya bantu baanji.

1 Bene Kolinto 2:7

Busongo mbotwaamba mbwakwe Lesa ubo bwakalinga kushisitwe. Lesa wakabubambilabo limwi kaatana kulenga cishi kwaamba ayi aswebo tukabe abulemu bwakwe Lesa.

Bene Loma 15:30

Ceebo ca lushomo ndotucite muMwaami Jesu Klistu alimwi aceebo ca lusuno lwakatupa Mushimu Usalashi, ndamusenga ayi munoompaililako cankusu kuli Lesa bweenka mboontoopaila.

Milimo ya Batumwi 18:26

Wakatalika kwaamba cakutaloonda mucoonde ca baJuda. Ono Akwila aPulisila ndibakanyumfwa kaamba, bakayaakwe kuŋanda yabo akumusansulwita mbuli nshila yakwe Lesa mbweebete.

Milimo ya Batumwi 4:13

Ono boomboloshi ndibakabona ayi Pita aJoni bakalinga kwaamba cakubula boowa, bakakankamana abuumbi ceebo bakeshiba ayi tebakalinga kwiiteewo, bakalinga bantubo. Mpeeke bakeshiba ayi bakekala bunene aJesu.

Milimo ya Batumwi 2:4

Mpeeke boonse bakesushikwa Mushimu Usalashi akutalika kwaamba mishobo imwi, kweelana ambowakabatanjilila Mushimu uyo.

Milimo ya Batumwi 9:29

Alimwi Saulo wakalinga kwaamba akupikishanya abaJuda baamba ciGiliki, sombi balo bakalinga kupangana kwaamba ayi bakamucaaye.

Bene Loma 16:25

Atulumbaishe Lesa! Lakwe ulicite nkusu shakulengesha ayi mutolelele kushoma Makani Abotu aamba pali Jesu Klistu aya ngoonshimikila. Makani aya ancinencine akayubululwa, akalinga kushishitwe kwamyaaka iinji abuumbi.

2 Bene Kolinto 6:11

Nobene Kolinto, swebo twaamba cakutashisa. Myoyo yesu ilitubite.

Bene Efeso 3:9

Wakampa amulimo wakusansulwita bantu boonse Lesa mbweshi akalengeshe muyeeyo wakwe wa bushishi kucitika. Lesa, uyo wakalenga shintu shoonse, walinga kushisite cikani ici kuswabo kale kale.