Bene Efeso 5:8 - Baibo Busansulushi Bwa Libuku Ili

⁸ Kale kale mwebo mwakalinga mumunshinshe, sombi bulya muli mumumuni mukwiinga mwakaba bantu ba Mwaami. Aboobo mulyeelete kwikala anga mbantu bekala mumumuni.

Bene Efeso 5:8 Marejeleo ya Msalaba

Kulumbaisha 74:20

Kamwiibaluka cipangano canu ncemwakatupa, mukwiinga kuli beshikunyonyonganya mumisena yoonse iyubite ya mucishi.

Isaya 2:5

Aboobo mwebo nobamulunyungu lwakwe Jakobo amwise tweendele mumumuni wa Mwaami Lesa!

Isaya 42:16

“Ndaakutanjilila boofu munshila nshebatana kwiindaawo. Ndaakusandula munshinshe wabo kuba mumuni akubeelanishisha misena ya mankununkunu kunembo lyabo. Anu ishi nsheshintu nsheshi nkacite, teshi nkabalekelesheewo, sobwe.

Isaya 49:6

Paceebo ceeco wakaŋambila ayi, “Ndicite mulimo unene ngoonsuni ayi webo ucite omusebenshi wangu. Teshi ukeelebo mukuboosha bulemu kubene Isilaeli abo bakacaalaawo. Sombi ndaakukubika ayi ube mumuni kubaswamashi bakunsengwe kwaamba ayi bantu boonse bakapulushikwe kwiinda muli ndiwe.”

Isaya 49:9

Ndaakwaambila bali muntolongo ayi, ‘Kamuya ono mwaanguluka!’ Abalo beshi bakanooli mumunshinshe ndaakubaambila ayi, ‘Amusweemo muye mumumuni!’ Lyalo balaakuba anga nimbelele shilita munkunamo sha tulundu.

Isaya 50:10

Ono ngani pakati kanu ulemeka Mwaami Lesa akunyumfwila shaamba musebenshi wakwe? Uyo woonse weendela mumunshinshe, ee, uyo utacite mumuni, aacinke manungo muMwaami Lesa akushomabo Lesa wakwe.

Isaya 9:2

Bantu bakalinga kweenda mumunshinshe, babona mumuni unene. Ee, abo bali mumunshinshe ushiya mbi uyoosha, mumuni wabamunikila.

Jelemiya 13:16

Amulemeke Mwaami Lesa, Lesa wanu ndyaatana kuleta munshinshe ee, kamutana kutalika kulisuntula patulundu pataapu mumuni. Mwebo mutoolangila mumuni, sombi lakwe ulaakumuletela munshinshe ushiya mbi.

Mateyo 3:8

Amucite ncito shibotu shitondesha ayi mwasanduka kuswa kushibiibi shanu.

Mateyo 4:16

Bantu bakalinga kwikala mumunshinshe bakabona mumuni unene. Abalo abo bakalinga kwikala mucishi ca cimfule ca lufu, mumuni ulaakubamunikila.”

Luka 1:79

Ulaakumunikila baabo bashiite mumunshinshe amucimfule ca lufu, akututanjilila munshila ya luumuno.”

Luka 16:8

Mwaami wakwe uyo wakalumbaisha shikulama buboni utashomeki ceebo cakucenjela kwakwe. Mukwiinga bantu ba mucishi ca panshi cino mbasongo kubamba makani abo kwiinda bantu bali mumumuni.”

Joni 1:9

Uyu ngoMumuni wancinencine wakesa mucishi ca panshi mukumunikila bantu boonse.

Joni 12:35

Jesu wakabaambila ayi, “Mumuni ucili amwebo ciindi ciniinibo. Amweende, mumuni kauciliiko kwaamba ayi munshinshe utesi pali ndimwe. Mukwiinga uyo woonse weenda mumunshinshe taashibi nkwaatooya.

Joni 12:36

Amushome mumumuni ndyeucili anu kwaamba ayi mube bantu ba mumumuni.” Jesu ndyaakamana kwaamba makani aya wakaswaawo akuya mukubayuba.

Joni 12:46

Ndakesa mucishi ca panshi bweenka mbuli mumuni kwaamba ayi uyo woonse eshi ashome muli ndime atabi mumunshinshe.

Joni 8:12

Jesu wakaambila baFalisi alimwi ayi, “Ndi mumuni umunikila bantu boonse. Uyo woonse unkonkela teshi akeende mumunshinshe napaceyi, sombi ulaakuba amumuni upa buumi.”

Milimo ya Batumwi 17:30

Lesa wakalekelela bantu pasheesho shoonse nshebakacita kabatamwishi, sombi paciindi cino utokwaambila bantu mumisena yoonse ayi basanduke kuswa kushibiibi shabo.

Milimo ya Batumwi 26:18

Ukabacalule meenso kwaamba ayi babone, ukabakushe mumunshinshe kwaamba ayi benjile mumumuni alimwi akubakusha munkusu shakwe Satana ukabenjishe munkusu shakwe Lesa. Kwiinda mulushomo lwabo muli ndime, Lesa ulaakubalekelela shibiibi shabo akuba amusena pakati ka bantu bakwe Lesa basalitwe.’

Bene Loma 1:21

Bakalinga kwishi Lesa, sombi tabakwe kumulemeka mbwaaelete nabibo kumulumbaisha ceebo bakalinga kuyeeyabo shitacite ncito alimwi mitwi yabo iliswitebo munshinshe.

Bene Loma 13:12

Ciindi ca mashiku camana butooyanda kuca. Ono atucileeke kucita shamumunshinshe, sombi tubwese shakulwanisha sha mumumuni.

Bene Loma 2:19

Kweelana ambocibete ulashoma ayi uli mutanjilili wa boofu, mumuni wa baabo bali mumunshinshe

1 Bene Kolinto 1:30

Lesa ngowakalengesha ayi tube muli Klistu Jesu ayi lakwe abe busongo bwesu. Wakatululamika pameenso akwe Lesa, watusalasha akutwaangulula.

2 Bene Kolinto 3:18

Swebo soonse sotucite shiwa shitafweketwe shisani, tuli anga nshilola shitondesha bulemu buswa kuMwaami. Tutoosandululwa kuba mbuli nguwe, kuswa mubulemu bumwi kuya mubuumbi bwiindaawo, kwiinda muMwaami uli nguMushimu.

2 Bene Kolinto 4:6

Ceebo Lesa wakaamba ayi, “Akube mumuni umunika kuswa mumunshinshe.” Lesa eenkabo uyo ngoolengesha mumuni kumunika mumyoyo yesu, kwaamba ayi twishibe bulemu bwakwe bumunika pameenso akwe Klistu.

2 Bene Kolinto 6:14

Mutacatani pantu pomwi abakunsengwe. Ino bubotu abubi inga shacatana buyani? Munshilanshi mweenga mumuni amunshinshe shabeta pantu pomwi?

Bene Galatiya 5:25

Ono na Mushimu Usalashi ngootupa buumi, nkokwaamba ayi ngoweelete kututanjilila mushintu shoonse.

Bene Efeso 2:2

Paciindi ico mwakalinga kweenda munshila sha bantu bakunsengwe. Mwakalinga kukonkela mweendeleshi wa bashikaswa wa muluuwo, mushimu ubiibi uyo weendelesha bantu batanyumfwili Lesa.

Bene Efeso 4:18

alimwi miyeeyo yabo icili mumunshinshe. Bantu abo tababeteko lubasu kubuumi ubo Lesa mbwaapa mukwiinga taaku ncebeshi alimwi mukwiinga mbeshicimpamya.

Bene Efeso 5:2

Shoonse nshemucita, shilyeelete kutondesha lusuno bweenka mbuli Klistu mbwaakatusuna. Wakaaba buumi bwakwe ceebo ca ndiswe akuba anga ncipo ca bweema bubotu alimwi anga ncipo ca munyama wakutenta cikondelesha pameenso akwe Lesa.

Bene Efeso 6:12

Mukwiinga tatutoolwana abantu, sombi tutoolwana ankusu sha mishimu ibiibi ya mwiculu, iyo yeendelesha alimwi icite nkusu, mishimu iyo yeendelesha bantu munshiku shino shili anga ngumunshinshe.

Bene Kolose 1:12

mulyeelete kunoolumba Lesa Ishiwesu uyo wakamulengesha ayi mube bantu beelete kutambula shipo isho nshaasungila bantu bakwe, muBweene bwakwe busalalite.

Bene Kolose 1:13

Wakatukusha munkusu sha munshinshe akutwinjisha muBweene bwa Mwanaakwe usunikwi.

Taitasi 3:3

Ceebo nabi swebo sobeene twakalinga baluya, batanyumfwili alimwi balubite. Twakalinga basha ba lunkumbwa lwa mubili alimwi ashakulisangalasha shipusenepusene. Twakalinga kwikala mubuumi bwa miyeeyo ya lupato amunyono. Bantu bakalinga kutupatite aswebo katubapatite.

1 Joni 1:7

Sombi na katweenda mumumuni, bweenka mbuli mbwaali mumuni lakwe, nkokwaamba ayi tulekala mubwanabwankashi alimwi bulowa bwakwe Jesu Mwanaakwe, bulatusalasha kuswa kushibiibi shoonse.