Bene Efeso 2:11 - Baibo Busansulushi Bwa Libuku Ili

¹¹ Mwebo nobaswamashi bakunsengwe, amuyeeye mbuli mbomwakalinga kale kale. Bakalinga kumwiita ayi batapalwitwe, balo kabaliita ayi bapalwitwe, (ceebo ca kwishibila kwabo uko nkobacita pamibili yabo.)

Bene Efeso 2:11 Marejeleo ya Msalaba

Esekelo 20:43

Mpeeke mulaakuyeeya bwikaalo bwanu amicito iyo njemwakalibishishaamo akunyumfwa bunya ceebo ca bubi boonse ubo mbomwakacita.

Esekelo 36:31

Lyalo mulaakwiibaluka nshila shanu shibiibi amicito yanu ibiibi alimwi mulaakulisenda ceebo ca shibiibi shanu ashintu nshemwakalinga kucita shilensha bunya.

Mateyo 20:7

Abalo bakakumbula ayi, ‘Mukwiinga taaku muntu watwinjisha ncito.’ Lyalo wakabaambila ayi, ‘Anu amwebo kamuya mukasebense kumuunda wangu wa minyansa.’

Bene Loma 11:17

Misampi imwi ya cisamu ca olifi cakushanga yakatyoka, lyalo Lesa wakalengesha ayi pasonse musampi wa cisamu ca olifi ca muluundu. Mwebo nobaswamashi bakunsengwe muli anga ncisamu ca olifi ca muluundu. Aboobo mulatambula nkusu kuswa kumiyanda ya cisamu ca olifi cakushanga, nkokwaamba ayi kuswa kubene Isilaeli.

Bene Loma 2:26

Balo baswamashi bakunsengwe tabakwe kupalulwa, nakubi boobo na kabakonkela Milawo, ncakwiila Lesa ulaakubabonabo anga bakapalulwa.

Bene Loma 2:27

Paceebo ceeci, na uyo utakwe kupalulwa kaakonkela Milawo, ulaakukushinina webo omuJuda nowakapalulwa alimwi nowakapekwa Milawo, sombi tooikonkeli.

1 Bene Kolinto 12:2

Mulishi kwaamba ayi ciindi ndimwakalinga bakunsengwe, mwakalinga kutolwa munshila shipusenepusene kuya cilambila shibumbwabumbwa shitaambi.

1 Bene Kolinto 6:11

Ubo mbobabete bamwi pakati kanu. Sombi bulya mwakasanshikwa mwasalashikwa alimwi mwakalulamikwa muliina lya Mwaami Jesu Klistu aMushimu wakwe Lesa.

Bene Galatiya 2:15

Ncakwiila swebo tuli baJuda, tatubete baswamashi bakunsengwe bamucita shibi.

Bene Galatiya 6:12

Abo boonse basuni kulibotesha kubantu, mbobatoomukakatisha ayi mupalulwe. Ncebacitila boobo nkwaamba ayi batapenshekwi ceebo ca mucilingano wakwe Klistu.

Bene Efeso 2:2

Paciindi ico mwakalinga kweenda munshila sha bantu bakunsengwe. Mwakalinga kukonkela mweendeleshi wa bashikaswa wa muluuwo, mushimu ubiibi uyo weendelesha bantu batanyumfwili Lesa.

Bene Efeso 5:8

Kale kale mwebo mwakalinga mumunshinshe, sombi bulya muli mumumuni mukwiinga mwakaba bantu ba Mwaami. Aboobo mulyeelete kwikala anga mbantu bekala mumumuni.

Dutolonomi 15:15

Kamwiibaluka ayi amwebo mwakalinga basha mucishi ca Ijipiti, ono Mwaami Lesa, Lesa wanu ngowakamwaangulula. Nceceeco ncentoomupeta mulawo uyu sunu.

Dutolonomi 16:12

Kamwiibaluka ayi mwakalinga basha mucishi ca Ijipiti. Anu milawo iyi mulyeelete kunooikonkela.

Dutolonomi 5:15

Amwiibaluke ayi mwakalinga basha mucishi ca Ijipiti alimwi ayi nebo neMwaami Lesa, Lesa wanu ndakamufuna kwiinda munkusu shangu shinene. Nceceeco ncendamwaambilila ayi mulame bushiku bwakookesha bwa Cibelu.

Dutolonomi 8:2

Amwiibaluke mwaami Lesa, Lesa wanu mbwaakamutanjilila mulweendo loonse lwa muluyanga lwa myaaka makumi one iyo yeenda. Wakalinga kumutumina makatasho mukumweelesha kwaamba ayi abone mpomwiimfwi alimwi na inga mwacikonsha kukonkela milawo yakwe.

Dutolonomi 9:7

“Kuteelesha kuluba mbomwakalengesha Mwaami Lesa kukalala muluyanga. Kuswabo bushiku mbomwakaswa mucishi ca Ijipiti kushikila abushiku mbomwakashika waano mwakalinga kumwaalookila.

Bene Filipi 3:3

Swebo ndiswe twakapalulwa cancinencine sotutanjililwa aMushimu Usalashi mukulambila Lesa akusangalala muli Klistu Jesu. Aboobo tatushomi shapacishi ca panshi, sobwe.

Bene Kolose 1:21

Kale kale mwebo mwakalinga kulaale aLesa alimwi mwakalinga balwani bakwe ceebo ca shintu shibiibi nshemwakalinga kucita alimwi akuyeeya.

Bene Kolose 2:11

Muli nguwe mwebo mwakapalulwa, kuteshi kupalulwa kucitikwa abantu, sombi kupalulwa kucitwa aKlistu umo mucanika kwaangululwa munkusu sha buntu bubiibi.

Bene Kolose 2:13

Mwebo kale kale mwakalinga kufwite mumushimu ceebo ca shibiibi shanu alimwi akutapalulwa kwa myoyo yanu. Sombi ono Lesa wamupa buumi pantu pomwi aKlistu. Peculu lya waawo wakatulekelela shibiibi shesu shoonse.

Bene Kolose 3:11

Mubuumi bupya ubu taaku bupusano buliiwo pakati ka baJuda abaswamashi bakunsengwe, bakapalulwa abatana kupalulwa, batacite lushibo, beshinkondo baloondesha, pakati ka basha abaangulukite, sombi cinene nguKlistu mukwiinga lakwe nsheshoonse alimwi uli muboonse.

1 Samwelo 17:26

Mpeeke Defedi wakeepusha basankwa bakalinga pafwaafwi ayi, “Ino musankwa weshi akacaaye mwine Filisiti ulya akukusha malwesa ngwaatoolamba bene Isilaeli, ulaakucitilwa buyani? Alimwi lakwe ngumwine Filisiti buyani, utapalwitwe, weenga kaanyansha likoto lya bashilumamba bakwe Lesa muumi?”

1 Samwelo 17:36

Ndushinisho nebo nemusebenshi wanu ndacaya nkalamu alimwi abeya. Ono sunu mwine Filisiti ulya utooba bweenka mbuli banyama abo mukwiinga wanyansha likoto lya bashilumamba bakwe Lesa muumi.