Bene Efeso 3:5 - Baibo Busansulushi Bwa Libuku Ili

⁵ Mushiindi shakeenda, bantu tabakwe kulwiitwaawo muyeeyo uyu wabushishi. Sombi bulya Lesa waciyubulula kubatumwi alimwi abalaluki bakwe basalalite kwiinda muMushimu Usalashi.

Bene Efeso 3:5 Marejeleo ya Msalaba

Isaya 52:15

Sombi bulya bantu baanji balaakucatabo pamilomo baakumubona. Bamaami balaakubula amaswi akwaambaawo ceebo cakukankamana. Ncakwiila balaakubona akunyumfwa cintu ncebatana kunyumfwaawo kale.”

Mateyo 13:17

Ntoomulwiita calushinisho ayi balaluki bakulukulu baanji, alimwi abantu baanji baluleme, bakalinga kuyandishisha kubona sheeshi nshemutoobona, sombi tabakwe kushibona. Bakalinga kuyandishisha kunyumfwa shintu nshemunyumfwa, sombi tabakwe kushinyumfwa.

Mateyo 20:7

Abalo bakakumbula ayi, ‘Mukwiinga taaku muntu watwinjisha ncito.’ Lyalo wakabaambila ayi, ‘Anu amwebo kamuya mukasebense kumuunda wangu wa minyansa.’

Mateyo 23:34

Paceebo ceeco, ntoomulwiita ayi ndaakumutumina balaluki, bantu basongo alimwi abafundishi. Bamwi mulaakubacaya akubapopa pamicilingano, abalo bamwi mulaakubakwiipa mushoonde shanu akubapensha kuswa mundabala andabala.

Luka 10:24

Ntoomulwiita ayi balaluki bakulukulu abaami baanji bakalinga kuyandishisha kubona sheeshi nshemutoobona, sombi tabakwe kushibona. Ncakwiila bakalinga kuyandishisha kunyumfwa shintu nshemunyumfwa, sombi tabakwe kushinyumfwa.”

Luka 11:49

Paceebo ceeco Lesa alakwe mubusongo bwakwe wakaamba ayi, ‘Ndaakubatumina balaluki abatumwi, ono bamwi pakati kabo balaakucaikwa abalo bamwi balaakubapensha.’

Joni 14:26

Nakubi boobo Mucafwi, Mushimu Usalashi, uyo baTa ngweshi bakatume muliina lyangu ulaakumwiisha shintu shoonse, akumwiibalusha shintu shoonse nshindakamulwiita.

Joni 16:13

Ono Mushimu wiisha lushinisho pakwisa, lyalo ulaakumutanjilila mushintu shoonse shalushinisho. Ceebo teshi akaambe shaakwe mwiine, sombi ulaakusansulula sheesho nshaakanyumfwa kuli baTa alimwi akumulwiita shintu nsheshi shikese kunembo.

Milimo ya Batumwi 10:28

Lyalo Pita wakabaambila ayi, “Mwebo mulishi kwaamba ayi mulawo wa baJuda toosuminishi muJuda kufwakashisha nabi kubandikila pantu pomwi abaswamashi bakunsengwe. Sombi Lesa wanshibisha ayi nsheelete kubanda muntu nabi womwi ayi taasalalite nabi ayi taabete kabotu.

Bene Loma 16:25

Atulumbaishe Lesa! Lakwe ulicite nkusu shakulengesha ayi mutolelele kushoma Makani Abotu aamba pali Jesu Klistu aya ngoonshimikila. Makani aya ancinencine akayubululwa, akalinga kushishitwe kwamyaaka iinji abuumbi.

1 Bene Kolinto 2:10

Sombi Lesa wakatuyubulwita sheeshi kwiinda muMushimu Usalashi. Ceebo Mushimu Usalashi ngooshi shintu shoonse nabi miyeeyo yakwe Lesa ya bushishi.

Bene Efeso 2:20

Anu amwebo mwayakilwa waawo pakayakila batumwi alimwi abalaluki, Klistu Jesu mwiine ndyelibwe lya mulikonko lya ŋanda.

Bene Efeso 3:9

Wakampa amulimo wakusansulwita bantu boonse Lesa mbweshi akalengeshe muyeeyo wakwe wa bushishi kucitika. Lesa, uyo wakalenga shintu shoonse, walinga kushisite cikani ici kuswabo kale kale.

2 Pita 3:2

Ndisuni ayi mwiibaluke maswi akaamba balaluki bakulukulu basalalite kale kale alimwi amulawo wa Mwaami Mupulushi wesu, uyo batumwi ngobakamupa.

Judi 1:17

Sombi nomusunikwi, amwiibaluke maswi akamulwiita batumwi ba Mwaami Jesu Klistu kale kale.