Bene Efeso 5:2 - Baibo Busansulushi Bwa Libuku Ili

² Shoonse nshemucita, shilyeelete kutondesha lusuno bweenka mbuli Klistu mbwaakatusuna. Wakaaba buumi bwakwe ceebo ca ndiswe akuba anga ncipo ca bweema bubotu alimwi anga ncipo ca munyama wakutenta cikondelesha pameenso akwe Lesa.

Bene Efeso 5:2 Marejeleo ya Msalaba

Matalikilo 8:21

Bweema bwa mulambu bwakakondelesha Mwaami Lesa, lyalo wakalyaamboosha ayi, “Teshi nkashinganewo cishi ca panshi alimwi ceebo ca sheesho muntu nshaacita. Ndishi kwaamba ayi kuswabo kubwanike miyeeyo ya muntu njibiibi. Teshi nkanyonyoolewo shintu shiyoya shoonse mbuli mbondacita bulya.

Kulonga 29:18

Mpomunyaawo ukatente mbelele yoonse iyo pacipaililo ayi ngumulambu wakutenta. Bweema bwa mulambu uyo, bulansangalasha.

Kulonga 29:25

Kuswawaawo ukabanyaaye akushitentela pacipaililo, peculu lya mulambu wakutenta. Bweema bwa mulambu uyo bulansangalasha.

Bene Lefi 1:13

Ulyeelete kusansha shamukati shoonse alimwi amyeendo mumaanshi. Mpeeke mupailishi ulaakutenta mulambu woonse pacipaililo ayi ngumulambu wakutenta. Bweema bwa mulambu uyo bulansangalasha neMwaami Lesa.

Bene Lefi 1:17

Kuswawaawo, ulaakwiicata kumapapaminwa akwiikwamuna ayi ipabuke kwakutatumuna mapapaminwa. Mpeeke mupailishi ulaakwiitenta pacipaililo yoonse ayi ngumulambu wakutenta. Bweema bwa mulambu uyu bulansangalasha neMwaami Lesa.

Bene Lefi 1:9

Muntu uyo ulyeelete kusansha shamukati shoonse alimwi amyeendo mumaanshi. Mpeeke mupailishi ulaakutenta mulambu woonse pacipaililo ayi ngumulambu wakutenta. Bweema bwa mulambu uyo bulansangalasha neMwaami Lesa.

Bene Lefi 3:16

Lyalo shoonse ishi mupailishi ulaakushitentela pacipaililo ayi ncipo ca shakulya kuli ndime neMwaami Lesa. Mafuta oonse ngaangu neMwaami Lesa.

Amosi 5:21

Mwaami Lesa waamba ayi, “Nebo ndipatite kulambila kwanu pakusekelela. Mabungano anu nshaasuni napaceyi.

Mateyo 20:28

Amube bweenka mbuli MwanaaMuntu utakwe kwisa mukusebenselwa, sombi mukusebensela bamwi alimwi akwaaba buumi bwakwe kwaamba ayi alubule bantu baanji.”

Joni 13:34

Ntoomupa mulawo upya wakwaamba ayi, ‘Amusunane.’ Bweenka mboomusuni nebo, amwebo mulyeelete kusunana.

Joni 6:51

Ndi cakulya cipa buumi cakaswa kwiculu. Na muntu uli woonse walya cakulya ici, ulaakuba abuumi butamaani. Cakulya ico nceshi nkamupe ngumubili wangu, uyo ngweshi nkape ayi bantu boonse ba mucishi ca panshi babe abuumi.”

Bene Loma 15:16

Ndintooshimikila Makani Abotu, ntoosebensa anga ngumupailishi kwaamba ayi baswamashi bakunsengwe inga baba anga ncipo citambulwa kuli Lesa, ico Mushimu Usalashi nciwakabenga kuli Lesa.

Bene Loma 4:25

Lesa wakabenga Jesu kwaamba ayi acaikwe ceebo ca shibiibi shesu alimwi wakamubusha kuswa kubafu kwaamba ayi atululamike pameenso akwe.

Bene Loma 8:3

Isho Milawo nsheyakaalilwa kucita ceebo buumi bwa buntu bwakeemana nkusu, Lesa wakashicita. Wakacita boobo kwiinda mukutuma Mwanaakwe, uyo wakesa mucishi ca panshi mubuntu bweenka mbuli ndiswe kwaamba ayi akome bubi.

Bene Loma 8:37

Taaku, sombi mushintu shoonse ishi shitucitikila tulakoma kwiinda muli Klistu utusuni.

1 Bene Kolinto 16:14

Kamucita shintu shoonse mulusuno.

1 Bene Kolinto 5:7

Mulyeelete kukusha cimena ca kale kale ca shibiibi kwaamba ayi mube bantu basalalite cakumaninina. Lyalo mutooba anga ngumulwi upya utacite cimena alimwi mboonshi kwaamba ayi mbomubete ubo. Ceebo Klistu mwanaambelele wesu wa Pasika, wa bushiku bwakwiibaluka kusotokela, wakacaikwa kale.

2 Bene Kolinto 2:14

Ono aalumbwe Lesa utulengesha kukoma kwiinda muli Klistu. Ulatusebensesha mukulengesha makani apali Klistu kuya koonse koonse anga mbweema bubotu.

2 Bene Kolinto 2:15

Ceebo swebo tuli anga mbweema bwa tununkila kabotu pakutenta uto Jesu Klistu ntwaabenga kuli Lesa. Bweema ubo bwanyumfwika kubaabo beshi bakapulushikwe abaabo batoosowekwa.

2 Bene Kolinto 8:9

Mukwiinga mwebo mulishi luse lwa Mwaami wesu Jesu Klistu. Wakalinga mubile, sombi wakaba mukandu ceebo ca ndimwe kwaamba ayi mwebo mube babile mumushimu kwiinda mubukandu bwakwe.

Bene Galatiya 1:4

Klistu wakalibenga ceebo ca shibiibi shesu ayi atufuune kububi bwa mucishi cino ca panshi, kweelana akuyanda kwakwe Lesa Ishiwesu.

Bene Galatiya 2:20

Ndakapopwa pantu pomwi aJesu pamucilingano. Aboobo buumi ubu mboonkala teshi bwangu, sombi nguKlistu uyo ukala muli ndime. Buumi ubu muli ndime mbwakushoma muMwanaakwe Lesa, uyo wakansuna abuumbi akwaaba buumi bwakwe ceebo ca ndime.

Bene Efeso 1:4

Lesa kaatana kulenga cishi, wakalinga kutusalite kale kwiinda muli Klistu kwaamba ayi tukabe bantu basalalite, batacite kampenda pameenso akwe. Ceebo ca lusuno lwakwe,

Bene Efeso 3:17

Ntoosenga alimwi ayi kwiinda mulushomo ndomucite, Klistu ekale mumyoyo yanu, mucinke manungo mulusuno

Bene Efeso 3:19

Amwishibe mulusuno lwakwe Klistu, lwiinda pamaano oonse a bantu kwaamba ayi Lesa ekale muli ndimwe cancinencine.

Bene Efeso 4:15

Sombi swebo tulyeelete kwaamba shalushinisho muli Lesa mulusuno, kwaamba ayi tube bweenka mbuli Klistu mushintu shoonse, lakwe uli ngomutwi wa coonde.

Bene Efeso 4:2

Amuliceeshe, mulibombye alimwi amukomenye myoyo lyoonse. Kamulekelelana kwiinda mulusuno.

Bene Efeso 5:15

Anu mulyeelete kucenjela mubwikaalo bwanu. Mutekaali anga mbantu batacite lushibo, sombi anga mbantu basongo.

Bene Efeso 5:25

Amwebo nobasankwa amusune bamakaanu bweenka mbuli Klistu mbwaakasuna coonde akwaaba buumi bwakwe ceebo ca ncico

Dutolonomi 27:6

Cipaililo ici mukayakishe mabwe atabesetwe, lyalo mukanoobengelaawo amilambu yakutenta kuMwaami Lesa, Lesa wanu.

Bene Filipi 4:18

Ndakatambula shoonse nshimwakantumina, kwalo kwiine shafula. Ndicite shoonse shiyandika mukwiinga ndatambula kuswa kuli Epafuloditasi shoonse nshimwakantumina. Ishi shilibo anga ncipo cinunkila kabotu capekwa kuli Lesa, mulambu uyo utambulwa kuli nguwe alimwi ukondelesha.

Bene Kolose 3:14

Pashintu shoonse ishi mulyeelete kuba alusuno, lwalo ndolucatanya shintu shoonse ishi, kwaamba ayi shilulame.

1 Bene Tesalonika 4:9

Taapu ceebo nceenga twalembelawo shalusuno lwanu kubashominyinaanu. Lesa wamwiisha kale mbomweelete kusunana.

1 Timoti 2:6

uyo wakalibenga ayi alubule bantu boonse. Cilya cakaba ncitondesho paciindi ceelete ayi ncakwiila Lesa ulisuni kupulusha boonse.

1 Timoti 4:12

Kutabi muntu ukuubya ceebo cakuba mwanike. Sombi ube citondesho kubashomi boonse mumyaambo, mubuumi, mulusuno, mulushomo amukubula kampenda.

Taitasi 2:14

Lakwe uyo wakalibenga kutufuna kububi boonse akutusalasha kwaamba ayi tube bantu bakwe beene abo balibambite kucita shibotu.

Bene Ebulu 8:3

Mupailishi munene woonse ulapekwa mulimo wakupa shipo alimwi amilambu kuli Lesa, aboobo Mupailishi wesu Munene alakwe ulyeelete kuba ashintu shakupa kuli Lesa.

Bene Ebulu 9:14

Ncakwiila bulowa bwakwe Klistu bwalo buleendaawo nkusu. Bulakonsha kutucitila shiindaawo. Kwiinda muMushimu utamaani, wakalibenga kuli Lesa anga ngumulambu utacite kampenda. Bulowa bwakwe bulasalasha myoyo yesu kumicito itacite ncito, kwaamba ayi tusebensele Lesa muumi.

Bene Ebulu 9:23

Nkokwaamba ayi shintu isho shakalinga kwiimikanina shancinencine sha kwiculu, mboshakalinga kusalashikwa ubo. Sombi shintu sha kwiculu shiine kwaamba ayi shisalashikwe, kulayandika milambu yiinda payeeyo yakalinga kwiimikaninwa.

Bene Ebulu 9:26

mukwiinga ubo naakalinga kupenshekwa lyoonse, kuswa kumalengelo a cishi. Sombi wakabonekabo linkanda lyomwi kwiimikanina boonse mulishalane lino lya mamanino, kwaamba ayi akushe shibiibi kwiinda mukulibenga kwakwe.

1 Pita 4:8

Cinene ncakwaamba ayi musunane cankusu ceebo na mwasunana, inga kamulibambite kulekelelana shibiibi.

1 Joni 3:16

Klistu wakaaba buumi ceebo ca ndiswe, munshila iyi tuleshiba lusuno mbolubete. Aboobo aswebo tulyeelete kwaaba buumi bwesu ceebo ca babyeesu.

1 Joni 3:23

Lesa wakatupa mulawo wakwaamba ayi tushome muMwanaakwe Jesu Klistu alimwi akusunana kweelana aKlistu mbwaakatulwiita.

Ciyubululo 1:5

Alakwe Jesu Klistu amupe luse aluumuno. Lakwe ngokamboni ushomeka, ngowakataanguna kubushikwa kuswa kubafu alimwi ngomweendeleshi wa bamaami boonse ba mucishi ca panshi. Jesu Klistu ulitusuni alimwi kwiinda mulufu ndwaakalibenga, wakatwaangulula kuswa kushibiibi shesu shoonse.

Ciyubululo 5:9

Bakalinga kwiimba lwiimbo lupya ayi, “Webo ndiwe weelete kubwesa libuku akulamatula bakalamatila ba keshibilo. Mukwiinga wakalinga wacaikwa alimwi kwiinda mulufu lwako ndowakalibenga, wakoolila Lesa bantu mumikowa yoonse, milaka yoonse, shishi shoonse alimwi amishobo yoonse.