Bene Efeso 3:1 - Baibo Busansulushi Bwa Libuku Ili

¹ Paceebo ceeco, nebo nePaulo nekaili ceebo cakwe Klistu Jesu mukusebensela ndimwe nobaswamashi bakunsengwe, ndamupailila kuli Lesa.

Bene Efeso 3:1 Marejeleo ya Msalaba

Luka 21:12

Sombi shoonse ishi kashitana kucitika, mulaakwaangwa akupenshekwa. Mulaakutolwa mushoonde sha baJuda mukoomboloshekwa akubikwa muntolongo. Mulaakwiimikana kunembo lya bamaami abaleli ceebo ca liina lyangu.

Milimo ya Batumwi 21:33

Mpomunyaawo mutanjilili munene wa bashilumamba wakaya kuli Paulo akumucata. Mpeeke wakaambila bashilumamba bakwe bamwi ayi bamwaange ncetani shobilo. Lyalo wakeepusha bantu ayi, “Ino musankwa uyu ngani alimwi nciinshi ncaacita?”

Milimo ya Batumwi 23:18

Mutanjilili wa bashilumamba mwaanda wakamutola kumutanjilili wabo munene akumulwiita ayi, “Ulya Paulo ngotwakaanga, walinga wanjita akunsenga ayi ndete musankwa uyu kuli ndimwe mukwiinga ulicite makani akumulwiita.”

Milimo ya Batumwi 26:29

Paulo wakakumbula ayi, “Nabi mumaswi aniini nabi aanji, ndapaila kuli Lesa ayi mwebo alimwi abamwi boonse batoonyumfwa maswi aya sunu, inga baba bweenka mboombete, sombi kutaamba ayi mwaangwe ncetani ishi amwebo!”

Milimo ya Batumwi 9:15

Sombi Mwaami wakamwaambila alimwi ayi, “Koyabo mukwiinga ndamusala kwaamba ayi ansebensele akunshibya kubaswamashi bakunsengwe, bamaami alimwi abene Isilaeli.

2 Bene Kolinto 1:6

Lyoonse nditupenga mwebo mulatambula lucafwo lwakukalika myoyo kwaamba ayi mukapulushikwe. Ono ndituyuminishikwa, nkwaamba ayi amwebo muyuminishikwe akuba ankusu shakwiinda mumapensho ayo ngotwiindaamo aswebo.

2 Bene Kolinto 10:1

Nebo nePaulo, ntooyanda kumusenga ono. Bantu balaamba ayi na kaandi amwebo ndalibombya, sombi na nkaantabete amwebo ndamukalalila. Kwiinda mukulibombya ankuumbu shakwe Klistu ntoomusenga ayi

2 Bene Kolinto 11:23

Sa mbasebenshi bakwe Klistu? Nebo ndeendaawo. Ndaamba anga ngumuntu ucinkukite. Nebo ndeendaawo kusebensa ankusu, mankanda akwaangwa, mankanda akukwipwa cakutasekana, amankanda akuboolela pakalindi.

Bene Galatiya 5:11

Nobamakwesu, ono na nebo ncishimikila shakupalulwa ceebonshi bantu bacimpensha? Nendalinga kushimikila boobo, naakwiinga bantu kabatapikishi kushimikila shalufu lwakwe Jesu lwa pamucilingano.

Bene Galatiya 5:2

Amunyumfwishe! Nebo nePaulo ntoomulwiita ayi na musumine kwaamba ayi mupalulwe, nkokwaamba ayi Klistu taacite mpindu kuli ndimwe.

Bene Galatiya 5:24

Ono abo bali kulubasu lwakwe Klistu bakapopa buumi bwa buntu alimwi asheesho shoonse shisuni buumi ubo pamucilingano.

Bene Efeso 3:11

Lesa wakacita boobo kwiinda muli Klistu Jesu Mwaami wesu kweelana ambwaakabamba kuswa kumatalikilo.

Bene Efeso 3:13

Aboobo, ndamusenga kwaamba ayi mutatyongooki pakubona mboontoomupengela. Mapensho aya atoocitika kwaamba ayi mucane cibotu.

Bene Efeso 3:8

Nebo ndime mucaalishi kubantu bakwe Lesa, nakubi boobo wakampa mulimo uyu wakushimikila baswamashi bakunsengwe Makani Abotu abubile buunji abuumbi bwa muli Klistu.

Bene Efeso 4:1

Nebo nekaili ceebo cakusebensela Mwaami Jesu, ndamusenga ayi mwikale buumi bweelete, kweelana aLesa mbwaakamwiita.

Bene Efeso 6:20

Ono kwaamba ayi bantu baanji beshibe Makani Abotu, nebo ndi mutumwi wakwe Jesu Klistu, nabi pacecino ciindi ndi muntolongo. Amumpailileeko kwaamba ayi mbe ankusu shakushimikila Makani Abotu cakutaloonda kweelana ambonjelete.

Bene Filipi 1:7

Ndamuyeeya lyoonse mukwiinga ndimusuni alimwi cililuleme kuli ndime kunyumfwa boobo. Ndyeembete muntolongo nabi ciindi cakwiimikanina akuyumya Makani Abotu mumyoyo ya bantu boonse, noonse mulaba andime muluse lwakwe Lesa.

Bene Kolose 1:24

Ono bulya ndisangalete kwaamba ayi ndamupengela. Ceebo mumapensho angu aya, ntoocafwa kumanisha mapensho akwe Klistu akacaala akupengela mubili wakwe, uli ncecoonde.

Bene Kolose 4:18

Nebo nePaulo, ndaleemba alyaansa lyangu nemwiine ayi, “Ndamwaansha.” Mutaluubi kwaamba ayi ndi muntolongo! Luse lwakwe Lesa lube amwebo.

Bene Kolose 4:3

Kamutupaililaako aswebo kwaamba ayi Lesa atupe ciindi cibotu cakushimikila makani akwe akushimikila shabushishi shaamba pali Klistu. Ceebo ca makani abushishi aya, nebo ndyaangitwe.

2 Timoti 1:16

Nkumbu shakwe Lesa shibe pabamuŋanda yakwe Onesifolasi, ceebo lakwe lyoonse wakalinga kunkusha buumba. Taakalinga kunyumfwa nsoni kwaamba ayi ndalinga muntolongo,

2 Timoti 1:8

Ono utanoonyumfwa nsoni kuba kamboni wa Mwaami wesu nabi kunyumfwa nsoni ceebo ca ndime nekaili mukwiinga wakwe Klistu. Sombi kopengela pantu pomwi anebo ceebo ca Makani Abotu kweelana ankusu shikupa Lesa.

Filimoni 1:1

Ndime Paulo uyo uli muntolongo ceebo cakwe Klistu Jesu. Ndi amukwabesu Timoti. Tutoolembela ndiwe omukwabesu Filimoni musebenshinyineesu,

Filimoni 1:23

Epafulasi uyo ngombetaakwe muntolongo ceebo cakwe Klistu, wakwaansha.

Filimoni 1:9

Sombi ceebo ca lusuno ndakusenga, nakubi kwaamba ayi ndime Paulo mutumwi wakwe Klistu Jesu alimwi pacecino ciindi nendi muntolongo ceebo ca nguwe.

Ciyubululo 2:10

Utaloondi mapensho eshi akakucitikile. Nyumfwa! Mubiibi ulaakumusunka kwiinda mukulengesha bamwi ba mulikoto lyako ayi bawaalwe muntolongo alimwi ulaakupenshekwa abuumbi kwanshiku shili likumi. Koshomeka kuli ndime, nabi bakakucaileewo, lyalo ndaakukupa mushini wa buumi butamaani.’