Bene Efeso 3:14 - Baibo Busansulushi Bwa Libuku Ili

¹⁴ Paceebo ceeco ndafukama pameenso a baTa,

Bene Efeso 3:14 Marejeleo ya Msalaba

1 Baami 19:18

Nakubi boobo ndaakushiyaawo bantu bali 7,000 boomi muIsilaeli, abo boonse bashomeka kuli ndime alimwi batana kufukaminaawo Baali nabi kufyontaawo cibumbwabumbwa cakwe.”

1 Baami 8:54

Solomoni ndyaakamanisha kupaila kuMwaami Lesa, wakanyamuka kunembo lya cipaililo, uko nkwaakalinga kufukeme kaatambikite maansa mwiculu.

2 Makani 6:13

Ono Solomoni wakalinga kupangite kale cakwiimikanawo ca bulonse cakalinga mamita ali 2.2 mumbasu shoonse alimwi amamita ali 1.3 kuya mwiculu. Wakacibika pakati napakati ka lubansa lwa Ŋanda yakwe Lesa. Lyalo wakatanta pacakwiimikanaawo ico, wafukama pameenso a bantu boonse akutambika maansaakwe kwiculu.

Esila 9:5

“Ono ciindi ca mulambu wa macolesha ndicakashikila, ndakanyamuka apo mpondakalinga kushiite, kaancifwete shakufwala shangu shikwamukite, ndakafukama akutambika maansaangu kwiculu kuMwaami Lesa, Lesa wangu.

Kulumbaisha 95:6

Kamwisa tumulambile cakushisha shiwa panshi. Atufukame pameenso a Mwaami Lesa uyo wakatulenga,

Isaya 45:23

Ndashomesha cakulumbila muliina lyangu nemwiine. Mulomo wangu waamba cakushinisha, kwaamba maswi eshi akabule kusandulwaawo akwaamba ayi, ‘Linungo lya muntu woonse lilaakufukama kunembo lyangu alimwi mulomo wa muntu womwi awomwi ulaakunoolumbila muliina lyangu.’

Danyelo 6:10

Danyelo ndyaakanyumfwa ayi mwaami wapanga mulawo uyo, wakenjila mucipinda ca peculu ca ŋanda yakwe apo pakalinga mbwelyo yakalinga kulangite kundabala ya Jelusalemu. Wakalinga kufukama mankanda otatwe pabushiku akupaila mukulumba Lesa wakwe bweenka mbwaakalinga kucita kuswabo kalekale.

Luka 22:41

Lyalo Jesu wakabashiya weendakobo paniini wafukama wapaila. Wakaamba ayi,

Milimo ya Batumwi 20:36

Ndyaakamana kwaamba, wakafukama pantu pomwi ambabo akupaila kuli Lesa.

Milimo ya Batumwi 21:5

Sombi ciindi ca kwikala ambabo ndicakamana, twakaswaako akutolelela palweendo lwesu. Lyalo boonse pantu pomwi abamakaabo alimwi abana babo bakatushindikila kuswa mundabala inene. Nditwakashika muloombe lwa lweenge twakafukama ambabo akupaila kuli Lesa.

Milimo ya Batumwi 7:60

Kuswawaawo wakafukama akupaila muliswi lya peculu ayi, “Nkambo, amubalekelele cibiibi ici ncebatoocita!” Ndyaakamana kwaamba boobo, wakatula moyo. Alakwe Saulo wakasumina ayi bacita kabotu kumucaya.

Milimo ya Batumwi 9:40

Pita wakabakusha pansengwe boonse, wakafukama akutalika kupaila. Kumana kupaila, wakapilulukila kwakalinga mutuntu akwaamba ayi, “Tabita, nyamuka!” Lyalo Tabita wakalasha, mpeeke ndyaakabona Pita, wakabuka, wekala.

Bene Efeso 1:3

Atulumbe Lesa, baIshi Mwaami wesu Jesu Klistu! Mukwiinga kwiinda muli Klistu, wakatupa shoolwe sha mushimu shoonse shicanika mucishi ca kwiculu.

Bene Efeso 3:15

uko mukowa woonse wa kwiculu apacishi ca panshi nkookusha liina.

Bene Filipi 2:10

Aboobo ceebo ca bulemu bwa liina lyakwe Jesu, shoonse shilengwa sha kwiculu, sha pacishi ca panshi alimwi asheesho shili panshi lya cishi shilaakufukama kunembo lyakwe.