Bene Efeso 4:26 - Baibo Busansulushi Bwa Libuku Ili

²⁶ Ono na mwakalala, kukalala kwanu kutamulengeshi kubisha alimwi tamweelete kukalala cakwipisha lisuba.

Bene Efeso 4:26 Marejeleo ya Msalaba

Kulumbaisha 37:8

Talamuka kukwaanga mikonya, ee, leka kukalala, utapengi amoyo ceebo ico cilaletela mapensho.

Kulumbaisha 4:4

Kamuloonda Lesa cakubula kubisha. Kamuyeeyesha makani aya ciindi ndimukutumana pabulo.

Kulonga 11:8

Mose wakalwiita mwaami Falawo maswi akweelaako ayi, “Bacinenenene bako boonse balaakwisa kuli ndime akumfukamina alimwi akunkombelela ayi nkushe bantu bangu mucishi ca Ijipiti. Kuswawaawo anebo ndaakuya.” Ndyaakamana kwaamba boobo Mose wakaswa kumwaami Falawo kaashimbite kubukali.

Tushimpi 14:29

Muntu ushiite caamba ulatondesha ayi ulicite maano akunyumfwisha shintu, sombi muntu ucite kamoyo kaniini ulalitondeshabo buluya.

Tushimpi 19:11

Muntu ucata caamba ngumusongo, kusuula shilubo nshaacitilwa kulamuletela bulemu.

Tushimpi 25:23

Bweenka muuwo wakumatwa mbooleta mfula, mbweeke ubo kufuya mbokulengesha muntu kukalala.

Shikushimikila 7:9

Utafwambaani kukalala mumoyo wako ceebo bukali bulacanwa kubaluya.

Shakubelenga 20:24

“Aloni teshi akenjile mucishi ico ncendakalasha kupa bene Isilaeli. Ulaakufwa mukwiinga mwebo nobilo tamukwe kunyumfwila mulawo wangu kuMeliba.

Mateyo 5:22

Sombi nebo ntoomulwiita ayi uyo woonse ucitile mfundilishi mubye, ulyeelete koomboloshekwa. Awooyo waambila mubye ayi, ‘Taaku mboobete!’ ulyeelete koomboloshekwa munkuta inene. Sombi uyo waamba ayi, ‘Webo omuluya!’ ulyeelete wawaalwa mumulilo utamaani.

Maako 10:14

Jesu ndyaakabona boobo, wakakalalila bashikwiiya bakwe akubaambila ayi, “Amuleke baana baniini bese kuli ndime. Mutanoobakasha ceebo Bweene bwakwe Lesa mbwa baabo bali mbuli baaba.

Maako 3:5

Jesu wakakalala ndyaakabalangilisha, sombi wakabafwita nkumbu ceebo cakuyuma kwa myoyo yabo akuluba. Mpeeke wakaambila musankwa uyo ayi, “Fungulula lyaansa lyako.” Wakalifungulula, mpomunyaawo lyakaba kabotu alimwi.

Dutolonomi 24:15

Lyoonse kamumufolesha maali ngaasebensela lisuba kalitana kwipila mukwiinga ngumukandu, aboobo mpopali moyo. Na mwabula kumufolesha, inga walilila Mwaami Lesa ceebo ca ndimwe, mpeeke mulaakuba amulandu.

Jemusi 1:19

Nobamakwesu basunikwi, kamwiibaluka ayi mulyeelete kuba bantu bafwambaana kukutika, bacelwa kwaamba alimwi akukalala.

Jemusi 1:20

Ceebo bukali bwa muntu tabukoonshi kuleta shiluleme isho nshaasuni Lesa, sobwe.

1 Samwelo 20:34

Jonasani wakanyamukaawo pacakulya kaaya cisuntabo kubukali. Pabushiku bwabili mumweenshi ubo Jonasani taakwe kulyaawo mukwiinga wakulisebaanya baishi nkobakacita pacikani cakwe Defedi.