Bene Efeso 5:11 - Baibo Busansulushi Bwa Libuku Ili

¹¹ Mutabiko lubasu kushintu shitacite ncito sha mumunshinshe isho shicita bantu bamwi. Sombi mwebo mulyeelete kushileta kumumuni.

Bene Efeso 5:11 Marejeleo ya Msalaba

Matalikilo 20:16

Mpeeke wakaambila Saala ayi, “Ntoopa nandumi yako maali a silifa ali cuulu kwaamba ayi boonse mboli abo beshibe ayi tookwe kucitaawo cibiibi. Alimwi muntu uli woonse ulaakwishiba ayi mbweeke ubo.”

Kulumbaisha 141:5

Muntu ululeme na wanguma, ninkumbu. Na wankalalila cilaba anga ngamafuta atilwa pamutwi wangu. Mutwi wangu teshi ukaakakeewo. Sombi mumipailo yangu ndapikisha micito ya bamucita shibi.

Tushimpi 1:10

Omwanaangu, na bamucita shibi bakuyungoola, webo utabakonkeleshi napaceyi.

Tushimpi 1:31

Paceebo ceeco mulaakulya shisepo sha milimo yanu akukuta shisepo sha micito yanu.

Tushimpi 13:18

Muntu ukaka kululikwa ulaba mukandu alimwi ulasebaana, sombi uyo lakwe usumina kululamikwa ulalemekwa.

Tushimpi 15:12

Shikucelebula taasuniiwo kululikwa, alimwi teepushiiwo kumusongo ayi amupandeko maano.

Tushimpi 19:25

Uma shikucelebula kwaamba ayi baluya bacenjeleewo. Kalalila muntu ucite maano akunyumfwisha shintu, ulaakuba alushibo.

Tushimpi 25:12

Kukalalila kwa musongo kumuntu usuni kunyumfwa, kuleenda masikiyo nabi cakulibotesha cimwi ca golodi wiine wiine.

Tushimpi 28:4

Abo batakonkeli milawo, bali kulubasu lwa bamucita shibi. Sombi abo beekonkela tababete kulubasu lwabo.

Tushimpi 29:1

Muntu utolelela kuba shincimpamya pesule lyakululikwa mankanda aanji aanji, ulaakunyonyoolwa cakuteengashila alimwi cakutashilikikwaawo.

Isaya 29:21

Nkokwaamba ayi boonse bafuya babyaabo, bafuninina baabo beelete kupekwa milandu munkuta, balaakuloba. Ee, balaakunyonyoolwa boonse bapa bukamboni bwakubeca akulengesha baabo batacite milandu kutoomboloshekwa cabululami.

Jelemiya 15:17

Nebo nshindakalinga kulitiba mulikoto lya beshikusekelela nabi kunoolisangalasha pantu pomwi ambabo. Nebo ndakalinga kwikalabo neenka ceebo lyaansa lyanu lyakalinga pali ndime. Ncakwiila lyaansa lyanu lyakansusha bukali.

Bene Lefi 19:17

“Tamweelete kubikila mfundilishi muntu nabi womwi, sombi mubandike pacilubo cili pakati kanu kwaamba ayi mutakabishi ceebo ca nguwe.

Mateyo 18:15

“Na mukwanu wakubishisha, koya ukamulwiite cilubo cakwe. Na wakunyumfwila nkokwaamba ayi wamuboosha kumubili.

Luka 3:19

Wakalinga kubaambila ayi baswe kushibiibi shabo. Munshiku isho sheenka, Joni wakakalalila Elodi pacilubo cakweeba Elodyasi muka mukwabo alimwi ashimwibo shilubo nshaakalinga kucita.

Milimo ya Batumwi 26:18

Ukabacalule meenso kwaamba ayi babone, ukabakushe mumunshinshe kwaamba ayi benjile mumumuni alimwi akubakusha munkusu shakwe Satana ukabenjishe munkusu shakwe Lesa. Kwiinda mulushomo lwabo muli ndime, Lesa ulaakubalekelela shibiibi shabo akuba amusena pakati ka bantu bakwe Lesa basalitwe.’

Bene Loma 13:12

Ciindi ca mashiku camana butooyanda kuca. Ono atucileeke kucita shamumunshinshe, sombi tubwese shakulwanisha sha mumumuni.

Bene Loma 16:17

Ndamusenga nobamakwesu ayi mucenjele abantu abo bapansaanya babyaabo akulengesha ayi babishe. Balo baleeisha shipusene asheesho nshemwakeeya. Amubatalamuke!

Bene Loma 6:21

Ino ono nimpindunshi njemwakacana mukucita shintu isho shitoomulensha nsoni bulya? Taakuuwo. Mukwiinga mamanino a shintu sha mushobo wooyo ndufu.

Bene Galatiya 6:8

Na muntu washanga sha buumi bwa buntu, ulaakutebula lufu lutamaani. Ono na washanga shisuni Mushimu Usalashi, ulaakutebula buumi butamaani.

Bene Efeso 4:22

Paceebo ceeco, amushiye bwikaalo bwanu bukulukulu, ubo bwakalinga kumunyonyoola ceebo bwakalinga kumucenjeeka ayi mucite shintu shitaluleme.

Bene Efeso 5:12

Cilalensha nsoni akwaamba shintu shicita bantu batanyumfwili Lesa mubushishi.

Bene Efeso 5:7

Paceebo ceeco mutanokweenda abantu ba mushobo wooyu.

Bene Kolose 1:12

mulyeelete kunoolumba Lesa Ishiwesu uyo wakamulengesha ayi mube bantu beelete kutambula shipo isho nshaasungila bantu bakwe, muBweene bwakwe busalalite.

1 Bene Tesalonika 5:7

Mukwiinga abo boona, baloona mashiku alimwi abo bakolwa, balakolwa mashiku.

2 Bene Tesalonika 3:14

Na umwi akake kucita mbotwaamba munkalata njetwatuma iyi, mumulabilile akumusoonoka kwaamba ayi akanyumfwe nsoni.

2 Bene Tesalonika 3:6

Ono nobamakwesu, tutoomwaambila muliina lya Mwaami Jesu Klistu ayi abo boonse batolo mulikoto lyanu alimwi batasuni kukonkela nshetwakamwiisha, mubasoonoke.

1 Timoti 5:20

Abo bacita shibiibi balyeelete kukalalilwa pameenso a bantu boonse kwaamba ayi bamwi bacenjeleleewo.

1 Timoti 5:22

Utanoofwambaana kubika maansa pamutwi wa muntu kumubenga kumulimo wakwe Lesa ceebo inga wacanika ayi utoosuminisha shibiibi sha bamwi bantu. Kolilama cakubula kampenda.

1 Timoti 6:5

alimwi akwaambana kuteeli kuswa kubantu abo bacite miyeeyo ibiibi batakoonshi kwishiba shalushinisho. Balo balayeeya ayi kupaila Lesa ninshila yakubililaamo.

2 Timoti 3:5

bantu bacite mbonekelo ya bushomi, sombi nkusu sha mbubo balashikaka. Bantu ba mushobo wooyo ubasoonoke.

2 Timoti 4:2

unooshimikila maswi akwe Lesa, muciindi bantu ndibasuni kukutika nabi tau. Kobalulika, kubakalalila alimwi akubayumya mukubeeisha camoyonteeka.

Taitasi 2:15

Koiisha shintu ishi alimwi akusebensesha nkusu nshoocite mukuyuminisha akululika baabo bakukutika. Kutabi muntu ukunyanshilisha.

Ciyubululo 18:4

Mpomunyaawo ndakanyumfwa liswi limwi kuswa kwiculu lyakwaamba ayi, “Amusweemo nobantu bangu! Amuswe muli nguwe! Tamweelete kubisha pantu pomwi anguwe, alimwi tamweelete koomboloshekwa akupekwa mulandu mbuli nguwe!