Bene Efeso 3:20 - Baibo Busansulushi Bwa Libuku Ili

²⁰ Ono bulemu bube kuli Lesa, lakwe kwiinda munkusu shakwe shisebensa muli ndiswe, ulakonsha kucita shiinda pasheesho nsheenga twaseenga nabi kuyeeya.

Bene Efeso 3:20 Marejeleo ya Msalaba

Matalikilo 17:1

Abulamu ndyaakaba amyaaka ili 99, Mwaami Lesa wakaboneka kuli nguwe akwaamba ayi, “Ndime Lesa Shinkusu shoonse. Nyumfwile alimwi kocita shiluleme lyoonse.

Matalikilo 18:4

Amuleke kuletwewo tumaanshi musambe kushimpanta. Amookeshe mucisamu umu.

2 Samwelo 7:19

Ono noBaami baLesa Beshinkusu shoonse, pasheeshi shoonse mweelikaawo akushomesha shabamulunyungu lwangu nemusebenshi wanu kuciindi citoosa. NoBaami baLesa Beshinkusu shoonse, sa mbweenga mwacitila muntu uli woonse bulya?

1 Baami 3:13

Ntookupa asheesho nshootakwe kusenga. Mubuumi bwako ulaakuba abubile alimwi abulemu kwiinda bamaami boonse.

2 Makani 25:9

Lyalo Amasiya wakeepusha mulaluki ayi, “Ino citooba buyani pasilifa ngondalipilila kale bashilumamba bene Isilaeli aba?” Mulaluki wakakumbula ayi, “Mwaami Lesa ulaakumupa uunji kwiinda wooyo!”

2 Makani 9:12

Mwaami Solomoni wakapa mwaami mwanakashi wa kuShiba shoonse shintu nshaakasenga, kutabelenga shintu shimwi nshaakapa mwaami mwanakashi uyo kweelana akwishibila kwa bene Isilaeli. Lyalo lakwe abeshikumucafwa bakaboolela kucishi ca Shiba.

Kulonga 34:6

Lyalo Mwaami Lesa wakeenda kunembo lyakwe Mose, akoolobesha ayi, “Nebo neMwaami Lesa ndime Lesa uswite lulekelelo ankuumbu, utafwambaani kukalala, ubonesha lusuno lunene alimwi ushomeka.

Lwiimbo lwakwe Solomoni 5:1

Omweensuma, onabwiinga wangu, ndenjila mumuunda wangu. Ndayobolola mule atununkila kabotu tumwi mubuyani. Ndalya mpuma shangu sha buuci. Ndanwa waini amukupa wangu. Amulye nobeensuma, musangalale alimwi munwe kushikila mukolwe kulusuno!

Isaya 35:2

Luyanga lulaakwiimba cakusangalala. Lulaakubotabo anga ntulundu twa Lebanoni akuba amboleshi anga njimyuunda ya kuKamelo nabi kuShaloni. Bantu boonse balaakubona bulemu bwa Mwaami Lesa, ee, balaakwishiba nkusu abulemu nshaacite.

Isaya 55:7

Mucita shibi ashiye nshila shakwe, ee, shikubisha aleke miyeeyo yakwe ibiibi. Aapilulukile kuMwaami Lesa, alakwe utoomunyumfwila nkumbu. Aapilulukile kuli Lesa mukwiinga ulalekelela cakutalipilaawo nakaceyi.

Jelemiya 32:17

“NoBaami baLesa, mwakalenga cishi ca panshi aliculu munkusu shanu shinene. Ncakwiila taaku cintu ciyumu kuli ndimwe.

Jelemiya 32:27

“Nebo ndime Mwaami Lesa, Lesa wa bantu boonse. Taaku cintu cinjumina kucicita.

Danyelo 3:17

Na mukatuwaale mumunyumbi mutoonyaka mulilo uyoosha, Lesa uyo ngotulambila ulakonsha kutufuna kuswa mumulilo uyo. Ncakwiila nobaami, ulaakutufuna kuswa mumaansaanu.

Danyelo 6:20

Ndyaakashika wakeeta Danyelo campwampwa moyo ayi, “Danyelo omusebenshi wakwe Lesa muumi, sa Lesa uyo ngoosebensela cakushomeka wakonsha kukupulusha kunkalamu?”

Mateyo 3:9

Mutanoolibeca mumyoyo yanu ayi, ‘Swebo tulicite Abulaamu ishiwesu.’ Ntoomulwiita calushinisho ayi Lesa ulakonsha kusandula mabwe kuba bamulunyungu lwakwe Abulaamu.

Joni 10:10

Mwiipi ulesabo mukwiipa, kucaya akunyonyoola, sombi nebo ndakesa ayi bantu babe abuumi, buumi bwancinencine.

Bene Loma 16:25

Atulumbaishe Lesa! Lakwe ulicite nkusu shakulengesha ayi mutolelele kushoma Makani Abotu aamba pali Jesu Klistu aya ngoonshimikila. Makani aya ancinencine akayubululwa, akalinga kushishitwe kwamyaaka iinji abuumbi.

Bene Loma 4:21

Abulaamu wakalinga kushoma cancinencine ayi Lesa ulakonsha kucita kweelana ambwaakashomesha.

1 Bene Kolinto 2:9

Sombi kweelana abwaamba Malembo akwe Lesa ayi, “Isho muntu nshaatakwe kubonaawo nabi kunyumfwaawo, isho muntu nshaatakwe kuyeeyawo ayi shilaakucitika, nshesheesho Lesa nshaakabambila baabo bamusuni.”

2 Bene Kolinto 9:8

Lesa ulakonsha kumupa shoolwe shiinji abuumbi ayi lyoonse munoocite shintu shakulicafwa nobeene ashintu shiinji shakucitisha milimo yoonse ibotu.

Bene Efeso 1:19

Ncakwiila akwaamba ayi mwishibe nkusu shinene shiteelekwi kucimwi cintu isho shitoosebensa muli ndiswe sotushoma. Ishi nkusu nshesheesho shinene abuumbi,

Bene Efeso 3:7

Lesa wakampa mulimo wakushimikila Makani Abotu kwiinda muluse lwakwe, mukucita boobo wakabonesha nkusu shakwe.

Bene Kolose 1:29

Kwaamba ayi cicitike ici, ndasebensa abuumbi kwiinda munkusu shakwe Klistu isho shisebensa cankusu muli ndime.

1 Timoti 1:14

Luse luunji lwa Mwaami wesu lwakaboneka kuli ndime pantu pomwi alushomo alimwi alusuno isho shicanika kwiinda muli Klistu Jesu.

Bene Ebulu 11:19

Abulaamu wakalinga kushoma ayi Lesa ulakonsha kubusha Isaki kuswa kubafu. Aboobo inga twaamba ayi Abulaamu wakatambula Isaki anga wabushikwa kuswa kubafu.

Bene Ebulu 7:25

Nceceeco bulya anshiiku shoonse, ulakonsha kupulushisha baabo besa kuli Lesa kwiinda muli nguwe mukwiinga ngumuumi lyoonse kwaamba ayi anoobasengelaako kuli Lesa.

Jemusi 4:12

Ono Lesa eenkabo ngoshikupa Milawo akoombolosha bantu. Lakwe eenkabo ngweenga wapulusha muntu nabi kumunyonyoola. Ino webo ulayeeya ayi ndiwaani, pakoombolosha muntunyoko?

2 Pita 1:11

sombi ulaakumucalwita mulyango wa muBweene butamaani bwa Mwaami Jesu Klistu Mupulushi wesu.

Judi 1:24

Atulumbaishe Lesa, uyo eenkabo ukonsha kumulama kwaamba ayi mutabishi alimwi akumushisha kooko nkwaabete mubulemu bwakwe kamutacite kampenda nakaceyi alimwi kamusangalete abuumbi.