Bene Efeso 5:5 - Baibo Busansulushi Bwa Libuku Ili

⁵ Mulyeelete kwishiba cancinencine ayi taakuuwo mufuule, uyo ucita shitaluleme, nabi shikukumbwa camunyono shintu sha bamwi (mukwiinga lunkumbwa lwa munyono lulaba ngolesa wabo) weshi akatambuleko Bweene bwakwe Klistu alimwi aLesa.

Bene Efeso 5:5 Marejeleo ya Msalaba

Kulonga 20:17

“Utakumbwi ŋanda ya shikamukobonyoko camunyono. Utakumbwi mukamwiine, musha wakwe musankwa nabi mwanakashi, ŋombe shakwe, mbongolo shakwe nabi shintu shakwe shimwi.”

Milimo ya Batumwi 20:32

“Cakweelaako, ndamubika mumaansaakwe Lesa alimwi amakani aamba paluse lwakwe kwaamba ayi amulaame akumuyumya ayi mukatambule shoolwe isho Lesa nshaasungila bantu bakwe boonse.

Milimo ya Batumwi 8:21

Taaku lubasu ndoocite mumulimo wesu uyu mukwiinga tooluleme pameenso akwe Lesa.

Bene Galatiya 5:19

Ono milimo ya buntu ilibwenekete patuba, njeeyi, bufuule, kutanoosalalite, kutalitibuka, kucita shintu shitaluleme,

Bene Galatiya 5:21

lunkumbwa, bucakolwa alimwi ashimwi sha mushobo wooyu. Ntoomucenjeshaako ono bweenka mbuli mbondakamucenjeshawo kale ayi abo bacita sha mushobo wooyu teshi bakenjileewo muBweene bwakwe Lesa.

Bene Efeso 5:3

Ceebo muli bana bakwe Lesa, bufuule, kucita shintu shitaluleme alimwi akukumbwa camunyono shintu sha bamwi bantu, tasheelete kwaambwa pakati kanu, sobwe.

Bene Kolose 1:13

Wakatukusha munkusu sha munshinshe akutwinjisha muBweene bwa Mwanaakwe usunikwi.

Bene Kolose 3:5

Amucaye lunkumbwa loonse lwa mucishi ca panshi ulo luli muli ndimwe, mbuli bufuule, kucita shintu shitaluleme, lunkumbwa lubiibi, miyeeyo ibiibi alimwi abupambi. Mukwiinga kupamba akwalo kulikoshenye akulambila shibumbwabumbwa.

1 Timoti 6:10

Ceebo kusuna maali ngomatalikilo a bubi boonse. Bamwi bakalinga kwaasuni abuumbi, aboobo beengaila kuswa kulushomo akulinjisha mubuumba bunene.

1 Timoti 6:17

Waambile bantu abo babile mushintu sha cishi ca panshi cino ayi batanoolisumpula akulangila mububile ubo bumana. Sombi balyeelete kulangila muli Lesa uyo utupa camaansa obilo shintu shoonse shitusangalasha.

Bene Ebulu 13:4

Cikwati kamucilemeka noonse alimwi basankwa abamakaabo balyeelete kunooshomeka kuli womwi awomwi mukwiinga Lesa ulaakoombolosha akupa mulandu bafuule alimwi abeshibulale.

Joshuwa 7:21

pashintu isho nshetwakabwesa, ndakabonawo cakufwala ca peculu cibotu abuumbi ca kuBabiloni, makilogilamu obilo a silifa alimwi acipimpita ca golodi cakalinga kulema musa wa kilogilamu. Ndakakumbwa shintu isho akushibwesa. Anu ndakashifukila mutente yangu, silifa njeili panshi peene.”

Ciyubululo 21:8

Sombi boowa, batashomi, basuni kucita shibiibi, bacayi, bafuule, baloshi, balambila shibumbwabumbwa alimwi ababeshi boonse, musena wabo ndweenge lwa mulilo alimwi asalufa. Ulu ndolufu lwabili.”

Ciyubululo 22:15

Sombi pansengwe lya ndabala inene iyi mpopali bakabwa abaloshi, bafuule abacayi, abo balambila shibumbwabumbwa alimwi ababeshi mumyaambo amicito.