Bene Efeso 1:6 - Baibo Busansulushi Bwa Libuku Ili

⁶ Atulumbaishe Lesa ceebo ca luse lwakwe luteelekwi kucintu cimwi, ulo ndwaakatutondesha muMwanaakwe uyo ngwaasuni abuumbi.

Bene Efeso 1:6 Marejeleo ya Msalaba

Kulumbaisha 22:20

Amufuune buumi bwangu kulufu lwa mupeeni, mumpulushe kubalwani abo bali anga mbaumpe.

Kulumbaisha 60:5

Amutulengeshe kukoma kwiinda munkusu shanu, amukumbule mipailo yesu. Ee, kwaamba ayi bantu abo mbomusuni, bafunwe.

Tushimpi 16:4

Mwaami Lesa wakabamba meelelesho a shintu shoonse. Meelelesho a bamucita shibi nkunyonyoolwa.

Isaya 42:1

Mwaami Lesa waamba ayi, “Ono anooyu musebenshi wangu, uyo ngoompa nkusu. Ee, ngondakasala alimwi muli nguwe ndakondwa. Ndaakumupa Mushimu wangu, alimwi ulaakuleta koombolosha cakutanyengelela kumishobo yoonse.

Isaya 43:21

Bantu abo ndakabalenga nemwiine amaansaangu kwaamba ayi bakanookwaambilisha bulemu bwangu.”

Isaya 61:11

Ono bweenka bulongo mbobumenesha shishango, ee, bweenka muunda mbookusha shakashangwaamo, mbweeke ubo Mwaami Lesa Shinkusu shoonse mbweshi akaboneshe bululami abulemu bwakwe pameenso amishobo imwi yoonse.

Isaya 61:3

Wakantuma kucafwa baabo balila muSiyoni, kubafwalika ngala yakukondwa kuteshi milota ya buumba. Kubapa mafuta atondesha kusangalala kuteshi mapensho aleta minsonshi. Kubalengesha kwiimba nyimbo shakulumbaisha kuteshi buumba. Balaakunokwiitwa ayi mibanga yabululami iyo Mwaami Lesa njaakashanga kwaamba ayi atondeshe bulemu bwakwe.

Jelemiya 23:6

Munshiku sha bweendeleshi bwakwe, bene Juda balaakupuluka abene Isilaeli balaakunookala kwakubula cakulisukama. Lyalo ulaakunokwiitwa liina lyakwaamba ayi, ‘Mwaami Lesa nkoKululama kwesu.’ ”

Jelemiya 33:9

Ndabala inene ya Jelusalemu ilaakundetela mpuwo, kusangalala, kulumbaishikwa alimwi abulemu kunembo lya mishobo yoonse ya pacishi ca panshi. Lyalo mishobo ilaakuloonda akututuma pakunyumfwa shintu shibotu nsheshi nkacitile bene Jelusalemu alimwi ambweshi nkabalengeshe kuswitilila akwikala muluumuno.’ ”

Bene Lefi 15:15

Mpeeke mupailishi ulaakubengawo yomwi ayi ngumulambu wakulekelelwa shibiibi, alimwi imwi ayi ngumulambu wakutenta. Munshila iyi, ulaakucita kweelana aMilawo pakusalasha musankwa uyo.

Sekaliya 13:7

Mwaami Lesa Shinkusu shoonse waamba ayi, “Nyamuka, webo omupeeni ulwane mweembeshi wangu! Ee, umulwaane uyo unsebensela. Umucaaye, lyalo mbelele shitoopalangana. Nebo nemwiine ntoolwana bantu bangu.

Mateyo 17:5

Ndyaakalinga kucaamba, kwakaboneka likumbi lituba tuu lyakabafwekelela, lyalo mulikumbi umo mwakanyumfwika liswi lyakwaamba ayi, “Uyu ngoMwanaangu ngoonsuni alimwi muli nguwe ndakondwa. Amumunyumfwile!”

Mateyo 20:9

Mpeeke abo bakatalika linjila ŋombe kusebensa, bakafola lyaali lyomwi lyomwi.

Mateyo 3:17

Mpeeke liswi lyakanyumfwika kuswa kwiculu ayi, “Uyu ngoMwanaangu ngoonsuni. Pali nguwe ndikondetwe abuumbi.”

Luka 2:14

“Bulemu kuli Lesa kwiculu lya maculu, alimwi akube luumuno panshi pali baabo boonse bamukondelesha!”

Joni 10:17

“BaTa ncebansunini ncakwaamba ayi ndisuminite kwaaba buumi bwangu kwaamba ayi nkabaabo alimwi.

Joni 3:35

Ishi ulimusuni Mwanaakwe alimwi shintu shoonse wakashibika mumaansaakwe.

Bene Loma 8:1

Ono abo bashoma muli Jesu Klistu, Lesa taabapi mulandu.

2 Bene Kolinto 4:15

Muyeeyo wa shoonse ishi nkwaamba ayi mwebo mutambule shoolwe alimwi bweenka luse lwakwe Lesa mbolutooya cishika kubantu baanji, amipailo yakulumba itoofula mukulemeka Lesa.

2 Bene Kolinto 5:21

Klistu taakalinga kucite cibiibi, sombi Lesa wakabika shibiibi shesu pali nguwe kwaamba ayi swebo tube abululami bwakwe Lesa.

Bene Efeso 1:12

Wakalinga kusuni kwaamba ayi swebo sotwakataanguna kulangila Klistu, tulumbaishe bulemu bwakwe Lesa.

Bene Efeso 1:14

Mushimu Usalashi ncecitondesho cakwaamba ayi tulaakutambula shoolwe shoonse nshaakashomesha bantu bakwe. Aboobo tulaba alushomo ayi Lesa ulaakwaangulula cancinencine bantu bakwe. Atulumbaishe bulemu bwakwe!

Bene Efeso 1:18

Ndaseenga kwaamba ayi munyumfwe shalushinisho isho shiswa kuli nguwe, kwaamba ayi mwishibe sheesho nshaakamwiitila, akwishiba kubota kwa shoolwe shabulemu Lesa nshaakashomesha bantu bakwe.

Bene Efeso 2:7

Wakacita boobo kwaamba ayi amushiindi shitoosa shoonse akanooboneshabo luse lwakwe lutana kubonekaawo, ulo ndwaakabonesha kuli ndiswe kwiinda muli Klistu Jesu.

Bene Filipi 1:11

Buumi bwanu bulaakutondesha micito ya bululami, iyo iswabo kuli Jesu Klistu, kwaamba ayi boonse balemeke akulumbaisha Lesa.

Bene Filipi 3:9

alimwi akucanika muli nguwe. Nshiliyeeyeli kwaamba ayi ndiluleme kwiinda mukukonkela Milawo, sombi bululami bwangu bulacanika kwiinda mukushoma Klistu. Bululami ubu buswa kuli Lesa bulapekwa kwiinda mulushomo.

Bene Filipi 4:19

Paceebo ceeco, Lesa wangu ulaakumupa shoonse nshemubula kwiinda mububile bwakwe buunji bwa muli Klistu Jesu.

Bene Kolose 1:13

Wakatukusha munkusu sha munshinshe akutwinjisha muBweene bwa Mwanaakwe usunikwi.

1 Pita 2:5

Amwebo mube anga ngamabwe oomi ayo Lesa ngweshi ayakishe ŋanda yakwe ya mushimu. Muŋanda iyo mweshi mukasebensele mbuli bapailishi basalalite mukubenga milambu ya mushimu itambulwa kuli Lesa kwiinda muli Jesu Klistu.

1 Pita 2:9

Sombi mwebo muli bantu basalitwe, bapailishi ba bwaami, mushobo usalalite alimwi bantu bakwe Lesa. Wakamusala kwaamba ayi mukashimikile shamicito yankusu ya wooyo wakamwiita kuswa kumunshinshe akumwinjisha mumumuni wakwe ukankamika.

1 Pita 4:11

Uyo woonse ushimikila, ulyeelete kwaamba maswi akwe Lesa. Uyo woonse usebensa milimo mucoonde, ulyeelete kusebensa kweelana ankusu Lesa nshaamupa, kwaamba ayi mushintu shoonse Lesa alemekwe kwiinda muli Jesu Klistu. Bulemu ankusu nshakwe Jesu Klistu lyoonse alyoonse. Ameni.