Bene Efeso 4:17 - Baibo Busansulushi Bwa Libuku Ili

¹⁷ Ono muliina lya Mwaami, ntoomulwiita amoyo woonse ayi tamweelete kunookala anga mbakunsengwe mukwiinga nshebayeeya taaku mboshibete

Bene Efeso 4:17 Marejeleo ya Msalaba

Neyemiya 13:15

Munshiku isho ndakabona bantu bamwi mucishi ca Juda bakalinga kutyana minyansa pabushiku bwakookesha bwa Cibelu. Bamwi bakalinga kubika shili anga ngamaila, waini, minyansa, inkuyu ashimwi shintu pambongolo shabo akutola kuJelusalemu. Ndakabacenjesha ayi batanokuulisha cintu cili coonse pabushiku bwakookesha bwa Cibelu.

Jelemiya 42:19

Kuswawaawo nebo neJelemiya ndakabaambila ayi, “Mwebo nobantu bakacaala mucishi ca Juda, Mwaami Lesa wamwaambila ayi, ‘Mutayi kuIjipiti.’ Amwishibe lushinisho kwaamba ayi ndamucenjesha sunu

Bene Lefi 15:18

Na musankwa amwanakashi bakumana, boonse bobilo balyeelete kusamba. Nakubi boobo teshi bakanoosalalite kushikila macolesha.

Luka 16:28

mukwiinga ndicite bamakwesu bosanwe. Aye akabacenjeshe kwaamba ayi abalo batakesi kokuno kumusena wa mapensho.’

Milimo ya Batumwi 14:15

“Mutoocitilanshi bobulya? Swebo tuli bantubo bweenka mbuli ndimwe. Twakesa mukumushimikila Makani Abotu kwaamba ayi musanduke kuswa kushintu sha mushobo wooyu shitaaku mboshibete, akusandukila kuli Lesa muumi uyo wakalenga liculu, cishi ca panshi alweenge alimwi ashintu shoonse shili muli nshisho.

Milimo ya Batumwi 18:5

Ono Sailasi aTimoti ndibakashika kuswa kuMakedoniya, Paulo lakwe wakalibenga ayi unanooshimikilabo akulwiita baJuda ayi Jesu ngoUsalitwe wakwe Lesa.

Milimo ya Batumwi 2:40

Pita wakatolelela kubaambila maswi amwi aanji akubacenjeshaako kaamba ayi, “Amulipulushe kumapensho ayo eshi akacitikile bamucita shibi ba cecino ciindi!”

Milimo ya Batumwi 20:21

KubaJuda abaswamashi bakunsengwe boonse, ndakalinga kubakonkomesha ayi balyeelete kusanduka kuswa kushibiibi shabo akusandukila kuli Lesa kwiinda mukushoma muMwaami wesu Jesu.

Bene Loma 1:21

Bakalinga kwishi Lesa, sombi tabakwe kumulemeka mbwaaelete nabibo kumulumbaisha ceebo bakalinga kuyeeyabo shitacite ncito alimwi mitwi yabo iliswitebo munshinshe.

1 Bene Kolinto 1:12

Ncentokwaamba nceeci, uli woonse pakati kanu ulaamba shaakwe. Umwi ulaamba ayi, “Nebo ndi wakwe Paulo,” umwi ayi, “Nebo ndi wakwe Apolosi,” aumwi ayi, “Ndi wakwe Pita,” alakwe umwi ayi, “Ndi wakwe Klistu.”

1 Bene Kolinto 15:50

Nobamakwesu, ncentokwaamba cakwaamba ayi muntu ucite mubili wa buntu taakoonshi kwinjila muBweene bwakwe Lesa alimwi cifwa tacikoonshi kwikala kooko kutaaku lufu.

2 Bene Kolinto 9:6

Amwiibaluke kwaamba ayi uyo ushanga shiniini, ulatebula shiniini, sombi uyo ushanga shiinji, ulatebula shiinji.

Bene Galatiya 3:17

Nceentokwaamba nceeci. Lesa wakapangana aAbulaamu akumushomesha ayi teshi akacilubeeko cipangano ico. Aboobo, Milawo yakapekwa ndipakeenda myaaka ili myaanda yone amakumi otatwe taikoonshi kucaya cipangano ico alimwi aceeco ncaakashomesha Lesa.

Bene Galatiya 5:3

Ntoomulwiita alimwi ayi na muntu uli woonse wasumina kupalulwa, ulyeelete kukonkela Milawo yoonse.

Bene Efeso 1:22

Lesa wakabika shintu shoonse ayi shinokweendeleshekwa aKlistu akumupa Bwaami pashintu shoonse sha coonde.

Bene Efeso 4:22

Paceebo ceeco, amushiye bwikaalo bwanu bukulukulu, ubo bwakalinga kumunyonyoola ceebo bwakalinga kumucenjeeka ayi mucite shintu shitaluleme.

Dutolonomi 27:10

Paceebo ceeci kamumunyumfwila akukonkela milawo amilasho yakwe yoonse iyo njentoomupa sunu.”

Bene Kolose 2:18

Kutabi muntu nabi womwi weshi amupe mulandu ceebo lakwe ulayeeya ayi ngumunene mukwiinga ulabona shimwi shili anga nsha muciloto. Bantu ba mushobo wooyu balalibombya cakubeca alimwi balisunibo kwaamba ayi bantu kabalambila baanjelo. Balalisumpula pashintu shitacite ncito mukwiinga balakonkela shintu sha buntu.

Bene Kolose 2:4

Nceentoomulwiitila boobo nkwaamba ayi kutabi muntu nabi womwi weshi akamuyunge kwiinda mumaswi abucenjeshi.

1 Bene Tesalonika 4:6

Mucikani ici kutabi muntu ubishisha mushominyina nabi kumulenga buluya. Twakamucenjeshawo kale ayi pacikani ici Lesa ulaakutondesha bukali kubantu bacita sheesho.

1 Timoti 5:21

Ndakusenga cankusu, pameenso akwe Lesa, Klistu Jesu alimwi abaanjelo basalitwe, kwaamba ayi ukonkele milasho yoonse iyi cakutasalulula alimwi mushintu shoonse nshoocita tooelete kusuula umwi.

1 Timoti 6:13

Ono ntookwaambila pameenso akwe Lesa upa buumi shintu shoonse apameenso akwe Klistu Jesu, uyo wakapa bukamboni bubotu pameenso akwe Pontyasi Pilato,

2 Timoti 4:1

Pameenso akwe Lesa aKlistu Jesu, uyo eshi akoomboloshe boomi abafu alimwi ceebo cakwaamba ayi ulaakwisa mubwaami, ntoosenga cankusu ayi

1 Pita 1:18

Lesa wakamulubula kuswa kubuumi butaaku mbobubete ubo bwakaswa kubamashali banu bakulukulu. Mukucita boobo taakwe kusebensesha cintu cimana ncito mbuli silifa nabi golodi, sobwe.

2 Pita 2:18

Balaamba maswi akulisumpula atacite ncito alimwi kwiinda mulunkumbwa lwa bufuule, balalengesha kubisha abo batooya cilubuka pakati ka bamucita shibi.