Bene Efeso 5:15 - Baibo Busansulushi Bwa Libuku Ili

¹⁵ Anu mulyeelete kucenjela mubwikaalo bwanu. Mutekaali anga mbantu batacite lushibo, sombi anga mbantu basongo.

Bene Efeso 5:15 Marejeleo ya Msalaba

2 Samwelo 24:10

Pesule bantu ndibakamana kubelengwa, Defedi wakapenshekwa mumoyo abuumbi. Lyalo wakapaila kuMwaami Lesa ayi, “Ndabiisha abuumbi kucita cintu ici. Ono noBaami baLesa ndaseenga kwaamba ayi mulekelele cibiibi cangu nebo nemusebenshi wanu, mukwiinga ndaciita cintu cabuluya.”

Jobo 2:10

Sombi Jobo wakamukumbula ayi, “Utokwaambabo anga ngumuluya. Sa ulisuni ayi katutambulabo shibotu sheenka kuswa kuMwaami Lesa kuleka mapensho?” Mumapensho aya oonse, Jobo taakwe kubishaawo kwiinda mumaswi ngaakaamba.

Kulumbaisha 73:22

ndakalinga muluya utanyumfwi, ndakababo anga ngumunyama kuli ndimwe.

Kulonga 23:13

“Kamukonkela shintu shoonse nebo neMwaami Lesa nshendamulwiita. Mutapaili balesa bamwi, tamweelete kubanda nabibo meena abo.

Tushimpi 14:8

Busongo bwa muntu ucenjete nkutaanguna kuyeeya pamicito yakwe, sombi buluya bwa baluya bulabalubya beene.

Tushimpi 15:21

Buluya bulasangalasha uyo utacite maano, sombi muntu ucite maano akunyumfwisha shintu uleenda munshila iluleme.

Mateyo 10:16

“Amubone, ntoomutuma anga nimbelele pakati kabaumpe, aboobo amucenjelele anga ninsoka akulibombya anga nimpolobe.

Mateyo 25:2

Pabamyooye aba, bosanwe bakalinga baluya, sombi bamwi bosanwe bakalinga kucenjete.

Mateyo 27:24

Ono Pilato ndyaakabona ayi taaku nceshi cicitike, alimwi ayi inga paakuba shimfulunganya, wakabwesa maanshi akusamba kumaansa pameenso a bantu boonse akwaamba ayi, “Nebo nshicite mulandu palufu lwa muntu uyu! Ngumulandu wanu nobeene!”

Mateyo 27:4

akubaambila ayi, “Ndakabisha kwaaba muntu utacite mulandu.” Balo bakamukumbula ayi, “Ono tucite buyani swebo? Ngamakani ako omwiine ayo!”

Mateyo 8:4

Kuswawaawo Jesu wakamwaambila ayi, “Nyumfwa, utalwiiti muntu nabi womwi pacikani ici. Sombi ululamebo kuya kumupailishi, ukalitondeshe kuli nguwe ayi waba kabotu. Koya upe cipo kweelana ambwakaamba Mose kwaamba ayi bantu bashome ayi waba kabotu.”

Luka 24:25

Lyalo Jesu wakabaambila ayi, “Mwebo nobantu baluya nomucelwa kushoma shintu shoonse shakaamba balaluki bakulukulu!

1 Bene Kolinto 14:20

Nobamakwesu mutabi anga mbaana mumiyeeyo, sombi mube anga mbaana mukubula shibiibi, munooli bamanene mumiyeeyo.

Bene Galatiya 3:1

Mwebo nobene Galatiya baluya! Anu ngani wakamulowa? Nditwakamushimikila shapali Jesu Klistu, twakamusansulwita patuba ayi wakapopwa pamucilingano.

Bene Galatiya 3:3

Ino inga mwaba buyani baluya boobo? Mwebo mwakataanguna kushoma munkusu sha Mushimu Usalashi, ono sa mutooyanda kumanisha mulimo uyu kwiinda munkusu shanu nobeene?

Bene Efeso 5:2

Shoonse nshemucita, shilyeelete kutondesha lusuno bweenka mbuli Klistu mbwaakatusuna. Wakaaba buumi bwakwe ceebo ca ndiswe akuba anga ncipo ca bweema bubotu alimwi anga ncipo ca munyama wakutenta cikondelesha pameenso akwe Lesa.

Bene Efeso 5:33

Nakubi boobo alaamba apali ndimwe. Musankwa uli woonse ulyeelete kusuna mukaakwe bweenka mbwaalisuni mwiine. Alakwe mwanakashi ulyeelete kulemeka ibaye.

Bene Filipi 1:27

Ono cinene ncakwaamba ayi bwikaalo bwanu bulyeelete kweendelana aMakani Abotu ayo aamba shakwe Klistu. Nabi ndesa mukumubona nabi ndabuula kwisa, ndyeelete kunyumfwa ayi mulimfwibo cakutatenkaana camuyeeyo womwi alimwi ayi mulacafwana kwiimikanina lushomo ndomucite muMakani Abotu.

Bene Kolose 1:9

Nceceeco ncetutacilekeli kumupaililaako kuswabo pabushiku nditwakanyumfwa makani aya apali ndimwe. Tulasenga Lesa amupe busongo alushibo isho shiswa kuMushimu Usalashi kwaamba ayi mwishibe kuyanda kwakwe.

Bene Kolose 4:5

Bwikaalo bwanu pabantu batashomi muli Klistu abube bwa busongo alimwi mulyeelete kusebensesha kabotu ciindi cakushimikila Makani Abotu kuli mbabo.

1 Bene Tesalonika 5:15

Mutasuminishi bantu kuboosha cibiibi kucibiibi, sombi mushiindi shoonse amweeleshe cankusu kucafwa babyaanu abantu bamwi boonse.

1 Timoti 6:9

Sombi abo basunishi kubila balawita mumasunko akucatwa mutoose twa shiyanda mubili shiinji shabuluya alimwi shinyonyoola. Shintu isho shilabanjisha mukunyonyooka kwa buumi bwabo akuloba.

Bene Ebulu 12:25

Paceebo ceeco, amucenjele kwaamba ayi mutakaki kunyumfwila wooyo utokwaamba amwebo. Boonse abo bakakaka kunyumfwila wooyo wakabacenjeshaako pacishi ca panshi pano kwiinda mumakani akwe Lesa, tabakwe kupuluka. Ono na twakaaka kunyumfwila wooyo utokwaamba kuswa kwiculu, ncakwiila aswebo teshi tukapulukeewo.

Jemusi 3:13

Ino ngani musongo ucite lushibo pakati kanu? Aatondeshe kwaamba ayi uli boobo mubwikaalo bwakwe bubotu amumicito iyo iswa mukuliceesha.

1 Pita 1:22

Ono bulya mbomwasalasha myoyo yanu mukunyumfwila shalushinisho ambuli mbomusunene abashominyinaanu, mulyeelete kusunana amyoyo yoonse.

Ciyubululo 19:10

Mpeeke ndakafukama muliimfwa lya munjelo uyo ayi mulambile, sombi wakandwiita ayi, “Utaciti bobulya! Nebo ndi musebenshinyoko, ndibo bweenka mbuli bashominyoko bamwi boonse abo bashoma lushinisho Jesu ndwaakayubulula. Ulyeelete kulambilabo Lesa!” Mukwiinga bukamboni bwakwe Jesu ngumuuya wa bulaluki.