Bene Efeso 4:5 - Baibo Busansulushi Bwa Libuku Ili

⁵ Kuli Mwaami womwi, lushomo lomwi akubombekwa komwi.

Bene Efeso 4:5 Marejeleo ya Msalaba

Sekaliya 14:9

Lyalo Mwaami Lesa ulaakuba mwaami wa cishi coonse ca panshi. Pabushiku ubo kulaakuba Mwaami Lesa womwibo ndondoli. Nkokwaamba ayi bantu boonse balaakulambilabo liina lyakwe lyeenka.

Mateyo 28:19

Paceebo ceeco, kamuya mukanokwiisha bantu bamishobo yoonse, mukababombeke muliina lya baTa, alya Mwaana alimwi alya Mushimu Usalashi.

Milimo ya Batumwi 10:36

Mwebo mulishi makani ayo Lesa ngaakatuma kubene Isilaeli, akushimikila Makani Abotu aluumuno muli Jesu Klistu, Mwaami wa bantu boonse.

Milimo ya Batumwi 2:36

“Aboobo mwebo nobene Isilaeli noonse, amwishibishe calushinisho ayi Jesu uyo ngomwakapopa pamucilingano, ngowooyo Lesa ngwaakabika ayi abe ngoMwaami alimwi ngoUsalitwe wakwe!”

Bene Loma 3:30

Kuli Lesa womwibo ndondoli alimwi ngoolulamika baJuda mulushomo alimwi abaswamashi bakunsengwe mbomunya.

1 Bene Kolinto 1:13

Sa Klistu wabaanikaamo? Sa nguPaulo wakapopwa pamucilingano ceebo ca ndimwe? Nabi sa mwakabombekwa muliina lyakwe Paulo?

1 Bene Kolinto 1:2

Tutoolembela ndimwe nocoonde cakwe Lesa ca muKolinto. Lesa wakamusala kwiinda muli Klistu Jesu alimwi akumwiita ayi mube bantu bakwe pantu pomwi abantu boonse bali kumisena ipusenepusene, abo balemeka Mwaami Jesu Klistu, Mwaami wabo aswebo soonse.

1 Bene Kolinto 12:13

Mbweeke ubo, swebo soonse, baJuda nabi baswamashi bakunsengwe, basha nabi baangulukite, twakabombekwa muMushimu womwi kwaamba ayi tube mubili womwi alimwi soonse twakatambula Mushimu womwi mumyoyo.

1 Bene Kolinto 12:5

Kuli nshila shakusebenselaamo Lesa shiinji, sombi nguLesa womwi ngotusebensela.

1 Bene Kolinto 8:6

Sombi swebo tulicitebo Lesa womwi, Ishiwesu wakalenga shintu shoonse alimwi ngowooyo ngotushiitile. Ncakwiila tulicitebo Mwaami womwi, Jesu Klistu. Lesa wakalenga shintu shoonse kwiinda muli nguwe alimwi tuli boomi ceebo ca Mwaami uyu.

2 Bene Kolinto 11:4

Ceebo na kwesa muntu utooshimikila Jesu umwi uteshi wooyo ngotwakamushimikila, na mwatambula mushimu umwi uteshi wooyo ngomwakatambula, nabi kutambula makani amwi ateshi ayo ngomwakatambula, mulafwambaana kukonkela cakutayeeya.

Bene Galatiya 5:6

Mukwiinga swebo sotuli muli Klistu Jesu, kupalulwa nabi kutapalulwa taaku mbokubete, sombi cinene nkuba alushomo kwiinda mulusuno.

Bene Efeso 4:13

Nkokwaamba ayi soonse tulaakubabo anga ngumuntu womwi mukushoma kwesu alimwi akwishiba Mwanaakwe Lesa. Tulaakuba bantu bashoma cancinencine akuba bwakalinga Klistu.

Bene Filipi 2:11

Alimwi boonse balaakusumina patuba ayi Jesu Klistu nguMwaami, mukupa bulemu kuli Lesa Ishiwesu.

Bene Filipi 3:8

Ncakwiila shintu shoonse ishi nshakusowabo tasheelani ampindu yakwishiba Klistu Jesu, Mwaami wangu. Ceebo ca nguwe shoonse ndashisowa. Ndayeeya ayi taaku mboshibete mukwaamba ayi ntambule Klistu

Taitasi 1:1

Ndime Paulo musebenshi wakwe Lesa alimwi mutumwi wakwe Jesu Klistu. Ndakasalwa kwaamba ayi njumye lushomo lwa baabo Lesa mbwaakasala akubatanjilila mukwishiba shalushinisho isho shiletela buumi bwa buLesa.

Taitasi 1:4

Ntoolembela ndiwe Taitasi omwanaangu wancinencine mulushomo ndotucite. Luse aluumuno shibe awebo kuswa kuli Lesa Ishiwesu aKlistu Jesu Mupulushi wesu.

Bene Ebulu 13:7

Amwiibaluke bamatanjilili banu, abo bakamushimikila maswi akwe Lesa. Amuyeeye buumi bwabo mbobwakalinga alufu lwabo alimwi mube alushomo mbuli ndobakalinga kucite.

Bene Ebulu 6:6

Lyalo balo bakacileka kushoma! Inga tatubasanduliiwo kuswa kushibiibi shabo alimwi mukwiinga mukucileka kushoma, cilibo anga batoopopa Mwanaakwe Lesa pamucilingano alimwi akumulensha nsoni pameenso a bantu.

Jemusi 2:18

Ono umwi muntu inga waamba ayi, “Webo ulicite lushomo, nebo ndicite micito ibotu.” Nebo palwaangu inga ndamwaambila ayi, “Ntondeshe mbweenga muntu waba alushomobo lutacite micito, nebo ntookutondesha lushomo kwiinda mumicito yangu.”

1 Pita 3:21

Maanshi ayo aleemikanina kubombekwa uko kumupulusha bulya kwiinda mukubushikwa kwakwe Jesu Klistu kuswa kubafu. Kubombekwa uku teshi kusamba pamubili ayi tukushe matombe, sombi nkushomesha Lesa amiyeeyo iluleme.

2 Pita 1:1

Ndime Simoni Pita, musebenshi alimwi mutumwi wakwe Jesu Klistu, nentoolembela baabo boonse bakatambula lushomo mbuli ndotucite kwiinda mubululami bwakwe Lesa abwa Mupulushi wesu Jesu Klistu.

Judi 1:20

Sombi mwebo nomusunikwi, amuliyaake mulushomo lwanu lusalalite abuumbi. Munoopaila munkusu sha Mushimu Usalashi.

Judi 1:3

Nomusunikwi, ndakalinga kusuni abuumbi kumulembela nkalata kwaamba ayi musansulwite lupulusho ndotucite swebo sobashomi soonse. Sombi ndakabona kwaamba ayi inga cabota kumulembela nkalata yakumuyumya ayi mulame camaansa obilo lushomo ulo Lesa ndwaakapa bantu bakwe linkanda lyomwibo.