Bene Efeso 4:22 - Baibo Busansulushi Bwa Libuku Ili

²² Paceebo ceeco, amushiye bwikaalo bwanu bukulukulu, ubo bwakalinga kumunyonyoola ceebo bwakalinga kumucenjeeka ayi mucite shintu shitaluleme.

Bene Efeso 4:22 Marejeleo ya Msalaba

Jobo 22:23

Sandukila kuli Shinkusu shoonse cakulibombya, akuleka kucita shintu shibiibi muŋanda yako.

Tushimpi 11:18

Bamucita shibi taaku mpindu njebapekwaawo, sombi bacita shiluleme balapekwa shilambu.

Jelemiya 17:9

“Moyo wa muntu ngubeshi abuumbi kwiinda pashintu shimwi shoonse alimwi ulicite bulwashi butashilikiki. Anu ngani weenga wakonsha kuushiba?

Jelemiya 49:16

“Nobene Edomu kulisumpula kwa myoyo yanu, kwamubeca. Boowa mbomulengesha bamwi, bwamucenjeeka mukwiinga mulekala mulilinga lya myaandami. Ee, mukwiinga mulekala peculu lya tulundu tulaamfu. Ono nabi mulekala peculu peene anga nciinswa ca mumbankwashi, nebo ndaakumuboosha panshi. Nebo neMwaami Lesa ndaamba.

Obadiya 1:3

Kulisumpula kwa myoyo yanu kwamubeca. Mukwiinga mulekala mulilinga lya myaandami, alimwi ŋanda yanu ili peculu, mulaamba mumyoyo yanu ayi, ‘Ngani weenga watuboosha panshi?’

Bene Loma 6:6

Tulishi kwaamba ayi buumi bwesu bukulukulu bwakaloba Jesu ndyaakapopwa pamucilingano kwaamba ayi Lesa anyonyoole buumi bwesu bwakusuna kubisha kwaamba ayi tutabi lyobilo basha ba bubi.

Bene Loma 7:11

Ceebo bubi bwakacana nshila muMilawo alimwi kwiinda muMilawo bwakambeca akuncaya.

2 Bene Kolinto 11:3

Sombi ndiloondete kwaamba ayi bweenka mbuli nsoka mboyakabeca Efa mubucenjeshi bwa njiyo, amwebo inga mwabecekwa, lyalo mwacileka kulyaaba kuli Klistu amyoyo yoonse.

Bene Galatiya 1:13

Mwakanyumfwa kale mbuli buumi bwangu mbobwakalinga ndindakalinga kukonkela kwiisha kwa baJuda. Ndakalinga kupensha bumbi coonde cakwe Lesa akweelesha kwaamba ayi ncinyonyoole.

Bene Efeso 2:3

Ncakwiila aswebo soonse mbotwakalinga mbomunya ubo alimwi twakalinga kwikala mubuumi bwakulisangalasha sobeene. Twakalinga kucita shintu shiyanda mibili amiyeeyo yesu. Mubuumi ubo, twakalinga kweelete kutondeshekwa bukali bwakwe Lesa kweelana abantu bamwi boonse.

Bene Efeso 4:17

Ono muliina lya Mwaami, ntoomulwiita amoyo woonse ayi tamweelete kunookala anga mbakunsengwe mukwiinga nshebayeeya taaku mboshibete

Bene Efeso 4:25

Anu amucileeke kubeca! Muntu woonse ulyeelete kwaamba shalushinisho kumwine Klistunyina ceebo soonse tuli shipansha sha mubili wakwe Klistu.

Bene Efeso 4:31

Aboobo mucileeke mfundilishi, kupatana alimwi akukalala. Tamweelete kukalooka nabi kutukana nabi kuba amiyeeyo ya lupato ya mishobo yoonse.

Bene Kolose 2:11

Muli nguwe mwebo mwakapalulwa, kuteshi kupalulwa kucitikwa abantu, sombi kupalulwa kucitwa aKlistu umo mucanika kwaangululwa munkusu sha buntu bubiibi.

Taitasi 3:3

Ceebo nabi swebo sobeene twakalinga baluya, batanyumfwili alimwi balubite. Twakalinga basha ba lunkumbwa lwa mubili alimwi ashakulisangalasha shipusenepusene. Twakalinga kwikala mubuumi bwa miyeeyo ya lupato amunyono. Bantu bakalinga kutupatite aswebo katubapatite.

Bene Ebulu 12:1

Ono mukwiinga aswebo tuli abakamboni baanji batushingulukite, atukushe shoonse shitukasha kucita nshetweelete alimwi ashibiibi shoonse isho nshetucita lyoonse. Lyalo tucice cankusu lubilo ulu ndotucite.

Bene Ebulu 3:13

Sombi cinene ncemweelete kucita nkuyumininshanya inshiku shoonse kwaamba ayi kutabi nabi womwi eshi abecekwe kwiinda mukubisha akuba shicimpamya, kulilabo liswi lya kwaamba ayi, “Sunu,” muMalembo akwe Lesa kalicitubikaako aswebo.

Jemusi 1:21

Aboobo amushiye shibiibi shoonse nshemushibite abubi ubo buli mumyoyo yanu. Amutambule cakulibombya maswi ayo Lesa ngaakashanga muli ndimwe, ayo akonsha kumupulusha.

Jemusi 1:26

Na kuli muntu uyeeya ayi ulapaila Lesa, ono kaalilwa kulicata mukwaamba, ingayi kupaila kwakwe taaku mbokubete alimwi utoolibecabo mwiine.

1 Pita 1:18

Lesa wakamulubula kuswa kubuumi butaaku mbobubete ubo bwakaswa kubamashali banu bakulukulu. Mukucita boobo taakwe kusebensesha cintu cimana ncito mbuli silifa nabi golodi, sobwe.

1 Pita 4:3

Mukwiinga mwakaswaamo kale muciindi cakucita shintu shisuni kucita bakunsengwe. Mwakalinga kwikala buumi bwakutalilemeka, lunkumbwa, bucakolwa, kusekelela kwa bufuule, kusekelela kwakukolwa alimwi akulambila kulensha nsoni kwa shibumbwabumbwa.

2 Pita 2:13

Balaakupenshekwa ceebo bakalengesha bamwi kupenshekwa. Cibabotela balo nkucita shintu shisangalasha mibili yabo lumwi lubala. Bali anga ngamatombe mukwiinga ndibalya amwebo, balasangalala mububeshi bwabo.

2 Pita 2:7

Lesa wakapulusha Loti, muntu ululeme uyo wakalinga kupenshekwa abuumbi ceebo ca buumi butaluleme, bwa bamucita shibi abo.

1 Samwelo 1:14

akumwaambila ayi, “Cileke kucita shabucakolwa! Cileke kukolwa ukale mumeenso tuba!”