Bene Efeso 3:8 - Baibo Busansulushi Bwa Libuku Ili

⁸ Nebo ndime mucaalishi kubantu bakwe Lesa, nakubi boobo wakampa mulimo uyu wakushimikila baswamashi bakunsengwe Makani Abotu abubile buunji abuumbi bwa muli Klistu.

Bene Efeso 3:8 Marejeleo ya Msalaba

1 Makani 17:16

Mpomunyaawo Defedi wakenjila muTente lya Cipangano, waya wekala kunembo lya Mwaami Lesa akupaila ayi, “Anu nebo noBaami baLesa ndime ni? Abalo bamuŋanda yangu mbaani pameenso anu cakwaamba ayi inga mwanshisha mpoombete sunu?

Kulumbaisha 31:19

Nshiinji shintu shibotu nshemwakabambila bamulemeka, shintu nshemucitila bantu bacicila kuli ndimwe. Shintu isho shilibwenekete kumuntu uli woonse.

Luka 14:22

Ndyaakaboola musebenshi wakaamba ayi, ‘Nkambo, ndaciita kweelana ambomwaŋambila, ono musena moocili.’

Joni 1:16

Muluse lwakwe luunji swebo twakatambula shoolwe shiinji abuumbi.

Milimo ya Batumwi 5:41

Batumwi ndibakaswa muboomboloshi, bakalinga kukondetwe abuumbi ceebo Lesa wakabona kwaamba ayi balyeelete kupenshekwa ceebo cakwe Jesu.

Milimo ya Batumwi 9:15

Sombi Mwaami wakamwaambila alimwi ayi, “Koyabo mukwiinga ndamusala kwaamba ayi ansebensele akunshibya kubaswamashi bakunsengwe, bamaami alimwi abene Isilaeli.

Bene Loma 11:33

Ma, Lesa ulicite nkumbu abuumbi! Ngumusongo bumbi alimwi lushibo lwakwe talwaambiki! Taaku weenga wasansulula miyeeyo yakwe nabi kunyumfwishisha nshila shakwe.

Bene Loma 12:10

Amusunane cancinencine mbuli banabankashi muli Klistu alimwi akunoolibambite kupaana bulemu.

Bene Loma 2:4

Nabi sa utoonyansha Lesa ceebo ca kwaamba ayi ngushinkumbu abuumbi alimwi taatondeshi bukali bwakwe paciindi ceenka ico, sombi ulatolelela kulekelela? Ncakwiila ulishi kwaamba ayi Lesa ncaabetele shinkumbu nkweelesha kwaamba ayi usanduke kuswa kushibiibi shako.

1 Bene Kolinto 1:30

Lesa ngowakalengesha ayi tube muli Klistu Jesu ayi lakwe abe busongo bwesu. Wakatululamika pameenso akwe Lesa, watusalasha akutwaangulula.

1 Bene Kolinto 15:9

Ceebo nebo nshiindi mutumwi nabi womwi alimwi nsheeleteewo akwiitwa ayi mutumwi ceebo ndakalinga kupensha coonde cakwe Lesa.

1 Bene Kolinto 2:9

Sombi kweelana abwaamba Malembo akwe Lesa ayi, “Isho muntu nshaatakwe kubonaawo nabi kunyumfwaawo, isho muntu nshaatakwe kuyeeyawo ayi shilaakucitika, nshesheesho Lesa nshaakabambila baabo bamusuni.”

Bene Galatiya 1:16

Cakamukonda kunjubulwita Mwanaakwe kwaamba ayi nkashimikile Makani Abotu aamba pali nguwe kubaswamashi bakunsengwe. Nshikwe kuya kumuntu mukwiipusha bwakucita,

Bene Galatiya 2:8

Mukwiinga Lesa uyo wakalengesha ayi Pita abe mutumwi kubaJuda munkusu shakwe, ngowakalengesha anebo ayi mbe mutumwi kubaswamashi bakunsengwe.

Bene Efeso 2:7

Wakacita boobo kwaamba ayi amushiindi shitoosa shoonse akanooboneshabo luse lwakwe lutana kubonekaawo, ulo ndwaakabonesha kuli ndiswe kwiinda muli Klistu Jesu.

Bene Efeso 3:1

Paceebo ceeco, nebo nePaulo nekaili ceebo cakwe Klistu Jesu mukusebensela ndimwe nobaswamashi bakunsengwe, ndamupailila kuli Lesa.

Bene Efeso 3:16

Ntoosenga kuli Lesa, ayi kuswa mububile bwa bulemu bwakwe, amupe nkusu kwiinda muMushimu wakwe kwaamba ayi muyume mumyoyo yanu.

Bene Efeso 3:19

Amwishibe mulusuno lwakwe Klistu, lwiinda pamaano oonse a bantu kwaamba ayi Lesa ekale muli ndimwe cancinencine.

Bene Efeso 3:2

Ncakwiila mwakanyumfwa ayi Lesa wakampa mulimo wa butumwi kwiinda muluse lwakwe kwaamba ayi ncafwe ndimwe.

Bene Filipi 2:3

Mutaciti cintu nabi comwi cakulisuna nabi kulisumpula. Sombi muliceeshe, lyoonse kunoobona babyaanu anga balamwiindaawo.

Bene Filipi 4:19

Paceebo ceeco, Lesa wangu ulaakumupa shoonse nshemubula kwiinda mububile bwakwe buunji bwa muli Klistu Jesu.

Bene Kolose 1:27

Lakwe wakasuna kwaamba ayi baswamashi bakunsengwe boonse beshibe maswi ayo ancinencine. Ngamaswi abotu abuumbi, abubile bwa bulemu bwakwe ayo akalinga kushisitwe kubantu boonse. Maswi aya ngakwaamba ayi Klistu uli muli ndimwe alimwi ngoomupa kulangila kwa kutambula bulemu bwakwe Lesa.

1 Timoti 1:13

Nakubi kwaamba ayi ndakalinga shikucobola Lesa, shikupensha bantu bakwe Lesa alimwi mukali abuumbi, Lesa wakanyumfwila nkumbu ceebo ndakalinga kucita shintu ishi mukubula lushibo alushomo.

1 Timoti 1:15

Ono makani alushinisho alimwi eelete kutambulwa cakumaninina akushomwa ngakwaamba ayi, “Klistu Jesu wakesa mukupulusha bamucita shibi.” Ono nebo ndeendaawo kubica.

1 Timoti 2:7

Nceceeco alimwi ncaakampeta butumwi abufundishi bwa kubaswamashi bakunsengwe kwaamba ayi nshimikile Makani Abotu a lushomo alushinisho. Nshintoobeca, ntokwaamba lushinisho.

2 Timoti 1:11

Lesa wakansala kuba mutumwi amufundishi kwaamba ayi nshimikile Makani Abotu.

Ciyubululo 3:18

Ono ntookulwiitaako ayi uule golodi kuli ndime, golodi yakasalashikwa amulilo kwaamba ayi ubile. Uule ashakufwala shituba kwaamba ayi ufwale akushisa mubili wako utoolensha nsoni. Uule amusamu wa mumeenso ayi utalike kubona.