Bene Efeso 6:18 - Baibo Busansulushi Bwa Libuku Ili

¹⁸ Kamupaila pakucita shintu shoonse ishi. Kunoosenga Lesa kwaamba ayi amucaafwe. Paciindi coonse kamupaila kweelana aMushimu Usalashi mbweenga wamutanjilila. Paceebo ceeco amucenjele, mutatyongooki napaceyi. Lyoonse na mutoopaila, kamupaililako bashomi boonse.

Bene Efeso 6:18 Marejeleo ya Msalaba

1 Baami 8:52

“NoBaami baLesa Beshinkusu shoonse, kamubanyumfwila nkumbu bantu banu bene Isilaeli amwaami wabo. Amukutike mipailo yabo kulilabo na basenga lucafwo kuswa kuli ndimwe.

1 Baami 8:54

Solomoni ndyaakamanisha kupaila kuMwaami Lesa, wakanyamuka kunembo lya cipaililo, uko nkwaakalinga kufukeme kaatambikite maansa mwiculu.

1 Baami 8:59

Mwaami Lesa, Lesa wesu aaingashile mupailo uyu ashasengwa shoonse. Aanyumfwile nkumbu bene Isilaeli amwaami wabo lyoonse kweelana ashiyandika kuli mbabo bushiku abushiku.

1 Baami 9:3

Mwaami Lesa wakaamba ayi, “Ndanyuumfwa mupailo wako akusenga kwako. Ndasalasha ŋanda iyi njewanjakila ayi ibe musena umo mweshi noolambililwa lyoonse. Ndanooilama akwiitabilila lyoonsebo.

Esita 4:8

Wakamupa acipepala apo pakalinga kulembetwe mulawo wakunyonyoola uyo wakaambilishikwa kuSusa kwaamba ayi atondeshe Esita akumusansulwita. Lyalo wakamwaambila ayi alwiite Esita kuya kumwaami mukupapaata akusengelako nkumbu bantu bene mishaabo.

Jobo 27:10

Sa balaakusangalalila muli Shinkusu shoonse? Sa balaakunoolilila Lesa ciindi coonse?

Kulumbaisha 4:1

Kamunkumbula ndimpaila nobaLesa baluleme. Ndindakalinga mumapensho, mwakancafwa. Ono amube aluse pali ndime akukumbula mupailo wangu.

Kulumbaisha 6:9

Ee, Mwaami Lesa ulakutika kulila kwangu kwakusenga lucafwo. Ncakwiila ulaakunyumfwa kusenga kwangu.

Isaya 26:16

“Bantu banu ndibakalinga mumapensho, NoBaami baLesa bakamulilila. Ndimwakabapa mulandu, ncakwiila bakapaila kuli ndimwe.

Danyelo 6:10

Danyelo ndyaakanyumfwa ayi mwaami wapanga mulawo uyo, wakenjila mucipinda ca peculu ca ŋanda yakwe apo pakalinga mbwelyo yakalinga kulangite kundabala ya Jelusalemu. Wakalinga kufukama mankanda otatwe pabushiku akupaila mukulumba Lesa wakwe bweenka mbwaakalinga kucita kuswabo kalekale.

Danyelo 9:20

Ndakatolelela kupaila, kaandyaambilila shibiibi shangu ashibiibi sha bene misheesu bene Isilaeli akukombelela Mwaami Lesa, Lesa wangu kwaamba ayi alengeshe Ŋanda yakwe kutalika kusebenseshekwa alimwi.

Osiya 12:4

Wakalwana amunjelo akumukoma. Wakalila akusenga ayi amupe coolwe. KuBetelo Lesa wakesa kumushali wesu mukulukulu akubandikaakwe kweenka uko.

Sekaliya 12:10

“Ndaakutila mushimu wa luse akupaila pabamulunyungu lwakwe Defedi alimwi apabene Jelusalemu. Lyalo balaakulanga kuli ndime ngobakayasa akundila bweenka muntu mbwaalila mwanaakwe womwibo na wafwa, ee, kundila bweenka muntu mbwaalila mwanaakwe wakwiiya.

Mateyo 17:21

Taaku acimwi nceenga cakusha shikaswa wa mushobo uyu, sombibo mipailo akulikasha kulya.”]

Mateyo 26:41

Amwikale kamulibambite, akupaila kwaamba ayi mutanjili mumasunko. Moyo walo ulisuni, sombi mubili ngowabula nkusu.”

Maako 13:33

Amucenjele, mulangishishe, mukwiinga tamwishi ciindi ico ndyeshi cikashiike.

Maako 14:38

Amwikale kamulibambite akupaila ayi mutanjili mumasunko. Moyo walo ulisuni, sombi mubili ngowabula nkusu.”

Luka 21:36

Amwikale kamulibambite lyoonse, kamupaila ayi mube ankusu shakwiinda musheeshi shintu sheshi shikacitike kwaamba ayi mukeemikane kunembo lya MwanaaMuntu.”

Luka 22:46

Jesu wakabeepusha ayi, “Ceebonshi mulilete? Amubuke, mupaile kwaamba ayi mutenjili mumasunko.”

Luka 3:26

Nagai mwanaakwe Maati, Maati mwanaakwe Matatiyasi, Matatiyasi mwanaakwe Semeini, Semeini mwanaakwe Joseki, Joseki mwanaakwe Joda,

Luka 3:37

Lameki mwanaakwe Metusela, Metusela mwanaakwe Enoki, Enoki mwanaakwe Jaledi, Jaledi mwanaakwe Maalalilu, Maalalilu mwanaakwe Kenani,

Milimo ya Batumwi 1:14

Aba bantu bakalinga kubungana akupailila pantu pomwi lyoonse, kubikaawo abanakashi bamwi, Maliya banyina abamakwabo Jesu.

Milimo ya Batumwi 10:2

Musankwa uyu alimwi abamuŋanda yakwe boonse bakalinga kulyaaba kuli Lesa akumulambila camoyo woonse. Alimwi wakalinga kucafwa bumbi baJuda bakandu akupaila kuli Lesa ciindi coonse.

Milimo ya Batumwi 12:5

Aboobo bakatolelela kulama Pita muntolongo. Sombi bantu ba mucoonde bakalinga kumupailila cankusu kuli Lesa.

Milimo ya Batumwi 6:4

Sombi swebo tutoolibenga kumipailo akushimikila maswi akwe Lesa.”

Bene Loma 12:12

Mulyeelete kunoosangalala ceebo ca ceeco ncemutoolangila, amukalike myoyo muciindi ca makatasho alimwi munoopaila lyoonse.

Bene Loma 8:15

Mukwiinga Mushimu ngomwakatambula toomwaaluli basha akumulenga boowa. Sombi ulamulengesha kuba bana bakwe Lesa. Ncakwiila munkusu sha Mushimu uyu tuleeta Lesa ayi, “Aba,” nkokwaamba ayi, “Ta!”

Bene Galatiya 4:6

Ono mukwiinga tuli bana bakwe, Lesa wakatuma Mushimu wa Mwanaakwe mumyoyo yesu. Walo ngoolengesha kwaamba ayi katwiita ayi, “Aba!” nkokwaamba ayi, “Ta!”

Bene Efeso 1:16

ndalumba Lesa lyoonsebo ceeco ca ndimwe. Ndamwiibaluka mumipailo yangu.

Bene Efeso 2:22

Muli nguwe amwebo mutooyakilwa pantu pomwi abashomi bamwi boonse ayi mube mwakwikala Lesa kwiinda muMushimu.

Bene Efeso 3:18

kwaamba ayi mwebo, pantu pomwi abantu bakwe Lesa bamwi boonse, mukonshe kwishiba Klistu mbwaatusunishi alusuno luteelekwi kucintu cili coonse.

Bene Efeso 3:8

Nebo ndime mucaalishi kubantu bakwe Lesa, nakubi boobo wakampa mulimo uyu wakushimikila baswamashi bakunsengwe Makani Abotu abubile buunji abuumbi bwa muli Klistu.

Bene Efeso 6:19

Anebo kamumpaililaako kwaamba ayi andwiite maswi ngoonjelete kwaamba pakushimikila, ayi nshibishe bantu isho shakalinga kushisitwe paMakani Abotu cakutaloonda.

Bene Filipi 1:4

Mumipailo yangu yoonse njeemupaililaako, ndalumba Lesa akusangalala

Bene Filipi 4:6

Mutanoolisukama pacintu nabi comwi, sombi mumipailo yanu yoonse amusenge shintu shoonse nshemutacite kuli Lesa. Kamusenga amoyo wakulumba lyoonse.

Bene Kolose 1:3

Nditumupaililaako, lyoonse tulalumba Lesa Ishi Jesu Klistu Mwaami wesu,

Bene Kolose 1:4

mukwiinga twakanyumfwa shalushomo ndomucite muli Klistu Jesu alimwi ashalusuno lwanu kubantu bakwe Lesa boonse.

Bene Kolose 4:2

Amucatishe kupaila, kunoolibambite lyoonse alimwi akulumba Lesa.

1 Bene Tesalonika 5:17

Amupaile kuli Lesa lyoonse.

1 Timoti 2:1

Ono citaanshi ndaseenga ayi mupailile bantu boonse. Kupaila kwanu kube kusenga, mipailo, kusengela bamwi alimwi akulumba Lesa.

2 Timoti 1:3

Ndalumba Lesa uyo ngoonsebensela amiyeeyo iluleme bweenka bwakalinga kucita bamashali bangu basankwa bakulukulu. Ndamulumba lyoonse ndinkuyeeya mumipailo yangu mashiku amalumwi.

Filimoni 1:5

mukwiinga ndanyumfwa shalusuno lwako pabashomi boonse alushomo ndoocite muMwaami Jesu.

Bene Ebulu 5:7

Jesu ndyaakalinga muntu mucishi ca panshi, wakalinga kupaila alimwi akusenga cakoolobesha alimwi aminsonshi kuli Lesa, uyo wakalinga kukonsha kumupulusha kulufu. Mukwiinga Jesu wakalinga kuliceesha akulibenga, Lesa wakamukumbula.

1 Pita 4:7

Ono mamanino a shintu shoonse ali pafwaafwi. Paceebo ceeco, kamulitibuka alimwi mucenjele, kwaamba ayi mukonshe kupaila.

Judi 1:20

Sombi mwebo nomusunikwi, amuliyaake mulushomo lwanu lusalalite abuumbi. Munoopaila munkusu sha Mushimu Usalashi.

1 Samwelo 1:12

Aana wakatolelela kupaila kuMwaami Lesa kwaciindi cilaamfu, lakwe Eli kaalangilishabo mulomo wakwe.