Bene Efeso 4:14 - Baibo Busansulushi Bwa Libuku Ili

¹⁴ Lyalo teshi tukabe alimwi anga mbanike, bali anga mbaabo batootolaanishikwabo amaaba nabi cipuupu cakwiisha kwa bantu babeshi. Balalengesha bantu baanji kushoma shabubeshi kwiinda mumilaka ya bucenjeshi.

Bene Efeso 4:14 Marejeleo ya Msalaba

Kulumbaisha 10:9

Balabelaminabo anga ninkalamu iyubite, kubelamina ayi bacate bantu bataaku mbobabete. Ncakwiila balabacatisha mutoose twabo akubatola kabaya cibakwelaanya.

Kulumbaisha 59:3

Amubone batoolindilila kuncaya. Basankwa babiibi myoyo balibungabunga mukupinga ndime. Nakubi boobo taaku cibiibi nabi mulandu ngondakacita, noBaami baLesa.

Isaya 28:9

Balo balaamba ayi, “Ino ono ngani ngwaatokwiisha? Ngani ngwaatoosansulwita maswi aya? Makani aya nga baabo baleshekwa onoono, ncakwiila abo bakushikwabo kunkolo bulya.

Mika 7:2

Bantu baluleme bamana mucishi cesu, taaku nabi womwi ululeme uciliimo. Uli woonse utoofwima kucaya muntunyina. Ncakwiila womwi awomwi ulisuni kucatisha mubye mubukonde.

Mateyo 11:7

Ono bashikwiiya bakwe Joni ndibakaya, Jesu wakatalika kwaambila bantu baanji baanji bakalingaawo shakwe Joni Mubombeki ayi, “Ndimwakaya muluyanga mwakaya mukubonanshi? Sa mwakaya mukubona litete lyakalinga kutenkaana kumuuwo?

Mateyo 24:11

Kulaakwisa balaluki baanji babeshi abo beshi bakabece bantu baanji.

Mateyo 24:24

Mukwiinga abo balyaamba cakubeca ayi, ‘Ndi Usalitwe wakwe Lesa,’ nabi ayi, ‘Ndi mulaluki,’ balaakwisa. Balaakucita shitondesho sha nkusu sha kwiculu alimwi ashaankamiko kwaamba ayi bacenjeeke, na kacikonsheka, abaabo boonse mbwaakasala Lesa.

Milimo ya Batumwi 23:21

Sombi mutakabanyumfwili mukwiinga kuli basankwa beendilila pamakumi one beshi bakanooyubite munshila kababelamina Paulo. Bakalumbila pameenso akwe Lesa ayi teshi bakalye nabi kunwa kabatana kumucaya. Bulya balilibambite kumucaya, batoolindilabo bukumbulo kuswa kuli ndimwe.”

1 Bene Kolinto 12:2

Mulishi kwaamba ayi ciindi ndimwakalinga bakunsengwe, mwakalinga kutolwa munshila shipusenepusene kuya cilambila shibumbwabumbwa shitaambi.

1 Bene Kolinto 14:20

Nobamakwesu mutabi anga mbaana mumiyeeyo, sombi mube anga mbaana mukubula shibiibi, munooli bamanene mumiyeeyo.

1 Bene Kolinto 3:19

Ceebo busongo bwa buntu mbuluya mumeenso akwe Lesa. Bweenka bwaamba Malembo akwe Lesa ayi, “Lesa ulacatisha basongo mubucenjeshi bwabo.”

2 Bene Kolinto 2:17

Tatubete mbuli bamwi baanji bashimikila maswi akwe Lesa anga batoocitabo makwebo mwakucanina shiyandika mubuumi. Sombi ceebo Lesa wakatutuma, tulashimikila cakushomeka pameenso akwe, mukwiinga tuli muli Klistu.

2 Bene Kolinto 4:2

Twakaleka shoonse sha bushishi shilensha nsoni. Tatuciti milimo mububeshi nabi kubika bubeshi mumaswi akwe Lesa. Sombi pameenso akwe Lesa tulaamba shalushinisho, akweelesha kulengesha bantu boonse ayi batutambule mumyoyo yabo.

Bene Galatiya 3:1

Mwebo nobene Galatiya baluya! Anu ngani wakamulowa? Nditwakamushimikila shapali Jesu Klistu, twakamusansulwita patuba ayi wakapopwa pamucilingano.

Bene Efeso 6:11

Amufwale shakulwanisha shoonse isho Lesa nshaamupa, kwaamba ayi mukacikoonshe kulwana maano a bucenjeshi bwakwe Satana.

1 Timoti 3:6

Taaelete kuba muntu wakasanduka onoono mukwiinga cimwi ciindi inga walisumpula akupekwa mulandu mbuli Satana.

2 Timoti 1:15

Ulishi kale kwaamba ayi boonse mucishi ca Esha bakampalangana, pakati kabo pali Figelasi alimwi aEmojenesi.

2 Timoti 3:13

Bantu bacita shibiibi abaamba nshebataciti bananoobicilakobo. Bananoobeca bamwi akubecekwa.

2 Timoti 4:3

Ciindi cilaakushikila bantu ndyeshi bakakake kunyumfwa kwiisha kwalushinisho, sombi balaakukonkela shiyanda myoyo yabo kwiinda mukulibunganishisha bafundishi baanji abo beshi bakanokwaamba nshebasuni kunyumfwa.

Bene Ebulu 13:9

Mutasumini kwaamba ayi njiisho sheensu shipusenepusene ayi shimukushe munshila iluleme. Ncibotu kwaamba ayi luse lwakwe Lesa luyumye myoyo yesu, kuteshi kukonkela milawo yaamba pashakulya, ceebo milawo iyi taikwe kucafwawo baabo bakalinga kwiikonkela.

Jemusi 1:6

Ono ulyeelete kusenga cakutatonsha napaceyi. Ceebo uyo utonsha uli anga ndyaaba palweenge ilyo litolaanishikwabo amuuwo.

Jemusi 3:4

Nabi na twaambe pabwaato bunene. Mubone mbobubete kukomena alimwi bulatolanishikwabo amuuwo upupa cankusu, sombi shikweensha ulabululamika koonse nkwaasuni kwiinda mukantu kaniinibo.

2 Pita 2:18

Balaamba maswi akulisumpula atacite ncito alimwi kwiinda mulunkumbwa lwa bufuule, balalengesha kubisha abo batooya cilubuka pakati ka bamucita shibi.

1 Joni 2:19

Bantu aba bakalinga aswebo kale kale, sombi tebakalinga bamulikoto lyesu cancinencine. Mukwiinga nebakalinga bamulikoto lyesu, naakwiinga kabacili aswebo. Sombi bakapatuka kwaamba ayi baboneke patuba ayi taaku nabi womwi pakati kabo wakalinga mulikoto lyesu cancinencine.

1 Joni 2:26

Ntoomulembela makani aya ceebo ca baabo basuni kumucenjeeka.

1 Joni 4:1

Nomusunikwi, mutanooshoma muntu woonse waamba ayi ulicite Mushimu wakwe Lesa, sombi mulyeelete kubeelesha akubona na ncakwiila mushimu ngobacite ulaswa kuli Lesa. Mulyeelete kucita boobo ceebo balaluki babeshi balibo cishi coonse.

Judi 1:12

Bali anga ngamatombe mushakulya shapakusekelela mubwanabwankashi. Mbantu balyabi, bayeeyabo shabo beene. Bali anga ngamakumbi atolaanishikwabo amuuwo, sombi taaleti mfula. Alimwi bali anga nshisamu shitacati shisepo na cashikila ciindi, nabi shisamu shakashulwa akuyuma cakumaninina.

Ciyubululo 19:20

Munyama uyo wakacatwa pantu pomwi amulaluki mubeshi uyo wakalinga kucita shaankamiko ceebo ca nguwe. Kwiinda mushaankamiko nshemunya ishi, wakacenjeeka bantu abo bakalinga kucite keshibilo ka munyama alimwi abaabo balambila cibumbwabumbwa cakwe. Mpeeke munyama uyo alimwi amulaluki mubeshi, bakawaalwa mulweenge lwa mulilo uyo unyaka asalufa, kabalasha.