Bene Efeso 1:21 - Baibo Busansulushi Bwa Libuku Ili

²¹ Klistu wakabikwa pamusena wa bulemu kwiinda beendeleshi boonse ba kwiculu, bamatanjilili, beshinkusu alimwi abamaami. Ulicite liina lya bulemu ankusu kwiinda pameena oonse muciindi cino nabi muciindi citoosa.

Bene Efeso 1:21 Marejeleo ya Msalaba

Danyelo 7:27

Nkusu shoonse abulemu boonse bwa malelo oonse a mucishi ca panshi shilaakupekwa kubantu basalalite bakwe Lesa wa kwiculu Wiindaawo. Bulelo bwabo bulaakuba bwalyoonse alyoonse alimwi baleli boonse ba mucishi ca panshi balaakunoobasebensela akubanyumfwila.’

Mateyo 12:32

Uyo woonse waamba maswi abiibi kuMwanaaMuntu inga walekelelwa. Sombi uyo woonse ucobola Mushimu Usalashi teshi akalekelelwe, bulya nabi ciindi citoosa.”

Milimo ya Batumwi 4:12

Lupulusho lulacanikabo muli nguwe eenka mukwiinga taaku liina alimwi mucishi ca panshi Lesa ndyaakapa ayi inga twapulukilaamo.”

Bene Efeso 2:2

Paciindi ico mwakalinga kweenda munshila sha bantu bakunsengwe. Mwakalinga kukonkela mweendeleshi wa bashikaswa wa muluuwo, mushimu ubiibi uyo weendelesha bantu batanyumfwili Lesa.

Bene Efeso 3:10

Wakalinga kusuni ayi kwiinda mucoonde, baanjelo abo beendelesha alimwi bacite nkusu mwiculu, beshibe busongo bwakwe Lesa mushintu shoonse.

Bene Efeso 6:12

Mukwiinga tatutoolwana abantu, sombi tutoolwana ankusu sha mishimu ibiibi ya mwiculu, iyo yeendelesha alimwi icite nkusu, mishimu iyo yeendelesha bantu munshiku shino shili anga ngumunshinshe.

Bene Kolose 2:10

alimwi muli nguwe, mwebo mulicite buumi bwancinencine. Lakwe uleendaawo pabamaami alimwi abeendeleshi boonse.

Bene Kolose 2:15

Pamucilingano mpomunya, Lesa wakamanisha nkusu sha bamaami abeendeleshi boonse kwiinda muli Klistu. Wakabakoma patuba ndyaakabatondesha nkusu shakwe.

Bene Ebulu 1:4

Mwanaakwe Lesa ngumunene kwiinda baanjelo bweenka mbuli liina Lesa ndyaakamupa mbolibete linene kwiinda lya baanjelo.

Bene Ebulu 2:5

Lesa taakwe kubika baanjelo pabweendeleshi bwa cishi citoosa ico ncetutokwaambaawo.

Bene Ebulu 4:14

Anu atuyuminine akutolelela mulushomo ndotushimikila. Mukwiinga tulicite Mupailishi Munene wiindaawo, uyo wakenjila kwiculu kubete Lesa. Uyu nguJesu, Mwanaakwe Lesa.

1 Pita 3:22

Jesu Klistu wakaya kwiculu alimwi uli kululyo lwakwe Lesa. Uko utokweendelesha baanjelo, beendeleshi alimwi abeshinkusu.