Bene Efeso 5:26 - Baibo Busansulushi Bwa Libuku Ili

²⁶ kwaamba ayi acisalashe. Wakacisalasha ndyaakacisansha amaanshi kwiinda mumaswi akwe.

Bene Efeso 5:26 Marejeleo ya Msalaba

Esekelo 16:9

“ ‘Ndakabwesa maanshi, ndakusansha malowa ngowakalinga kucite akukunanika mafuta.

Esekelo 36:25

Ndaakumusanseela maanshi asalalite mukusalasha kuswa kusheesho shoonse shakamubisha alimwi ashibumbwabumbwa shanu.

Bene Lefi 14:11

Lyalo mupailishi uyo umusalasha ulaakubwesa muntu uyo alimwi ashipo isho shakwe akushitola kumulyango wa Tente ya Cipangano.

Bene Lefi 16:30

Pabushiku ubo palyeelete kucitwa kweelana aMilawo pakubasalasha kuswa kushibiibi shoonse, kwaamba ayi basalashikwe.

Bene Lefi 8:6

Mpeeke Mose wakaleta Aloni alimwi abana bakwe basankwa, akubalwiita ayi basambe amaanshi.

Sekaliya 13:1

Mwaami Lesa Shinkusu shoonse waamba ayi, “Bushiku ubo kulaakucalulwa kantupu pabamulunyungu lwakwe Defedi apabene Jelusalemu kakubasansha kuswa kushibiibi alimwi akutunkowesha.

Joni 13:10

Jesu wakamwaambila ayi, “Muntu wasamba kale watuba. Taaku ceebo nceenga wayandila kusamba, sombibo kushimpanta kweenka. Noonse mwatuba kukushakobo womwi.”

Joni 15:3

Mwebo mwasalashikwa kale kwiinda mumaswi ngondamwaambila.

Joni 15:8

Na kamucata shisepo shiinji, ico inga caletela bulemu baTa, alimwi cilaakutondesha ayi muli bashikwiiya bangu bancinencine.

Joni 17:7

Ono balishi ayi shoonse nshendalinga kucita akwiisha shakaswa kuli ndimwe.

Joni 3:5

Jesu wakakumbula ayi, “Ncakwiila ntookulwiita ayi taaku muntu utana kushalwa mumaanshi alimwi aMushimu Usalashi weshi akenjile muBweene bwakwe Lesa.

Milimo ya Batumwi 22:16

Ino ucilindilanshi? Nyamuka ulumbaishe liina lyakwe, ubombekwe, Lesa akusalashe kwaamba ayi shibiibi shako shilekelelwe.’

Milimo ya Batumwi 26:18

Ukabacalule meenso kwaamba ayi babone, ukabakushe mumunshinshe kwaamba ayi benjile mumumuni alimwi akubakusha munkusu shakwe Satana ukabenjishe munkusu shakwe Lesa. Kwiinda mulushomo lwabo muli ndime, Lesa ulaakubalekelela shibiibi shabo akuba amusena pakati ka bantu bakwe Lesa basalitwe.’

Bene Loma 10:8

Malembo alaamba ayi, “Maswi akwe Lesa ali pafwaafwi amwebo, ali mumilomo amyoyo yanu.” Nkokwaamba ayi maswi akwe Lesa aamba shalushomo ngotushimikila.

1 Bene Kolinto 6:11

Ubo mbobabete bamwi pakati kanu. Sombi bulya mwakasanshikwa mwasalashikwa alimwi mwakalulamikwa muliina lya Mwaami Jesu Klistu aMushimu wakwe Lesa.

2 Bene Kolinto 11:2

Ndamufwita munyono bweenka mbuli Lesa. Mwebo muli anga ngumooye utana kukumanawo kale amusankwa, uyo ngondakamamikisha kumusankwa womwibo, Klistu.

Bene Efeso 6:17

Alimwi amunyamune lupulusho anga ncimpoompo cakumutabilishaako alimwi mutambule maswi akwe Lesa kuswa kuMushimu Usalashi ayo eshi abe anga ngumupeeni.

Bene Kolose 3:16

Maswi akwe Klistu aakalilile mumyoyo yanu lyoonse pakwiishanya alimwi akulwiitana cabusongo boonse. Amwiimbe nyimbo shakulumbaisha, shakulemeka Lesa alimwi anyiimbo shimwi sha Mushimu wakwe Lesa. Amwiimbile Lesa amyoyo yakulumba.

Taitasi 2:14

Lakwe uyo wakalibenga kutufuna kububi boonse akutusalasha kwaamba ayi tube bantu bakwe beene abo balibambite kucita shibotu.

Bene Ebulu 10:10

Ceebo Jesu Klistu wakacita ceeco Lesa ncaakalinga kusuni ayi acite, twakasalashikwa kwiinda mukubenga mubili wakwe linkanda lyomwibo ndondoli kwiimikanina bantu boonse.

Bene Ebulu 10:14

Kwiinda mukulibenga linkanda lyomwi, wakalengesha kwaamba ayi abo mbwaasalasha kuswa kushibiibi shabo, banoosalalitebo cancinencine lyoonse.

Bene Ebulu 10:22

Aboobo, atusene pafwaafwi aLesa amyoyo yakutatonsha alimwi alushomo lwancinencine. Atusene kuli nguwe amyoyo yakasalashikwa itacite kampenda alimwi amibili yakasamba mumaanshi atacite matombe.

Bene Ebulu 10:29

Ino cilaakuba buyani kumuntu uyo unyansha Mwanaakwe Lesa. Uyo usuula bulowa bwakalengesha cipangano cakwe Lesa ico cakamusalasha kuswa kushibiibi akucobola Mushimu Usalashi utubonesha luse. Amuyeeye mbuli mbweshi ukeendeewo kubica mulandu ngweshi akapekwe muntu uyu!

Bene Ebulu 13:12

Nceceeco Jesu alakwe ncaakafwita pansengwe lya ndabala inene, kwaamba ayi asalashe bantu kuswa kushibiibi shabo kwiinda mubulowa bwakwe mwiine.

Bene Ebulu 4:12

Mukwiinga maswi akwe Lesa ali anga ncintu cuumi alimwi alicite nkusu. Alikolete kwiinda mupeeni ukolete koonse kobilo. Alatimbula pakati kushikila apali moyo amuuya alimwi apali shifuwa alimwi amoomo. Maswi akwe Lesa alayubulula sheesho bantu nshebayeeya alimwi anshebasuni.

Bene Ebulu 9:14

Ncakwiila bulowa bwakwe Klistu bwalo buleendaawo nkusu. Bulakonsha kutucitila shiindaawo. Kwiinda muMushimu utamaani, wakalibenga kuli Lesa anga ngumulambu utacite kampenda. Bulowa bwakwe bulasalasha myoyo yesu kumicito itacite ncito, kwaamba ayi tusebensele Lesa muumi.

Jemusi 1:18

Mukuyanda kwakwe mwiine wakatupa buumi kwiinda mumaswi a lushinisho, ayi pakati ka shilengwa shakwe shoonse tube anga nshisepo shitaanshi.

1 Pita 1:2

Mumiyeeyo yakwe Lesa Ishiwesu wakamusala. Mwakasalashikwa aMushimu Usalashi ayi munoonyumfwila Jesu Klistu akusanshikwa abulowa bwakwe. Luse aluumuno shikomene muli ndimwe lyoonse alyoonse.

1 Pita 3:21

Maanshi ayo aleemikanina kubombekwa uko kumupulusha bulya kwiinda mukubushikwa kwakwe Jesu Klistu kuswa kubafu. Kubombekwa uku teshi kusamba pamubili ayi tukushe matombe, sombi nkushomesha Lesa amiyeeyo iluleme.

2 Pita 1:9

Sombi mushomi utacite sheeshi shintu uli anga ngumoofu. Wakalubaako ayi wakasalashikwa kuswa kushibiibi shakwe shikulukulu.

1 Joni 5:6

NguJesu Klistu mwiine wakesa kwiinda mumaanshi pakubombekwa kwakwe alimwi amubulowa bwa lufu lwakwe. Taakwe kwisabo mumaanshi mweenka, sombi mumaanshi abulowa bwakwe. Mushimu Usalashi ngoopa bukamboni pamakani aya mukwiinga Mushimu uyo ndolushinisho.

Judi 1:1

Ndime Judi musebenshi wakwe Jesu Klistu alimwi mukwabo Jemusi. Ntoolembela ndimwe nomwakeetwa akusunikwa aLesa Ishiwesu alimwi nomulamwa aJesu Klistu.