Bene Efeso 2:14 - Baibo Busansulushi Bwa Libuku Ili

¹⁴ Mukwiinga Klistu mwiine wakatupa luumuno pakuleta baJuda alimwi abaswamashi bakunsengwe pantu pomwi ayi babe mushobo womwi. Ndyaakalyaaba, wakamwaya lubumbu lwakalinga kutupansaanya.

Bene Efeso 2:14 Marejeleo ya Msalaba

Esita 3:8

Mpomunyaawo Amani wakaambila mwaami Sakisesi ayi, “Kuli mushobo umwi wa bantu bapalangene mubwaami bwanu boonse abo bakonkela kwishibila kupuseneeko akwa bantu bamwi boonse. Bantu abo balakaka akukonkela milawo yanu. Aboobo taaku mbweshi cimucaafwe kubalekabo.

Mika 5:5

Muleli uyo ngweshi akabaletele luumuno. Bene Asilya ndyeshi bakese mucishi cesu mukucilwana akwiinda mushiyubilo shesu shoonse, tulaakubatumina bamatanjilili besu ba bashilumamba beendaawo nkusu.

Sekaliya 6:13

Lakwe ngowooyo weshi akeeyakulule akutambula bulemu ubo bweelete kupekwa mwaami alimwi ulaakulela bantu bakwe. Mupailishi ulaakunokwiimikana pafwaafwi acuuna cakwe ca bwaami. Bantu aba bobilo balaakunoosebensela pantu pomwi muluumuno alimwi akunyumfwana.

Luka 1:79

Ulaakumunikila baabo bashiite mumunshinshe amucimfule ca lufu, akututanjilila munshila ya luumuno.”

Luka 2:14

“Bulemu kuli Lesa kwiculu lya maculu, alimwi akube luumuno panshi pali baabo boonse bamukondelesha!”

Joni 10:16

Nkoshili ashimwi mbelele shiteshi sha mucimpati ici. Ndyeelete kushileta ashalo. Ncakwiila ashalo shilaakunyumfwa liswi lyangu alimwi shilaakuba litanga lyomwi amweembeshi womwi.

Joni 11:52

Ncakwiila teeshibo mushobo wabo weenka, sombi akuleta pantu pomwi bana bakwe Lesa abo bakalinga kupalangene mucishi coonse.

Joni 16:33

Ndamwaambila makani aya kwaamba ayi mube aluumuno mukushoma muli ndime. Mucishi ca panshi mulaakupenshekwa. Nakubi boobo amukalike myoyo, bubi bwa mucishi cino ndabukoma.”

Milimo ya Batumwi 10:28

Lyalo Pita wakabaambila ayi, “Mwebo mulishi kwaamba ayi mulawo wa baJuda toosuminishi muJuda kufwakashisha nabi kubandikila pantu pomwi abaswamashi bakunsengwe. Sombi Lesa wanshibisha ayi nsheelete kubanda muntu nabi womwi ayi taasalalite nabi ayi taabete kabotu.

Milimo ya Batumwi 10:36

Mwebo mulishi makani ayo Lesa ngaakatuma kubene Isilaeli, akushimikila Makani Abotu aluumuno muli Jesu Klistu, Mwaami wa bantu boonse.

Bene Loma 5:1

Ono mukwiinga Lesa watululamika ceebo ca lushomo lwesu, pali luumuno pakati kakwe Lesa aswebo kwiinda muMwaami wesu Jesu Klistu.

Bene Galatiya 3:28

Aboobo taapu bupusano buliiwo pakati ka baJuda abaswamashi bakunsengwe, pakati ka basha alimwi abaangulukite nabi pakati ka basankwa alimwi abanakashi ceebo noonse muli womwi muli Klistu Jesu.

Bene Efeso 2:15

Lakwe wakamanisha Milawo akwiisha koonse kwa baJuda ayi pamishobo yobilo ilya, apange mushobo womwi muli nguwe akuleta luumuno munshila yeeyo.

Bene Efeso 2:17

Anu Klistu wakesa mukushimika Makani Abotu a luumuno kuli ndimwe nobaswamashi bakunsengwe nomwakalinga palaale aLesa, akubaJuda abo bakalinga pafwaafwi anguwe.

Bene Efeso 3:15

uko mukowa woonse wa kwiculu apacishi ca panshi nkookusha liina.

Bene Efeso 4:16

Lakwe ngooendelesha shipansha shoonse sha mubili akushicatanya pantu pomwi. Ono na cipansha cili coonse casebensa mulimo wa ncico, mubili woonse ulakula akuliyaka mulusuno.

Bene Kolose 1:20

Kwiinda muMwanaakwe uyo, Lesa wakaboosha cibusa cakalinga pali nguwe alimwi ashintu shoonse, sha pacishi ca panshi alimwi akwiculu. Wakaleta luumuno kwiinda mulufu lwa Mwanaakwe pamucilingano.

Bene Kolose 2:20

Mwebo mwakafwa pantu pomwi aKlistu, aboobo tamubeteko lubasu kushintu sha kwishibila kwa mucishi ca panshi. Ceebonshi mucicita anga mbantu bacite buumi bwa mucishi? Ceebonshi mulakonkela milawo yakwaamba ayi,

Bene Kolose 3:11

Mubuumi bupya ubu taaku bupusano buliiwo pakati ka baJuda abaswamashi bakunsengwe, bakapalulwa abatana kupalulwa, batacite lushibo, beshinkondo baloondesha, pakati ka basha abaangulukite, sombi cinene nguKlistu mukwiinga lakwe nsheshoonse alimwi uli muboonse.

Bene Kolose 3:15

Luumuno Klistu ndwaapa, alweendeleshe myoyo yanu. Lesa wakamwiita kwaamba ayi mube aluumuno ndomunya ulu mukwiinga muli shipansha sha mubili womwi. Amube amyoyo yakulumba.

Bene Ebulu 13:20

Lesa upa luumuno, uyo wakabusha Mwaami Jesu kuswa kubafu, lakwe ngoMweembeshi munene wa mbelele mukwiinga wakalibenga ayi acaikwe alimwi kwiinda mulufu lwakwe, wakabika cipangano citamaani.

Bene Ebulu 7:2

Mpomunyaawo Abulaamu wakapa Melikisedeki calikumi pashintu shoonse nshaakanyaya baabo mbwaakakoma. Busansulushi bwakutaanguna bwa liina lya Melikisedeki mbwakwaamba ayi “Mwaami wa Bululami.” Alimwi wakalinga mwaami wa Salemu, nkokwaamba ayi “Mwaami wa Luumuno.”