Bene Efeso 1:20 - Baibo Busansulushi Bwa Libuku Ili

²⁰ Lesa nshaakasebensesha ndyaakabusha Klistu kuswa kubafu, akumubika kululyo lwakwe kwiculu.

Bene Efeso 1:20 Marejeleo ya Msalaba

Kulumbaisha 110:1

Mwaami, Lesa wakaambila mwaami wangu ayi, “Kala kulyaansa lyangu lyalulyo kushikila nkaalule balwani bako kwaamba ayi babe mpopakulyata myeendo yako.”

Danyelo 7:14

Mpeeke wakapekwa nkusu, bulemu abwaami kwaamba ayi bamumishobo yoonse, bashikanda shipusenepusene abamumilaka yoonse ayi bamulambile. Bulelo bwakwe teshi bukamaneewo alimwi Bwaami bwakwe teshi bukanyonyoolweewo.

Mateyo 26:64

Jesu wakamukumbula ayi, “Mwacaamba nobeene. Sombi ntoomwaambila noonse ayi, kuswa cecino ciindi mulaakubona MwanaaMuntu kaashiite kulyaansa lyalulyo lwa baIshi, Beshinkusu shoonse. Mulaakumubona keesa mumakumbi a kwiculu.”

Mateyo 28:18

Lyalo Jesu wakasena pafwaafwi akubaambila ayi, “Ndapeekwa nkusu shoonse kwiculu alimwi apacishi ca panshi.

Maako 14:62

Jesu wakakumbula ayi, “Ee, ndime, alimwi noonse mulaakubona MwanaaMuntu kaashite kulyaansa lyalulyo lya baIshi Beshinkusu shoonse. Mulaakumubona keesa mumakumbi a kwiculu.”

Maako 16:19

Mwaami Jesu ndyaakamana kwaambaabo, wakatolwa kwiculu akuya mukwikala kululyo lwakwe Lesa.

Joni 10:18

Taaku muntu weenga wanyaya buumi, ntoobwaaba nemwiine mukuyanda kwangu. Ndicite nkusu sha kubwaaba akububoosha. Uyu ngomulawo wakampa baTa.”

Joni 10:30

Nebo abaTa tulibo womwi.”

Milimo ya Batumwi 10:40

Nakubi boobo Lesa wakamubusha kuswa kubafu pabushiku bwatatu akulengesha ayi aboneke kubantu kaali muumi.

Milimo ya Batumwi 26:8

Ceebonshi mwebo nobaJuda nomuli waano mulaalilwa kushoma ayi Lesa ulabusha bafu?

Milimo ya Batumwi 4:10

Ono mwebo noonse abantu ba muIsilaeli, mulyeelete kwishiba ayi uyu musankwa uliimfwi kunembo lyanu sunu, kaaensene ceebo ca nkusu shakwe Jesu Klistu wa kuNasaleti. Ngowooyo ngomwakapopa pamucilingano, sombi Lesa wakamubusha kuswa kubafu.

Milimo ya Batumwi 5:31

Sombi Lesa wakamusumpula akumubika kulubasu lwakwe lwalulyo ayi abe Mwaami alimwi aMupulushi. Wakacita boobo ayi bantu ba muIsilaeli babe aciindi cakusanduka kuswa kushibiibi shabo, balekelelwe.

Bene Loma 1:4

Sombi Mushimu Usalashi wakatondesha cankusu ayi ngoMwanaakwe Lesa kwiinda mukumubusha kuswa kubafu. Uyu nguMwaami wesu Jesu Klistu.

Bene Loma 8:34

Sa kuli weenga wakonsha kubapa mulandu? Taaku nabibo womwi. Ndushinisho nabibo Klistu Jesu, uyo wakafwa akubushikwa kuswa kubafu, uli kululyo lwakwe Lesa alimwi utootwaambililaako kuli nguwe, taakoonshi.

Bene Efeso 1:3

Atulumbe Lesa, baIshi Mwaami wesu Jesu Klistu! Mukwiinga kwiinda muli Klistu, wakatupa shoolwe sha mushimu shoonse shicanika mucishi ca kwiculu.

Bene Filipi 3:10

Ndisuni kwishiba Klistu ankusu shakubuka kwakwe kuswa kubafu, kukoshanyaakwe mumapensho akuba mbuli nguwe mulufu lwakwe.

Bene Kolose 1:16

Mukwiinga kwiinda muli nguwe, Lesa wakalenga shintu shoonse, sha kwiculu alimwi asha mucishi ca panshi, shiboneka ashitaboneki, nkusu sha baanjelo, bamaami, beendeleshi alimwi abamaloba. Lesa wakalenga shoonse kwiinda muli nguwe akwaamba ayi akanoosheendelesha.

Bene Kolose 3:1

Ceebo mwakabushikwa pantu pomwi aKlistu, amubike myoyo yanu pashintu sha kwiculu, uko Klistu nkwaashiite kulubasu lwalulyo lwakwe Lesa.

Bene Ebulu 1:3

Muli nguwe mulaboneka kumweka kwa bulemu bwakwe Lesa alimwi ncecikoshanyo ciine ca bube bucite Lesa. Ngoolengesha shintu shoonse mucishi ca panshi kuba bweenka mboshibete kwiinda mumaswi akwe a nkusu. Ndyaakamana kulengesha Lesa kulekelela shibiibi sha bantu, wakaya kwiculu mukwikala kululyo lwakwe Lesa Shinkusu shiindaawo.

Bene Ebulu 10:12

Sombi Klistu lakwe wakalibengabo linkanda lyomwi ayi abe mulambu wakukusha shibiibi. Mulambu uyu ulicite nkusu lyoonse. Ndyaakamana kulibenga, wakaya mukwikala kululyo lwakwe Lesa.

Bene Ebulu 13:20

Lesa upa luumuno, uyo wakabusha Mwaami Jesu kuswa kubafu, lakwe ngoMweembeshi munene wa mbelele mukwiinga wakalibenga ayi acaikwe alimwi kwiinda mulufu lwakwe, wakabika cipangano citamaani.

Bene Ebulu 2:9

Sombi ngotubona nguJesu, uyo wakaceeshekwa kwiinda baanjelo paciindi ciniini, watambula mushini wa bulemu abwaami ceebo ca mapensho ngaakeendaamo ndyaakafwa. Cakaba boobo mukwiinga Lesa muluse lwakwe, wakasuna ayi Jesu afwite bantu boonse.

1 Pita 1:3

Atulumbe Lesa Ishi Mwaami wesu Jesu Klistu! Ceebo ca nkumbu shakwe shiindaawo, wakatupa buumi bupya ayi tube akulangila kwiine kwiine kwiinda mukubusha Jesu Klistu kuswa kubafu.

Ciyubululo 1:17

Ndindakamubona, ndakawita muliimfwa lyakwe akuboolabo anga ngumuntu ufwite. Sombi wakambika lyaansa lyakwe lyalulyo akwaamba ayi, “Utaloondi! Nebo ndime Matalikilo alimwi aMamanino.