Bene Efeso 4:28 - Baibo Busansulushi Bwa Libuku Ili

²⁸ Muntu wakalinga mwiipi ateepi lyobilo, sombi atalike kusebensa amaansaakwe kwaamba ayi anoolicafwa akucafwako bapenshi.

Bene Efeso 4:28 Marejeleo ya Msalaba

1 Timoti 6:18

Ubaambile ayi banoocita shibotu, kwaamba ayi babile mumicito ibotu. Balyeelete kuba bantu bapa camaansa obilo alimwi balibambite kupa bamwi shintu.

Bene Galatiya 6:10

Paceebo ceeco, bulya mbotucite ciindi ceelete, atucite shibotu kubantu boonse, bunene bunene abo bali mulikoto lya bashomi.

Kulonga 20:15

“Uteepi.

Sekaliya 5:3

Lyalo wakandwiita ayi, “Mucakulembelaawo umo mulilembetwe lishingo litooya mucishi coonse. Kulubasu lumwi kulilembetwe maswi akwaamba ayi mwiipi uli woonse ulaakutandaanishikwa alimwi kulubasu lumwi kulilembetwe ayi uyo woonse weshi anooshomesha cakulumbila cabubeshi alakwe ulaakutandaanishikwa.

Joni 12:6

Taakwe kwaamba boobo ceebo cakunyumfwila nkumbu bakandu, sombi mukwiinga wakalinga mwiipi. Judasi ngowakalinga kusunga coola ca maali, aboobo wakalinga kwiipaamo kaasebensesha mwiine.

Luka 19:8

Sombi Sakeyo wakanyamuka akwaambila Mwaami Jesu ayi, “Amubone, Nkambo, ndaakupa musa wa buboni bwangu kubakandu. Peculu lya waawo na kuli ngondakanyengelela buboni, ndaakumubooshesha akwiilikaawo mankanda one.”

Osiya 4:2

Mulibo kushingana, bubeshi alimwi abucayi, kwiipa alimwi abulale. Shibiibi shafula, kucayana kwaba ndolwiimbo.

Jelemiya 7:9

Mwebo muleepa, mulacaya bantu, mulacita bulale, mulabeca nabi mwashomesha cakulumbila, mulatentela Baali tununkila kabotu akulambila balesa abo mbomwatakalinga kwishiiwo.

Kulonga 20:17

“Utakumbwi ŋanda ya shikamukobonyoko camunyono. Utakumbwi mukamwiine, musha wakwe musankwa nabi mwanakashi, ŋombe shakwe, mbongolo shakwe nabi shintu shakwe shimwi.”

2 Bene Kolinto 8:12

Ceebo na mulayandishisha kupa shipo, Lesa ulaakutambula shipo shanu mukubona kwaamba ayi mwapa kweelana ambomukonsha, kuteshi sheesho nshemutacite.

2 Bene Kolinto 8:2

Bantu ba mushoonde isho bakasunkwa abuumbi kumapensho ayo ngobakeendaamo, sombi ceebo bakalinga kusangalete lyoonse, bakalinga kupa shipo amyoyo yabo yoonse, nakubi kwaamba ayi bakalinga bakandu.

Bene Loma 12:13

Kamupawo bene Klistunyinaanu shintu shiyandika kuli mbabo, alimwi akutambula beensu camaansa obilo mumaandaanu.

Joni 13:29

Ono ceebo cakwaamba ayi Judasi ngowakalinga kulama nkomwe ya maali, bashikwiiya bamwi bakayeeya ayi mpashi Jesu wamutuma mukuula shakulya shiyandika pabushiku bwa Pasika, nabi mukupa bakandu.

Luka 3:8

Amucite ncito shibotu shitondesha ayi mwasanduka kuswa kushibiibi shanu. Mutanoolibeca mumyoyo yanu ayi, ‘Swebo tulicite Abulaamu ishiwesu.’ Ntoomulwiita calushinisho ayi Lesa ulakonsha kusandula mabwe kuba baana ba mulunyungu lwakwe Abulaamu.

Tushimpi 30:9

Ceebo na ndaba ashiinji inga ndamuluba akwaamba ayi, ‘Anu Mwaami Lesa ngani?’ Sombi na ndaba mukandu inga ndeepa akusebaanya liina lyanu nobaLesa bangu.

Tushimpi 28:13

Uyo ushisa shibiibi shakwe tabiiwo acoolwe, sombi uyo ulyaambilila shibiibi shakwe akushileka, ulaakulekelelwa.

Tushimpi 14:23

Kusebensa cankusu nkokuleta mpindu, sombi kwaambabo akutandabala kulapa bukandu.

Tushimpi 13:11

Maali acanwa mukutashomeka alamana bwangu, bubile bwakututukila buleenda, sombi ucana maali paniini paniini, alafula.

Jobo 34:32

Sa wakasengawo kale Lesa ayi akutondeshe shilubo shako akusumina ayi teshi ukabishewo tubili?

Kulonga 21:16

“Uyo woonse weenga wacata umwi akumuulisha nabi kucatwa kaacimucite, alakwe ulyeelete kucaikwa.

Tushimpi 21:26

Lakwe ngushi lunkumbwa lwakuba ashimwi ciindi coonse, sombi balo baluleme mbeshi kwaababo ca moyo woonse lyoonse.

Tushimpi 31:20

Ulafungulula lyaansa kubakandu, ncakwiila bapengete ulabacafwa.

1 Bene Kolinto 4:12

Tulasebensa cankusu kwaamba ayi tucane shiyandika. Na bantu batushingana tulasenga Lesa kwaamba ayi abape coolwe. Na batupensha, nkuumunabo.

Taitasi 3:8

Makani aya ngalushinisho. Ndisuni ayi shintu ishi ushiishe cankusu kwaamba ayi bashoma muli Lesa balibeenge mumicito ibotu, iyo ibotela akucafwa bantu boonse.

Taitasi 3:14

Bantu besu balyeelete kwiiya kusebensesha ciindi mukucita shintu shibotu, kwaamba ayi bacafwilishe mushintu shiyandika cancinencine, kuteshi kwikala buumi butacite mpindu.