Bene Efeso 5:14 - Baibo Busansulushi Bwa Libuku Ili

¹⁴ Mukwiinga mumuni ulalengesha ayi shintu shoonse shiboneke. Nceceeco ncebaambila ayi, “Buka webo noolete, buka kuswa kubafu lyalo Klistu ulaakulengesha ayi ube mumumuni.”

Bene Efeso 5:14 Marejeleo ya Msalaba

Isaya 26:19

“Bantu banu bakafwa balaakubuka alimwi. Mibili yabo ilaakuba abuumi. Mwebo noonse nomuli mushuumbwe amubuke. Amubuke akwiimba cakusangalala. Bweenka mume mbootontosha inshi akubusha shishango, mbweeke ubo Mwaami Lesa mbweshi akabushe bakafwa kale kale.”

Isaya 51:17

Amubuke, Amubuke! Ee, amunyamuke mwebo nobene Jelusalemu! Mwebo mwakanwa munkomeshi ya bukali bwa Mwaami Lesa cakutabushiyaamo. Mwakanwa munkomeshi yabukali bwakwe iyo ilengesha bantu kutalantanta.

Isaya 52:1

Amubuke, Amubuke! Amubuke nobamundabala inene ya Siyoni! Amube ankusu mbuli kataanshi. Amufwale shakufwala shanu sha bulemu, nobamundabala ya Jelusalemu, ndabala inene isalalite. Balya bakunsengwe batapalwitwe teshi bakenjilewo tubili mundabala yanu.

Isaya 60:1

Buka webo Jelusalemu ubale anga ndisuba. Ceebo bulemu bwa Mwaami Lesa buli pali ndiwe!

Luka 1:78

Lesa wesu uliswite nkumbu ulaakutupa mumuni uli mbuli wa kumuyamaca.

Luka 15:24

Mukwiinga mwanaangu uyu wakalinga kufwite, ono waba muumi alimwi wakalinga kusowekete, ono wacanika.’ Lyalo bakatalika kusekelela.

Joni 8:12

Jesu wakaambila baFalisi alimwi ayi, “Ndi mumuni umunikila bantu boonse. Uyo woonse unkonkela teshi akeende mumunshinshe napaceyi, sombi ulaakuba amumuni upa buumi.”

Joni 9:5

Bulya ndyeencili mucishi ca panshi ndi mumuni wa bantu boonse.”

Milimo ya Batumwi 13:47

Mukwiinga Mwaami Lesa wakatupa mulasho wakwaamba ayi, ‘Ndakubika kwaamba ayi ube mumuni kubaswamashi bakunsengwe, kwaamba ayi bantu boonse ba mucishi bapulushikwe kwiinda muli ndiwe.’ ”

Bene Loma 6:13

Mutasuminishi cipansha ca mubili wanu nabi comwi kububi ayi cibe citabatisho ca shibiibi, sombi amulyaabe kuli Lesa mbuli bantu bakalinga kufwite, sombi Lesa wabapa buumi. Mulyeelete kulyaaba kuli Lesa kwaamba ayi amusebenseshe mukucita shiluleme.

1 Bene Kolinto 15:34

Amutalike kusebensesha maano mbuli mbwaaelete alimwi mucileeke kubisha. Ceebo nkobali bateshi Lesa, ici ndacaamba kwaamba ayi mufwe nsoni.

2 Bene Kolinto 4:6

Ceebo Lesa wakaamba ayi, “Akube mumuni umunika kuswa mumunshinshe.” Lesa eenkabo uyo ngoolengesha mumuni kumunika mumyoyo yesu, kwaamba ayi twishibe bulemu bwakwe bumunika pameenso akwe Klistu.

Bene Efeso 2:1

Kale kale mwebo mwakalinga kufwite mumushimu ceebo cakutanyumfwila Lesa kwanu alimwi ashibiibi shanu.

Bene Efeso 2:5

Nakubi kwaamba ayi twakalinga kufwite mumushimu ceebo ca shibiibi shesu, wakatupa buumi pantu pomwi aKlistu. Mwakapulushikwa kwiinda muluse lwakwe Lesa.

Bene Kolose 3:1

Ceebo mwakabushikwa pantu pomwi aKlistu, amubike myoyo yanu pashintu sha kwiculu, uko Klistu nkwaashiite kulubasu lwalulyo lwakwe Lesa.

1 Bene Tesalonika 5:6

Ono aboobo tutabi bantu baliiba mbuli bucita bantu bamwi, sombi tulyeelete kucenjela akulitibuka.

2 Timoti 1:10

Sombi bulya Lesa wakatuyubulwita shintu ishi kwiinda mukwisa kwa Mupulushi wesu Klistu Jesu. Lakwe ngowakamanisha nkusu sha lufu akutondesha buumi butamaani kwiinda muMakani Abotu.

2 Timoti 2:26

Mpeeke maano abo alaakuboolaamo akusupuka mukoose ka Mubiibi uyo wakabacatisha akubalengesha kunoocita kweelana akuyanda kwakwe.